haha þetta eru svona 3.000 kaloríur max

Ertu eitthvað villt?

6-10þúsund kaloríur eru way off, þetta eru max 2500-3000.

ekki sem eitthvað svaka markmið nei en það er ekki hægt að taka á og byggja vöðva án þess að brenna einhverju né brenna miklu án þess að viðhalda vöðvunum (eða brenna þeim ef maður gengur of langt) svo það hjálpast að

Heitiru Tryggvi?:)

Quadriceps:
“Klárlega ósammála þvi. Grunnbrennslan helst mun hærri ef líkaminn fær stöðugan straum af næringarefnum yfir daginn. Hvernig helduru að brennslan þin væri ef þu borðaðir eina 1500 hitaeiningamáltíð á dag í staðinn fyrir 5 300 hitaeininga. Steindauð.”


Lurkur33:
“Fyrsta skipti sem Quadriceps er sammála mér.

Um leið og þú færð þér smá að borða kveikiru á brennslukerfinu þínu, þar sem þú ert væntanlega að borða minna ef þú ert að reyna að létta þig, þá er líkaminn sneggri að brenna þessu þar með þarftu að borða oftar.”


TestType:
“Pælingin er að halda efnaskiptum líkamans stöðugt gangandi. Það á sér ekki stað nema þú sért að borða og fá næringu. Þess vegna er mikilvægt að borða á 2-3 tíma fresti yfir daginn, þá eru efnaskiptin á fullu allan þann tíma sem þú ert vakandi.

Svo náttúrulega nýtirðu betur næringarefnin ef þú takmarkar magnið á þeim í hverri máltíð, líkaminn ræður bara við ákveðið magn af prótíni, kolvetnum, fitu, yfir ákveðinn tíma, allt sem fer umfram það sem hann getur unnið úr er breytt í fitu.”

————

(þið fáið óvenju ítarlega svar þar sem þetta viðfangsefni er tengt grein sem ég er að vinna í, mér hefði ekki fundist það vera tímans virði að skrifa svona mikið ef þetta væri ekki góð æfing fyrir mig)

Þið eruð of trúgjarnir á það sem þið lesið, þetta er gott dæmi um það að ef þú endurtekur eitthvað nógu oft, sama þótt að það sé algjört kjaftæði, þá fer fólk að taka því sem sannleik (getur verið nokkuð gott trikk fyrir yfirvöld til að stjórna fólki). Að borða 6 sinnum á dag er orðið hálfgert tískufyrirbrigði hjá þeim sem þjálfa og/eða hugsa um heilsuna því það er sagt vera betra. Fólk er búið að heyra það svo oft að það véfengir það ekki og tekur því sem sannleik að það virki betur og heldur að það sé að hægja á efnaskiptahraða líkamans og/eða missa vöðva ef það líður of langur tími á milli máltíða. Það væri betra fyrir fólk að einbeita sér að því sem skiptir mestu máli, þ.e.a.s. hvað fólk borðar og hvað mikið magn daglega en hvort það borðar þrisvar eða sex sinnum á dag.

Athugið að ég er ekki að segja að borða sex sinnum á dag virki ekki betur á marga en að borða þrisvar á dag t.d. ef markmiðið er að brenna fitu og/eða bæta á sig vöðvum heldur að í mörgum tilvikum hefur það engin eða lítil áhrif á árangur hvað þú borðar oft á dag og að þær rannsóknir sem bera saman mun á því að borða mismargar máltíðir á dag benda ekki til þess að það sé neinn marktækur munur á brennslu.

Hér eru nokkrar ástæður sem ég tel að hafi átt þátt í því að gera það að borða svona oft svona vinsælt:

#Mörgum finnst auðveldara að stjórna matarlystinni með því að borða oft á dag. Þegar fólk borðar oft er svo stuttur tími á milli máltíða að líkurnar á því að blóðsykurinn verði mjög lágur, sem gæti leitt til þess að fólk verði þreytt og/eða svangt, minnka. Auk þess minnkar þetta líkurnar á því að fólk borði of lítið sem er ein helsta ástæða þess að fólk verður ekki ágengt við það að missa fitu til lengdar. Þetta á sérstaklega við um fólk sem er með lélegt insúlín viðnám því það eykur líkurnar á miklum blóðsykursveiflum. Að vera með lélegt insúlín viðnám er nokkuð algengt hjá feitu fólki þar sem að vera feitur fer ekki vel með líkamann en getur einnig verið hjá grönnu fólki út af lélegu mataræði eða t.d. lélegum genum. Það er þó líklegt að fólk sem hefur aldrei verið með mikið af fitu á sér sé með gott insúlín viðnám.

#Meal replacement powders sem eru seld af mörgum stærstu fæðubótarframleiðendunum eru oft auglýst á þeim grundvelli að þú þurfir að borða 6 máltíðir á dag og að meal replacement powders sé mjög hentug leið til að fá fullkomna næringu (eða þannig) í einhverjum fullkomum hlutföllum próteina, kolvetna, fitu o.s.frv. þegar maður hefur ekki tíma til að undirbúa og/eða eyða tíma í að borða 6 máltíðir á dag.

#Þegar þú ert að vinna í átt að einhverju markmiði gildir oft að því meiri tíma sem þú eyðir í markmiðið því betra. Tíminn og skipulagningin sem að felst í því að borða 6 máltíðir á dag gæti þannig vel látið fólk fá á tilfinninguna að það sé að áorka einhverju og það er eflaust stolt af þeim metnaði sem þarf til að hafa svona skipulagt mataræði sem ekki allir mundu nenna að hafa fyrir. Og þótt að það tæki ekki meiri tíma að borða og/eða skipuleggja 6 máltíðir á dag þá gæti breytingin úr því að borða fáar máltíðir á dag yfir í það að fara að borða 6 máltíðir á dag auk þess látið fólk finnast að það sé að breyta mataræðinu sínu til hins betra í staðinn fyrir að standa í stað.

Þess má geta að ef fólk er vant því að borða oft á dag og fer allt í einu að borða sjaldan á dag þá er ekki óalgengt að það verði frekar þreytt og/eða óvenju svangt á milli máltíða þrátt fyrir að það sé að borða jafnmargar kaloríur yfir daginn með því að borða stærri máltíðir í einu. En ef líkamanum er gefinn smá tími til að aðlagast því að borða sjaldnar (eins og 1 mánuður eflaust) þá lagast þetta oft. Það getur einnig gilt um sumar aðrar breytingar á mataræði fólks að líkaminn taki tíma að aðlagast. Sem dæmi er um það að ef maður eykur neyslu fitu töluvert á kostnað kolvetna og/eða próteina þá tekur tíma fyrir líkamann að aðlagast því að vinna mikla orku úr fitu út af upregulate á ensímum sem tekur tíma sem gæti leytt til þess að mataræði sem gæti virkað vel á fólk til langs tíma gæti fengið fólk til að fitna og/eða vera orkulítið til skamms tíma á meðan á aðlögunartímanum stendur.

Það er alveg satt að ef maður borðar fáar og stórar máltíðir í einu þá fer meiri orka í fitu á hverja máltíð en það er líka auðvelt að koma með þau mótrök að maður brennir meiri fitu á milli máltíðanna svo að útkoman er í grófum dráttum sú sama.

Það að borða morgunmat er einnig ofmetið þar sem það lætur þig ekkert brenna meira yfir daginn nema þú sért að borða meiri kaloríur í heildina. Að borða morgunmat er einungis leið sem hjálpar mörgum að stjórna matarlystinni alveg eins og að borða oft á dag.