Ekkert sushi :O?

Ekkert kjöt eða fiskur þá yfir höfuð?

ok :) þetta gefur smá ranga mynd af þé

okey… mikill munur eða ?

Sæl og gleðilegt nýtt ár. Mér tókst að halda fæðinu yfir hátíðarnar án þess að svindla neitt. Það var ekki létt en það tókst :). Það er ýmislegt að frétta. Ég er núna búinn að missa alls u.þ.b. 5 kíló yfir jólamánuðina sem mér finnst nokkuð magnað. Ég hef hins vegar komist að því ég hef ekki verið að borða alveg 100% hrátt allan tímann. Fyrir svona 10 dögum komst ég að því að pistasíuhneturnar eru soðnar til þess að opna skelina, ég hef ekkert borðað af þeim eftir það. Einu hneturnar sem ég borða núna eru möndlur, hesli- og kasjúhnetur. Þær hljóta að vera hráar. Einnig stend ég frammi fyrir öðru vandamáli þar sem engin sól er á Íslandi um þessar mundir þ.a.l. þarf ég að fá D-vítamínið úr lýsi en það er ekkert D-vítamín að finna í þessu fæði enda treysta hráfæðisætur á sólina. Ég tek bara eina teskeið á morgnanna þannig að það ætti alls ekki að nein mikil áhrif, olían er tæknilega hrá en er dýraafurð og dýraafurðir eru ekki partur af fæðinu.

Afeitrunareinkennin hafa verið frekar smávægileg síðustu daga en skapið hefur verið svolítið slæmt 1 eða 2 daga, smá hálsbólga sem háði mér ekkert, og bólgur í tannholdi sem eru farnar núna. Svo virðist sem ég sé kominn yfir það versta en talað er um að ef ég haldi áfram að borða svona hreint og hollt fæði þá muni ég örugglega upplifa einhver smávægileg einkenni af og til næstu mánuði.

Góðu áhrifin hafa hins vegar verið mikið fleiri og viðameiri. Alveg tvímælalaust aukin orka, yfirleitt fer ég út að hlaupa á morgnanna og hefur það alltaf verið nóg af líkamsrækt fyrir daginn. En núna er ég oftast til í æfingu númer 2 seinna um daginn. Öll líkamsáreynsla er miklu áreynsulausari, þægilegri og auðveldari. Ég hef sett persónulegt met í armbeygjum og magakreppum sem ég vill meina að sé fæðina að þakka. Skapið mitt er miklu betra en það hefur verið áður og stundum, oftast eftir að hafa borðað stóra grænmetisskál, þá líður um mig algjör sæluvíma af engri sérstakri ástæðu. Væntanlega líkaminn að þakka mér fyrir það að gefa honum það sem hann vill. Hugsunin er talsvert skýrari og skilvirkari einhvern veginn. Það sem ég hef hins vegar ekki upplifað er betri húð. Allavega hef ég ekki tekið eftir því. En ég gef því séns því að húðin endurnýjar sig ekki strax en mér skilst að það sé miðað við 30 daga. Svo hef ég heldur ekki ennþá þurft einhvern minni svefn, ég virðist þurfa meiri svefn ef eitthvað, sérstaklega eftir erfiðar æfingar. Að borða rétt eftir æfingar hefyr víst einhvern þátt í þessu en ég verð að segja að ég bjóst við framförum á þessu sviði. Ég hef alltaf þurft minn mikla svefn (8 klst, ef ég fæ ekki 8 þá fúnkera ég varla) en vonandi mun ég sjá einhverjar framfarir á þessu sviði seinna meir.

Talandi um svefn og hráfæði þá verð ég að deila með ykkur sögu sem mér fannst mjög áhugaverð. Dr. Douglas Graham, sem er hráfæðisæta og skrifar bækur um málefnið, á dóttur sem er tæplega 4 ára. Hann hefur alið hana upp á hráfæði frá fæðingu (fyrir utan brjóstamjólk náttúrulega). Þegar börn eru á fyrsta ári þá þurfa þau venjulega að sofa 16-18 tíma á dag. En stelpan hans þurfti bara 12 tíma svefn á dag. Sem þýddi það að hún hefur upplifað talsvert fleiri vökustundir en jafnaldrar sínir og þ.a.l. upplifað mikið meira og þroskast hraðar. Enda eru flestir vinir hennar 1-1,5 ári eldri en hún. Einnig hefur hún ALDREI veikst. Hugsa sér, hver væri þú í dag ef þú hefðir alltaf verið alin/n á hráfæði? Þú værir öruggleallt önnur manneskja :)

Eitt sem er áhugavert við þetta fæði sem mætti kalla kost eða galla eftir því hvernig litið er á það, er það að ekki er hægt að deyfa sig á þessu mataræði. Við vitum öll að við getum deyft okkur með því að borða mat og gerum það oft. Ef okkur líður eitthvað illa þá er hægt að sefa sársaukann með því að borða þungan mat eða nammi t.d. Við deyfumst því að líkaminn þarf að nýta mikla orku í að melta eða losa út eiturefni og þú kemst svolítið úr sambandi við tilfinningar þínar á meðan. Þegar maturinn er svona auðmeltanlegur eins og á hráfæði, þá er svona deyfing bara ekki möguleiki. Ef mér líður eitthvað illa eða er að upplifa slæmar tilfinningar þá get ég ekki flúið frá þeim. Ég verð að takast á við þær og rót vandans ef ég vill að þær hætti. Þetta getur náttúrulega verið ókostur litið til skammtímans en ég held að flestir sjái að þetta sé mikill kostur til lengri tíma litið. Á hinn bóginn upplifir maður góðu tilfinningarnar náttúrulega miklu sterkar líka :).

Annað áhugavert sem ég hef upplifað líka er að maður ekki eins háður mat. Venjulega borðar maður 3-6x á dag og rétt fyrir hverja máltíð sem er í vana manns þá gjörsamlega gaula í manni garnirnar. Eða allavegana ef maður er aðeins lengur án matars en venjulegar. Ég er hins vegar ekki þannig lengur, eftir morgunmat sem gæti verið t.d. sjeik búinn til úr 5-6 banönum og jarðarberjum, þá get ég alveg verið hálfan daginn án matars ef ég vildi, jafnvel lengur. Ég fæ alveg hungurstilfinningu en það er mikið auðveldara að hundsa hana.



Ég hef ákveðið að halda áfram með þetta fæði og vera 60 daga lengur en upprunulega tilætlaðist, sem summast þá upp í 90 daga, til að fá almennilega reynslu á þetta. Það er ýmislegt sem ég á eftir að komast að, hvort að húðin breytist, hvort að ég veikist eitthvað; því að ónæmiskerfið á að verða margfalt öflugra, hráfæðisætur segist nær aldrei veikjast, kannski á áratuga fresti. Venjulega veikist ég a.m.k 3-4 á ári, oftast mikið oftar, ef ég er hvergi nálægt því að verða veikur næstu 2 mánuði þá er ég nokkru nær um þessa staðhæfingu. Frá flestum hliðum er það sjálfsagt val að halda þessum áfram. Það helsta sem mér dettur í hug sem mælir á móti þessu eru fjárhags- og félagslegir ókostir. En ég er tilbúinn til að fórna þeim allavega í bili. Kannski draga þeir mig niður á endanum, það er alltaf gaman að deila máltíð með öðrum. Ef þið þekkið annars einhvern sem er í þessum pakka endilega sendið mér línu. Einnig fer náttúrulega tími í að spá í fæðinu þar sem þetta er meiri fyrirhöfn en venjulega. En allavega þarf ég ekki að elda ;)

Hér er rosalega yfirdrifið myndband um hráfæði með alveg hrikalega asnalegum sólstrandargæja. En myndbandið kemur allavegana skilaboðunum til skila á stuttum tíma :).
http://www.youtube.com/v/z3xOU2tLl7g&rel=1

Hahaha vöðvarnir þínir hverfa! Hvað áttu í beygju,bekk og deddi ?

Eins og camz sagði þá eru eflaust líka vöðvar að fara.

En allavega, mér finnst þú alltof léttur og finnst að þú ættir að koma upp smá vöðvamassa. Það er ekki kúl að vera með undir 10%bf og vera bara hreinlega skinny

Síðast þegar ég fór í fitumælingu var ég 9% og með 24.9 í BMI (eða 197cm og 96.5kg) og mér finnst ég vera alltof lítill og er að reyna eins og ég get að þyngjast.

Hins vegar veit ég ekki hvort það sé hægt að þyngjast og styrkjast á þessu mataræði þínu

Ég einhvernveginn stórlega efa það að þetta sé bara fita.

Ég hef nú prufað eitt og annað um ævina, m.a. að fasta í nokkrar vikur… þannig að ég tel mig hafa þó nokkra reynslu þegar kemur að detox og heilsu, auk þess sem ég hef starfað í heilsugeiranum um árabil. Ég er alveg sammála þér því að margir hefðu gott af því að hvíla meltingarfærin af og til, og breyta út af vananum. Reynslan hefur sýnt mér að besta leiðin til að fyrirbyggja sjúkdóma sé regluleg hreyfing, hollt mataræði og góður svefn. Þannig helst líkaminn best í Jafnvægi. Svo má aftur endalaust deila um hvað sé hollt og hvað ekki.
En hráfæði hentar bara ekki öllum, því við erum ólík, sérstaklega þegar kemur að blóðflokkum t.d. - en hráfæði hentar sumum blóðflokkum betur en öðrum, og kjötneysla hentar sumum betur en öðrum. Allir hefðu hins vegar gott af því að auka hjá sér neyslu á lifandi mat.

Svona létt fæði betur þeim er búa nær miðbaug þar sem er hlýrra loftslag.. við sem búum hér í kuldanum og myrkrinu þurfum að passa betur uppá að fá kjöt og fitu (og sólarljós). Þess vegna hefði verið betra fyrir þig að fara í þetta átak í vor, frekar en í vetur. Það hefði verið í meiri takt við líkamsklukkuna, þar sem við breytumst og aðlögumst árstíðunum.

Smá pæling að lokum:

Japanir reykja meir en Bandaríkjamenn, samt er hærri tíðni lungna- og hjartasjúkdóma í Bandaríkjunum en í Japan. Enda éta Kanarnir mikið meiri skyndibita, djúpsteiktann mat, hvítann sykur o.s.frv. á meðan aðal uppistaðan í fæðu Japana er fiskur, fiskifita, þang og grænmeti.

Ef górillur fengu eldaðan mat að éta, ætli þær yrðu sterkari ? Ef górillur ætu kjöt, ætli þær væru sterkari en þær sem borða bara grænmeti ?