Erfiðleikar við að sofna geta komið til af mörgum mismunandi ástæðum, og þessvegna er erfitt að gefa ráð án þess sé búið að áætla hvað liggur að baki í hverju tilfelli.
Stundum eru svefnvandræðin aðallega bundin við vissan aldur, þetta er amk. algengt meðal unglinga, stundum eru þau tengd inntöku á koffeini, of miklu áti fyrir svefn, stundum stressi og stundum líffræðilegum truflunum á heilasvæðinu sem sér um að stilla dægurrytmann.
Ef þér finnst ástandið vera orðið slæmt, og almennar ráðleggingar (t.d. ekki borða mikið fyrir svefn, takmarka koffein, stunda líkamsrækt reglulega) ekki vera að hjálpa, er auðvitað ágætt að leita til fagfólks.

Ég hef verið að glíma við þetta líka og í mun lengri tíma en 2 ár. ;)

Ég þó orðinn nokkuð góður í dag. Ég veit hve ömurlegt það er að liggja andvaka; ég held að það verði erfiðara með aldrinum því þá hefurðu meiri lífsreynslu og meira leiðinlegt til að hugsa um. ;) Það er svo skrítið að allt það ömurlegasta í lífi manns vill hellast yfirmann þegar maður liggur svona andvaka, þannig að ég veit að þetta er algjört hell. En ég vona það bara þín vegna að þú sért ekki kominn með næga lífsreynslu eða bara kominn á það stig að fá svona bömmer með þessu.

Það má summa það sem flestir hafa sagt um þetta mál í eitt orð: REGLA.

Hvað þýðir það? Jú, vakna alltaf á sama tíma. Og… wait for it … LÍKA UM HELGAR. ;) Og trúðu mér, ég veit líka hve sárt það er. En það lagast eftir svona 30 mín, og kannski með einum stórum og sterkum bolla af kaffi. ( Annars held ég að kaffi sé eitt að því sem ég þurfi að venja mig af. )

Annað, að fara í rúmmið á sama tíma. Jafnvel þó þú vitir að þú munir ekki sofna. Ég hugsa dæmið ef ég ætla að gera bjartsýna tilraun til þess að sofa í átta tíma og vakna klukkan 7:00 þá fer ég í rúmmið kl: 22:00. Niðurstaðan verður kannski 5-6 tíma svefn með 2-3 uppvöknunum, en stundum virkar þetta bara skratti vel, næ kannski 7 tímum. Ég nú verð ég syfjaður kl 22:00 af því líkaminn er stilltur inn á að vera syfjaður, þetta gerðist ekki áður. Jafnvel þó að þetta ( að ég verði syfjaður ) þýði ekki endilega að ég sofni. En þetta er allt á réttri leið.

Annað klassískt ráð er að leggja sig ekkert yfir daginn.

Og svo, ekkert örvandi eftir 16:00 eða 17:00. Kaffi er td rosalega lengi virkt í líkamanum, þó menn finni mismikið fyrir því ( búnir að mynda mikið þol fyrir því ).

Svo eitt persónulegt trikk sem ég hef notað. Ég hlusta á AA-radíó þegar ég get ekki sofið. Og til að fyrirbyggja misskilning þá er ég enginn alki, ég held raunar ég sé einhverstaðar hinumegin á sálfræðiskalanum ( ef það væri einhver skali ). Ástæðan fyrir því að ég nota hlusta á AA-radíó er líklegast vegna þess að það er svo til alltaf samskonar efni í gangi, engin tónlist ( sem gagnast lítið þegar maður er að fara að sofa ), og umræðurnar eru oftast á rólegu nótunum, svo er ótrúlegt hve fyndnir margir þessir alkar eru. Þetta er svona góð jarðtenging fyrir svefninn. En hugsanagangurinn fyrir svefninn skiptir miklu máli, og þessi rás hjálpar manni að setja sig inn í svipaðan hugsanagang á hveju kvöldi fyrir svefninn. Málið er að nota öll ráð sem virka, jafnvel þó þau séu pínu kjánaleg.

Ef ekkert er að virka og þér finnst þú sért að verða geðveikur á þessu, er ekkert annað en að tala við lækni og fá svefnlyf. Sjálfur kann ég best við imovan, frekar en stillnackt ( eða hvað þær heita nú ) því þær síðari fara í skapið á mér. Gallinn við svefnlyf eins yndisleg og þau eru fyrir okkur, sem eigum RAUNVERULEGA erfitt með að sofa, er að maður verður pínu svona mjúkur eða syfjaður daginn eftir ( þó maður venjist því og myndi í raun þol fyrir töflunum ). Annað skrítið sem ég fann fyrir var að mér þótti ógurlega notalegt að pæla í stærðfræði og að tefla þegar ég var búinn að taka þessar svefntöflur. Sem kom mér á óvart því ég bjóst við því að verða akkúrrat of sljór til að tefla að einhverju gangni, en nei, það gekk janfnvel bara betur ( spurning hvort afslöppunin hafi hjálpað? ). Annar FEITUR galli á svefnlyfjum sem ég er að borga fyrir núna, er að þú líkaminn venst því að sofa með hjálp lyfja, og þegar þú hættir á þeim sefurðu mun léttar en áður. Svefnlyfin eru ástæðan fyrir því að nú vakna ég miklu oftar á nóttinni eftir að hafa loks náð að sofna ( þó að það sé auðvitað fyrir mestu ná að sofna fyrsta dúrinn, því þá er nætursvefninn kominn í höfn ). Þannig að þú villt ekkert vera að nota svefnlyf nema þegar þú ert kominn á svona “Ég þoli þetta ekki lengur!!!” stig.

Ok, góðar nætur.

Ertu stressuð? Í erfiðu námi? Ég held að það sé algeng ástæða fyrir svefnleysi, sérstaklega á þessum aldri.

Eitt gott ráð er að reyna að tæma hugann alveg, hugsa ekki um neitt, og telja hægt upp í 10, aftur og aftur. Einbeita sér algjörlega að tölunum. Allavega hefur læknir sagt þetta (virkar samt ekki á mig).

Getur líka, ef þú ert með gott ímyndunarafl, hugsað upp einhverja sögu eða eitthvað og svo fer þig að dreyma útfrá því. Það er það sem ég nota alltaf, fær mig til að gleyma áhyggjum og þannig hlutum.

Ég les líka fyrir svefninn, virkar til að gleyma áhyggjunum. Getur kannski virkað fyrir aðra að horfa á sjónvarpið eða hlusta á tónlist í staðin, virkar ekki á mig því þá langar mig frekar að horfa en að fara að sofa :P

Mér hefur verið sagt að súkkulaði sé gott, þá eins dökkt og þú getur (ekki mjólkursúkkulaði, það er meiri sykur í því). Og svo mjólk auðvitað.

Eitt mjög mikilvægt, ekki kíkja á klukku eða telja tímana sem þú sefur. Það fær þig bara til að hafa meiri áhyggjur.

Mér dettur ekkert fleira í hug í augnablikinu. Gæti samt örugglega rifjað upp fleiri ráð, þar sem ég hef MJÖG mikla reynslu í þessu :P

Bætt við 24. janúar 2008 - 20:26
Getur prófað að reyna að sofna með eyrnatappa ef það er eitthvað í kringum að trufla þig.

Kíktu á rútínuna þína fyrir svefninn. Hvað ertu að gera? Ertu í tölvunni, ertu að horfa á sjónvarp, ertu að klára síðustu heimavinnuna og hugsa um það, hvað ertu að gera?

Mjög mikið svefnleysi og svefnerfiðleikar verða til þegar fólk er ekki að slappa af nógu mikið áður en það fer í rúmið. Sumir eru á fullu að gera heimavinnu eða eitthvað því tengt alveg þangað til þeir fara upp í rúm (eða jafnvel uppi í rúmi) og það er ekki gott, skapar stress og þá er hugurinn heldur ekki að slappa neitt af áður en þú ferð upp í rúm, jafnvel þá fer hann af stað að hugsa um hitt og þetta.

Prufaðu að gera það að reglu að síðasta hálftímann fyrir svefn er algjörlega stress og vinnufrír. Þá er bara bannað að hugsa um skóla og vinnu og gera heimalærdóm. Notaðu frekar tímann í að fá þér tebolla (kamillute er slakandi og hjálpar með svefn), setjast niður og lesa smá (en ekki í skólabók!), fara út í rólegan labbitúr í 15 mín, ofl. Allskonar hlutir sem tengjast bara því að slaka á og hafa það fínt.

Annað sem þú getur prufað eins og einhver sagði að ofan er að minnka koffein-neyslu, fólk sem drekkur mikið kaffi og kók á oft í erfiðleikum með svefn.