Það er mjög gott hjá þér að byrja að synda og fara út að labba. Þegar þig langar í nammi, fáðu þér banana, hnetur, epli að aðra ávexti. Það ætti að svala sykurþörfinni í smá tíma.
Drekktu líka nóg af vatni. Þegar maður er svangur er oft nóg að drekka vatn og þá finnst manni maður vera saddur.
Það er til alveg nóg af hollum mat sem er ótrúlega góður þannig að þú ættir að geta sleppt öllum skyndibita og feitum mat.

Og svo er þetta sem er alltaf sagt… Borðaðu oft og hollt. Ekki borða of lítið.

besta leiðin til að minnka sykurþörfina er að hætta að borða sætindi, það er hinsvegar erfitt, ef þú kannt bærilega við dietdrykki þá geta þeir verið ágætis hækja meðan maður er að komast yfir helsta hjallann (vika - 2 vikur). Ég kannast aðeins við þetta, held ég hafi tekið sykur útúr matarræðinu svona fimm, sex sinnum núna, ég byrja yfirleitt aftur um jólin, og tekur mig kannski tvo mánuði að losna aftur við þennan óskunda :]

Ertu að reynað verða 57 kg? Please vinan, repleisaðu eitthvað af þessum kílóum sem þú tekur af þér með vöðvum, því mér finnst 18 ára stelpa undir 60 kg vera skuggalegt, þó svo að þú sért svona smávaxin.

Það er ekkert betra að drekka þessa diet drykki. Drekktu bara vatn eða tropi svala eða eitthvað í þá áttina og eins og hann sagði fyrir ofan fáðu þér bara ávexti, grænmeti eða hnetur í staðin. En allavega þá innihalda þessir diet drykkir aspartam(gervisykur) sem er ekkert hollari en venjulegi sykurinn. Gervisykurinn var aðalega bara framleiddur fyrir sykursjúkt fólk. Þannig drekktu bara sódavatn ef þú getur.

Það er afar ólíklegt að þú náir að léttast um 10 kíló, ef þú ferð út að ganga rösklega á hverjum degi (í meira en 40 mín) eða skokkar (í meira en 20 mín) og dregur úr neyslu sælgætis getur verið að þú léttist um 500 grömm á viku. Það er raunhæfara að miða við sex kíló, en það telst þá mjög gott. Þá þarft þú að hreyfi þig alveg helling og nær alla daga.

Til að draga úr sykur þörf er best að borða staðgóðan morgunmat sem er fullur af kolvetnum sem taka langan tíma að brotna niður í meltingarveginum. Stór skammtur af músli eða haframjöli er fín byrjun deginum. Síðan ætti fæðan að vera prótínrík, hún gerir þig sadda og kemur í veg fyrir að þú tapir miklum vöðvamassa á meðan þú ert að létta þig (betra er þó að gera einnig einhverjar styrktaræfingar, lyfta lóðum, gera hnébeygjur, armbeygjur, maga- og bakæfingar).

Eins og Greymantle sagði að ofan er ágætt að notast við mat og drykki með gervisætum. Það þarf þó að hafa í hug að þótt svo að það standi utan á umbúðum að það séu 0gr eða 1gr af sykri þá þýðir það ekki að það sé ekki fullt af orku í þessum mat. Skoðaðu því vandlega umbúðirnar á þessum mat (sykurlausa ópalið er til dæmis langt frá því að vera orkusnautt). Varastu líka að éta of mikið af mat eða drykk með sorbitol sætuefni, það er hægðarlosandi ;)

Drekktu svo bara vatn, hugsaðu um það á hverjum morgni að þú sért að reyna létta þig og hafðu það hugfast yfir daginn þegar þér langar í sælgæti.

Bætt við 25. mars 2007 - 14:58
Gleymdi líka einu mikilvægu, láttu vini þína og fjölskyldu vita að þú sért í átaki og fáðu aðstoð. Þau geta hvatt þig áfram og gætt þess að þú borðir ekki sælgæti ef þú gleymir þér ;)

ég var 55 kg, en þyngdist snögglega útaf kærastinn flutti til mín og það fóru að vera fleiri kvöld yfir tv og borða nammi og svona, ég horfi samt ekkert rosalega mikið á kílóin heldur á spegilmyndina. Ég vil losna aðeins við þennan maga og pínu af lærunum þá er ég sátt. En takk fyrir þetta, nú er það bara að vera ströng við sjálfa sig og halda áfram..
Ég er svo mikill gikkur en er að reyna að byrja að borða fisk og svoleiðis.

ég var nú bara að taka dæmi með fiskinn, borðaði t.d. kjúkling í hádeiginu :P

Vatn er besti vinur þinn til að losna við sykurþörfina og extra tyggjó sykurlaust.

jamm þekki þetta málið er bara að vera harður við sig og hugsaðu bara 1 dag í einu ekki hugsa bara fokk má ekki borða nammi í 3 mánuði því að sykurþörfin fer um leið og þú hættir að “næra” hana. en auðvitað er betra að næra hana með hollum sykri úr ávöxtum og svoleiðis og t.d. eru góð vínber alveg milljón

ég er komin með æði fyrir frosnum vínberjum, þið verðið að prófa, setið þau í fyrsti, það tekur svona sólahring að frosna alveg… þetta er algjört æði sko

Þú getur bæði fengið þér ávexti eða sett sítrónu út í vatn til þess að minnka sykurþörfina. Annars held ég að hitt fólkið hafi sagt allt sem segja þurfti.

mér er búið að ganga ágætlega að láta nammið vera…. en á erfitt með gosið, er komin í pepsi max en er að reyna að hætta því líka, drekk sem minnst af því..
En hvað á ég að hreyfa mig mikið? er búin að vera að labba í svona 40-50 mínútur, og þegar ég syndi þá syndi ég einn til einn og hálfan kílómeter… er þetta ekki nóg hreyfing á hverjum deigi, skiptist á að synda og labba..

Armbeygjur og magaæfingar fyrir svefnin.