Hefuru prófað lyftingar til að losna við fituna?

Ég er líka alltaf svangur en kannski eins og vinur þinn þá fitna ég ekki neitt þó ég éti ógrynni af mat, reyndar er það bara hollur matur + það að ég lyfti þannig að kaloríurnar fara í vövða í staðin fyrir fitu..

Svo er eitt sem að hefur hjálpað mér rosalega og það er það að ég er með þráhyggju fyrir peningum, ég elska peninga og þar af leiðandi eyði ég þeim ekki í nammi og rusl mat og þar af leiðandi ‘pínist’ ég til að borða holla matinn heima hjá mér, veit ekki hvort að þetta virki samt fyrir þig :)

Það getur verið að þú sért með eitthvað rugluð hormón. Ég þekki konu sem er með sjúkdóm sem ruglar hormónin og insúlínið svo hún er alltaf svöng. En það eru til lyf við þannig. Svo eru sumir bara alltaf svangir. En það getur varla skaðað að spyrja lækni um þetta, ef það vill svo til að það er eitthvað að þér :P

Ég held að það sé ekki mælt með svona magaminnkun nema þú sért hættulega feitur. Aðgerðin getur verið hættuleg (held ég) og svo er mikið vesen í kringum þetta.

Talaðu við lækni, útskýrðu vandamál þitt og athugaðu hvort hann geti hjálpað þér.

Númer 1, 2 og 3 er að borða hollan mat og hætta að borða nammi. Hættu alveg að borða nammi. Kannski er þetta erfitt í byrjun en þú kemst að því hvað ávextir eru sætir og geta komið algjörlega í stað sælgætis… Jarðarber og bláber eru til dæmis mjög sæt.

Þegar þú ert búinn að koma mataræðinu í lag, þá geturu farið að einbeita þér að því að hreyfa þig. Byrjaðu rólega, getur hitað upp með að ganga/skokka og svo lyft pínu. Svo eftir smástund verðuru farinn að lyfta einsog moðerfokker. Mundu bara allan tímann af hverju þú ert að gera þetta og að þér eigi eftir að líða betur. Ekki sökkva dýpra og dýpra í nammiát og leti, rífðu þig upp úr þessu.

Ég kannast mjög vel við þínar aðstæður enda var ég einu sinni í þeim. Þegar að ég var 15 ára þá var ég ~104 kg, alltof feitur og í engu formi. Í mörg ár reyndi ég oft að grenna mig en endaði alltaf í sömu sporunum, því ég vissi einfaldlega ekki neitt um næringu eða líkamsrækt. En svo ákvað ég að binda enda á það ,enda sá ég allt í einu fyrir mér framtíð mína ef ég héldi áfram á þeim vegi.

Ég fræddi sjálfan mig um lyftingar,næringu og hvaðeina(ég var mjög mikið að skoða Body for life keppendur). Síðan skellti ég mér í ræktina. Ef að þú villt grennast og halda þyngdinni af þér þá verðuru að fara að stunda líkamsrækt.

Ég mæli með því að fá þér kannski prótínsjeik í morgunmat, og borða skyr milli mála(sykurlaust).
Það er alltaf erfiðast að byrja að lyfta, en síðan þegar að þú ferð að taka eftir vöðvunum sem bætast á þig, þá ferðu að meta það. Líkaminn venst líka álaginu og þú færð ekki jafnoft harðsperrur og í byrjun.

Það er allt í lagi að hafa einn nammidag í viku, t.d. laugardag og þá neyta nammi í hófi :)

Endilega farðu í einhverja líkamsræktarstöð, talaðu bara við afgreiðslufólkið og þau gera program handa þér. T.d. í world class þá færðu ókeypis tíma með einkaþjálfara sem gerir program fyrir þig.

Gangi þér vel og þú getur það!

www.eas.is
www.johnstonefitness
www.bodybuilding.com
www.bodyforlife.com/

Skrítið.Þegar ég var 16 var ég 110 kg eins og þú.Hér er um marga ólíka þætti sem koma saman.Erfðir,uppeldi,vani,og umhverfi.Er streita mikil í þinni fjölskyldu?Var mamma þín undir miklu álagi þegar hún gekk með þig?Ertu sjálfur stressaður?Þetta eru allt þættir sem stuðla að offitu á unglingsárumTaktu þetta alvarlega 16 ára 110 kíló þýðir hugsanlega 25 ára og 150 kg ef þú tekur ekki til þinna mála.Þú ert með alvarlegan sjúkdóm sem þarf að taka á strax í dag og þú einn getur lagað þennan sjúkdóm með lífsstíls/hugarfarsbreytingu.Þú gætir verið með háan blóðsykur,einnig hátt kortisól útaf streitu+að hreyfa þig lítið dags daglega.það eru til samtök sem ég mæli með af eigin reynslu,þau gætu hentað þér eins og oa.is eða gsa.is tékkaðu á þeim.gangi þér vel.

ég eyði heilu mánaðarlaununum í óhollan mat og nammi, ég er með undir 5 prósent fituprósentu :P

Bætt við 15. ágúst 2007 - 01:03
núna í augnablikinu er ég eitthvað fucked up þannig að þegar ég ét eitthvað þá fæ ég verk í brjóstið í 20 mín, shiiiiit hvað mig langar í eitthvað

Fáðu þér einka þjálfara í einhverri íþrótt r sum.

ég er sjálf nammifíkill dauðans, OG með óþol fyrir sykri 8| þannig að alltaf þegar ég fer í nammibindindi þá fæ ég mér bara helling af ávöxtum þegar mig langar í nammi og þá langar mig ekkert lengur í nammi þegar ég er búin að fá ávaxtasykur :D
það er líka mikið betra að borða mat sem er lítið unninn því maður verður mikið saddari af honum. T.d. verð ég svöng aftur 1klst eftir að ég borða skydibitamat en ég er að springa ef ég borða t.d. óunnið nautakjöt sem er eldað heima, og kanski kartöflumús sem er stöppuð úr venjulegum kartöflum[ekki dufti]þá er ég pakksödd eftir 1 disk.[ég borða venjulega 2 til 3 skammta alltaf] svo er auðvitað að lyfta, eða gera magaæfingar og eitthvað í þá átt. Svo er líka mjög gott að æfa hópíþróttir eins og t.d. fótbolta eða annað álíka þar sem er alltaf verið að hlaupa, og líka gerðar styrktaræfingar inná milli.
hehe já þetta er frekar langt hjá mér en ég vona bara að þér gangi vel að koma þér í form ;)

vinur þinn er mjór útaf hröðum efnaskiptum, hans náttúrulega brennsla er bara það hröð

byrjaðu að boxa

Það hljómar nú eins og það sé alveg rosalegur vonleysistónn í þér. Þú átt náttúrulega ekki eftir að ná að breyta neinu nema þú breytir þessu hugarfari.
Varðandi brennsluna, þú nefnir að þú brennir hægt. Mikið af fólki sem að er of feitt segir að það brenni of hægt. Hér er staðreind: bróðurparturinn af fólki sem segir þetta er bara að reyna að afsaka sig. Það er sannað að fólk sem segist ekki skilja afhverju það léttist ekki neitt þó það borði samkvæmt þeim ‘eiginlega ekki neitt.’ man vanalega ekki eftir næstum því öllu sem það borðar. Ef að þú ert með hæga brennslu, þá er það líklega út af skjaldkirtilsvandamálum, sem ég stórefa reyndar að þú sért með því að þessi sjúkdómur herjar mest á fólk sem er komið á fertugsaldurinn, þá geturðu farið í mælingu á skjaldkirtilsvirkni og fengið lyf ef að það kemur út að virknin er of hæg.
Þú nefndir líka að þú missir bara ca. 5 kg á tveimur mánuðum. Auðvitað missirðu bara einhvað í kringum það. Einn af hlutunum sem að háir fólki helst sem er í átaki að það býst við að um leið og það byrji að æfa og borða hollann mat þá *púff* verði fitan bara horfin eftir mánuð. Að meðaltali er eðlilegt að missa ca. 1/2 kíló á viku í átaki svo að missa 5 kg á 2 mánuðum er bara býsna mikið. Þú sagðir að þú værir 110 kg, ég reikna með að þú sért meðalhávaxinn (180-185?), sem að þýðir að heilbrigð þyngd fyrir þig ætti að vera á bilinu 70-90 kg. Það þýðir að þú þarft að brenna amk. 20 kg. Það á ekki eftir að gerast á einni nótti. Það gæti jafnvel tekið upp í eitt ár að ná þessu öllu af.
Ég legg til að þú búir þér til mataráætlun. Ekki mjög nákvæma, þú þarft ekki að telja hvert einasta vínber sem þú lætur ofan í þig. Ef þú ert í skóla er góður siður að koma með nesti í staðin fyrir að kaupa sér einhvað, því að þú veist hvað er í nestinu. Ef að þú átt það til að freistast of mikið til að kaupa þér mat þegar þú labbar framhjá stöðum sem að selja hann, þá ættirðu einfaldlega að sleppa því að vera með pening eða kort, nema þú sért að fara einhvert þar sem þú þarft það nauðsynlega. Þú skalt einnig reyna að temja þér hóf, kíktu hvort að þú getir bara fengið þér einu sinni á diskinn osfrv.
Þú segir einnig að þú sért í alvörunni alltaf svangur. Mér sýnist að þú sért lentur í vítahring. Þú borðar of mikið, verður feitur, líður illa yfir því að þú ert orðinn of feitur, borðar til að svæfa vanlíðanina, sem að fitar þig meira og svo gengur þetta hringinn. Þér líður greinilega mjög illa út af þessu og þessvegna gæti verið að þú sért að stunda það að borða tilfinningarnar þínar. Hugsaðu þig vel um þegar þú ert svangur, hvort að þú sért í alvörunni svangur, eða hvort þetta sé bara ímynduð þörf sem að þínar eigin tilfinningar eru að búa til.
Þú ættir einnig að pæla í að fara að æfa einhverja íþrótt. Margir spreða næstum aleigunni í rándýr líkamsræktarkort en ég legg frekar til að þú td. kaupir þér sundkort, því að sund er góð hreyfing sem að allt of fáir gera sér grein fyrir, og reynir á alla vöðva líkamans. Það er einnig mjög hentugt að þurfa ekki að æfa, fara svo í sturtu til að þvo af sér svitann. Prófaðu að setja þér markmið, td. fyrst að synda 500 m, svo geturðu seinna hækkað það upp í 1 km osfrv.
Ég legg einnig til að þú talir við foreldra þína. Ef þú útskýrir að þú viljir breyta mataræðinu þínu og fara að hreyfa þig meira þá er ég viss um að þau munu styðja þig og stuðningur skiptir öllu máli þegar kemur að svona hlutum.
Þú virðist einnig vera mjög bitur út í fólk sem að hefur hraða brennslu, eins og td. vinur þinn og fitnar mjög takmarkað, sama hvað það borðar. Það á eftir að hljóma mjög grimmilegt en þetta er hlutur sem ég verð bara að segja: Svona er lífið! Það mun alltaf vera fólk sem að hefur meiri forréttindi en þú. Það er til fólk sem að er svo fallegt og mjótt frá náttúrunnar hendi að fólk laðast að þeim ósjálfrátt án þess að það þurfi að hafa neitt fyrir því með að vera indælt eða hugulsamt. Það er til fólk sem að fæðist með ótrúlega háar greindavísitölur og þarf varla að hafa neitt yfir öllu náminu sínu og það er til fólk sem að er fætt með silfurskeið í munninum og mun aldrei þurfa að vinna handtak á ævinni. Ef við myndum öll sífellt vera að velta okkur upp úr því hvað þetta fólk er heppið og við óheppin þá myndum við aldrei hafa orku til að rífa okkur upp úr rúminu. Suma hlutir þarf maður einfaldlega að sætta sér við.
En núna er ég búin að blaðra nóg og ég veit ekki einu sinni hvort þú nennir að lesa þetta allt þannig að ég óska þér góðs gengis og vona að þú náir að missa þyngdina sem þú sækist eftir og takist að auka sjálfstraustið,
kveðja,
LollyPolly.

Til að kynna sér magaminnkun er ráðlegt að fara til læknis, oft gott að tala við heimilislækni áður en farið er til sérfræðings.

Hmmm sumir fæðast með einhvern sjúkdóm sem veldur því að þau finna ekki fyrir þegar þau eru södd, og eru þá alltaf svöng *-) Það þarf að fylgjast mjög vel með mataræði þessa fólks svo það borði ekki yfir sig.

Það sem ég veit um magaminnkun er að hún er venjulega ekki gerð nema um lífhættulega offitu er að ræða (hljómar eitthvað skringilega…). Fólk sem fer í slíka aðgerð getur ekki tekið upp nóg næringarefni úr fæðunni og þarf því að taka helling af vítamínpillum á dag það sem eftir er. Því myndi ég allavega frekar reyna ALLT áður en ég myndi gangast undir slíka aðgerð.
En í sambandi við vin þinn, ertu viss um að hann borði jafn mikið og þú (án þess að ég sé að ráðast á þig)? Borðar hann kannski bara einu sinni á dag, en þá eitthvað óhollt? Þegar hann fær sér nammi, borðar hann þá allan nammipokann í einu?
Það getur auðvitað verið að þú sért með hæfvirkan skjaldkirtil en það þýðir samt ekki að skýla sér á bakvið það og setjast svo með snakkpokann fyrir framan sjónvarpið?
Þú segist hata nammi og skyndibita. Væri ekki betra að hætta að hata og líta á það frekar sem eitthvað sem maður fær sér endrum og eins, milli þess sem maður borðar hollt, og þá ekki í miklu magni, t.d. bara eitt lítið súkkulaðistykki?
Engar öfgar, bara hóf - í hollustu og óhollustu!
Ef þú heldur áfram að reyna áttu eftir að finna það sem virkar fyrir þig!
Vona að ég hafi ekki verið of dómharður, ég er ekki fullkominn….
Gangi þér vel

Farðu bara í einhverjar æfingabúðir þar sem þú kemst ekki upp með að borða óhollt. Ég myndi gera.

Ekki reyna að hætta algjörlega að borða nammi og óhollan mat. Það verður bara til þess (eins og þú hefur séð) að þú gefst strax upp.

Borðaðu hollan mat oft á dag. Ekki ,,leyfa" þér að verða svangur því þá borðaru meira en þú myndir annars gera. Allt i lagi að borða eitthvað kornmeti eins og mjög gróft brauð og svona. Þegar þú ert búinn að borða einhvern hollan mat en ert enþá svangur er gott að borða eins mikið af þú getur af grænmeti og ávöxtum. Þú mátt borða ótakmarkað magn af grænmeti! :D Grænmeti getur verið mjög gott. T.d mjög gott að skera niður gúrkur og vera með svona littla gulrætur og dífa ofan í hvítlaukssósu.

Ekki einbeita þér of mikið af því að skera allan óhollan mat niður. Reyndu bara að borða eins hollt og þú getur 6 daga vikunnar og borða mikið af grænmeti. Slepptu gosinu algjörlega nema það sé kristall eða eitthvað svoleiðis.

1 dag vikunnar skaltu svo hafa þannig að þú mátt fá þér nammi þá og eitthvað óhollt eins og t.d. pizzu :) Það eru verðlaunin þín fyrir hina 6 daganna:)

Mundu síðan bara að hreyfa þig mikið en ekki byrja of hratt :) Ef þú ert í lélegu formi er gott að hreyfa sig svona 2-3 í viku svona 20 mínútur. Þarf ekki að vera meira :) Þegar þú getur vel gert það geturu síðan bætt við dögum og tíma :)

Gangi þér vel :)