Það er slæmt að hnykklæknar haldi að þeir geti læknað annað en ákveðna bakverki og hausverki, því þeir geta það ekki. Það er verið að eyða tíma þeirra sem eru að læra þetta, þeirra sem sækja meðferð hjá þeim og peningum þeirra. Auk þess sýnir þetta betur það sem ég var að segja, þetta nám fyrstu tvö árin hefur ekkert með hnykklækningar að gera. Það er verið að blanda þessu saman við næringarfræði og annað til þess að búa til heildarkerfi til lækninga á hvers konar meinum. Eins og kom fram í greininni sem ég vísaði í, þeir láta fólk grenna sig og breyta um matarræði til þess að bæta heilsu fólks og jákvæð áhrif þess eru svo að hluta til eignuð sjálfum handbrögðum hnykkjarans. Þetta er að sjálfsögðu þjónusta sem heimilislæknir veitir og hefur ekkert með hnykklækningar að gera. Auk þess er ég búinn að segja og stend við það að ekkert annað af þessum handbrögðum virkar en þau sem eru fyrir bakverkjum og hausverkjum, þau eru því gagnslaus og geta jafnvel verið hættuleg. Sem undirstrikar frekar tilgangsleysið í þessu námi.