Ég bý í Kanada og hér er það nokkuð algengt að fólk leigi saman en það er líka nokkuð algengt að meðleigjandinn lætur sig hverfa, skilur kannski eftir himinháan símareikning og hinn missir jafnvel íbúðina vegna þess að hann getur ekki klárað leiguna sjálfur. Einn skólafélagi minn var að segja mér frá því bara um daginn að meðleigjandi hans fór að borga leiguna um síðustu mánaðamót en lét sig bara hverfa með peninginn þannig að honum verður hent út.

Hins vegar þekki ég fólk sem hefur stundað þetta og gengið vel. Ég myndi samt ráðleggja ef þið ætlið að gera þetta að þið hafið mjög skýrar reglur. Þið leigið íbúðina, berið ábyrgðina og því ráðið þið. Látið sundurliða símareikninginn til að það fari ekki milli mála hver á hvað. Vissara er að setja líka langlínulás á símann þannig að það sé ekki hægt að hringja til útlanda eða 900 númer en þið getið látið setja leyninúmer á það ef þið þurfið sjálf að hringja. Hafið á hreinu hver á hvaða mat eða ef keypt er inn sameiginlega að hinir taki líka þátt í því. Fáið líka endilega meðmæli með fólkinu sem þið ætlið að taka inn. Talið við annað fólk sem það hefur leigt hjá og fáið á hreint hvort það borgar og hvort það sé í lagi. Talið jafnvel líka við fólkið sem það vinnur hjá til að tékka hvort það sé í lagi. Ef þú hefur séð Single White Female, þá kom fram í textanum held ég í lok myndarinnar frekar en í byrjun að flestir sem fá sér meðleigjendur velja þá eftir 5 mín. samtal án þess að tékka meðmæli.

Við höfum verið meðleigendur og haft meðleigjanda og hvorugt hentaði okkur. Það fer auðvitað bara eftir einstaklingum hvað hentar, en okkur líður best að vera bara útaf fyrir okkur. Sérstaklega eftir að börnin komu til sögunnar.
En gangi ykkur bara vel.

Það er nú oftast með svona mál, þetta er bara spurning með heppni. Ég er að leigja íbúð, og svo býr kærastinn minn hjá mér, (og leigir með mér) og ég er með leigjanda, sem er mjög fínn, hann er á sjó og er þ.a.l. ekki mikið heima.
Hann á litla stelpu sem kemur og er hjá stundum hjá honum þegar hann er í landi, og erum við mjög góðar vinkonur, (hún er 4 ára).
Og enn sem komið er gengur þetta bara mjög vel, höfum meira að segja farið einu sinna að djamma, 3 saman, og erum að plana að halda sameiginlegt partý og bjóða vinum okkar allra. Þannig að ég er frekar heppin með leigjanda.

Þið verðið bara að velja vel ef þið ákveðið að fá leigjendur með ykkur, gangi ykkur vel.

Kveðja Dagný

Bara vera mjög hreinskilin á reglum og öðru áður en manneskjan flytur inn því það er voðalega erfitt að ætla að fara að gera það eftirá. Bara setjast niður og helst hafa þetta skriflegt á milli þ.e. hvernig eigi að standa að greiðslum varðandi ýmsa hluti s.s. síma, leigu, mat ofl.
Oftast betra að vera bara harður í byrjun því þá líka veit fólk að hverju það gengur. Svo hef ég oft rekið mig á það að ef maður gefur fólki oft litla putta að þá reynir það að taka alla hendina, þannig að ef þú ætlar að setja reglur að þá verðurru að vera tilbúin að standa við þær ef til þess kemur.

Veit um fólk sem hefur verið mjög heppið með leigjendur en líka aðra sem hafa verið mjög óheppnir.