Fólk tekur þjálfun út á mjög ólíkan hátt. Tökum tvo íþróttamenn sem æfa saman, nákvæmlega jafn mikið og nákvæmlega eins. Það er alveg ljóst að þeir munu samt ekki alltaf vera í sama formi. A mun kannski taka strax við sér og taka framförum strax, á meðan ekkert gerist hjá B. En svo skyndilega tekur B stökk og tekur fram úr A í formi, sem hefur verið að taka framförum jafnt og þétt. Þannig að það er mikilvægt að trúa og treysta því að vinnan skili sér, sérstaklega ef þú ert íþróttamaður eins og B. Ég er bara að segja þetta svo þú gerir þér grein fyrir þessu.

Svona 3 mánuðir ættu að sýna mun. Sumir sjá mun strax, aðrir síðar. En það mun koma. Íþrótta menn eru ekki “búnir til” á einu ári til dæmis. Það tekur nokkur ár. Einhverstaðar las ég að það tæki 5 ár að byggja upp hjólreiða mann. ;) En hér erum við auðvitað að tala um fullburða íþrótta mann ( hann er auðvitað löngu búinn að sníða af sér fituna ).

Mismunandi líkamskerfi þróast/aðlagast mis hratt. Þú getur rifið upp formið á nokkrum vikum með mjög stífum æfingum, en þannig form endist líka stutt, og enginn getur æft eins og vitleysingur lengi án þess að líkaminn kikni undan því. Grunnformið, sem byggir td á hæfileika líkamans til að nýta fitu til orkubrennslu, eða aukið blóðflæði ( fleiri æðar ) um þá vöðva sem þú notar mest, aukning hvatbera í frumum ( þar sem súrefni er notað í bruna ), styrking sina, brjósks og beina, aukning á rúmmáli hjartans og svo framvegis; allt þetta og meira til tekur lengri tíma að þróast, og þá erum við að tala um 6 mánaða eða 12 mánaða skref ( svona gróflega ). Ég man til dæmis að ég hætti að verða eins þyrstur eða þurfa eins mikla næringu og ég þurfti eftir að hafa hjólað í 2 ár. Ég gat hjólað á sömu leið og á sama tempói, án þess að borða og drekka, miðað við að áður drakk ég kannski brúsa af vatni og þurfti að borða eitt orku bar til þess að verða ekki hálf ómögulegur. Allskonar svona dót tekur tíma að þróast. En fitan rennur mun fyrr af þér. ;)

Ég mæli með því að þú kaupir þér púlsmæli sem getur áætlað hve mörgum kkal þú brennir, og ég myndi skrá þetta í lita minnis bók. Skráðu líka hve margar klst þú notar á viku til að æfa, þá leggurðu allt saman, líka tímann í lyftingum og á fótboltaæfingum. Þannig geturðu fylgst með æfingaálaginu, og séð hvort aukning um klst á viku fer aðskila sér kannski eftir 3 mánuði. Þú getur líka skráð aðra hluti, eins og hvíldarpúls, vegalengdir, tíma, skap ( notað broskalla ), þyngd, fituprósentu og bara hvað það sem þér finnst koma þér að gagni.

Æfingadagbók hjálpar þér að æfa skynsamlega, og forðast grófar breytingar í æfingaálagi, sem oft endar með meiðslum eða ofþjálfun. Með æfingardagbók geturðu bætt lítillega við þig af æfinga tíma og séð hvernig formið tekur breytingum með því að skoða bókina aftur í tímann.

Ef þér finnst 30 mín í viðbót á hlaupadegi, ekki vera að skila sér eftir 3 mán, þá myndi ég bæta 30 mín á annan dag ( til viðbótar ). En mundu að þú tekur framförum Í HVÍLD en ekki á æfingu. Þannig að ekki gleyma að hvíla ( því þá nær líkaminn ekki að aðlagast ).