Það er hvergi gluggi á þessu og það er ekki op niður eða neitt. það er eins og þetta hafi átt að vera geymsla eða einhvað. Málið er að húsið sem við búum í var sveitaverslunin sem var svo lögð niður fyrir mörgum árum og íbúðarhúsið er tæpir 200 fermetrar og svo gamla verslunarlokalið og lagerinn svo að við höfum ekkert að gera með kjallara líka :) þetta verður því ekkert notað.
Við fórum ekki niður en við vorum að reyna að lýsa niður með vasaljósi og svo tók ég nokkrar myndir til við gætum reynt að átta okkur á hvernig þetta væri. Það er steypt gólf þarna og það liggur rafmagn þarna niður, það er perustæði í loftinu og pera en ég veit ekki hvar slökkvarinn fyrir þetta er eða neitt. Að öllum líkindum hefur átt að vera niðurgengt úr eldhúsinu.
Það sem mér dettur einna helst í hug að hafi átt að vera þarna er vínkjallari það er svoleiðis í mörgum gömlum húsum hérna.
Það eru burðarbitar undir gamla gólfinu svo að við ákváðum að setja bráðabirgðargólf yfir gamla gólfið, það er ódýrast og við eigum ekkert of mikla peninga. Við keyptum 22mm gólfspónarplötur og erum að setja yfir þetta.