Sú staðreynd að þú bættir á þig 20kg af vöðvum á 3 árum án stera og allt of gamall í ofanílag er ekki dæmigerður árangur trúi ég,flestir í kringum fertugt eiga nóg með að halda í vöðva.Þú ert heppin með gen.

Ég verð að vera sammála hbriem hérna. Unglingspiltar sem ákveða að taka stera vita oftast alls ekkert hvað þeir eru að fara út í. Þeir halda flestir að það sé bara nóg að sprauta í sig sterum en það er það alls ekki.

Atvinnumennirnir í dag sem stunda sterana kaupa lyf aukalega fyrir mörg hundruð þúsund jafnvel á mánuði til að vinna upp á móti aukaverkjunum sterana. Lang flestir sem nota stera pæla voðalega lítið hvað þeir eru að gera, sprauta sig upp í nokkrar vikur. Massast upp en enda svo með leiðinlegar aukaverkanir eins og kvennmansbrjóst, skræka rödd, geldast og fleira. Sem er vegna þess að testerone breytist í estrógen (kvenkynshormón) að hluta til í líkamanum. Efni sem vinna gegn estrógen myndun eru oftast notuð með steranotkun hjá atvinnunmönnunum.

Til að geta fengið sem bestan árangur af sterum þá þarf að borða rétt sem margir ungir lyftingarmenn fara á mis við og er aðal ástæðan í dag fyrir að fólk er ekki að þyngjast (og ættu að gera i staðin fyrir að dæla í sig sterum). Ekki má gleyma að um leið og menn hætta á sterunum þá er eins og lofti sé hleyft úr blöðru því það er hægara sagt en gert að halda vöðvamassanum eftir steranotkun þar sem náttúrulega framleiðsla líkamans á testerone liggur niðri eftir steranotkunina.

Steranotkun áður en hormónakerfi líkamans hefur fullþroskast og sérstaklega steranotkun unglinga á kynþroskaaldri getur virkilega eyðilagt fyrir fólki. Ungir menn eiga hættu á að setja endanlega allt úr skorðum því svokallaðar vaxtaplötur á beinum lokast fyrr en ella og hætta menn því að vaxa, endanleg röskun getur átt sér stað á hormónakerfinu svo að ungir strákar geldast það sem eftir er auk þess sem mörg sjálfsmorð eru tengd við steranoktun því þunglyndi getur fylgt sterkt eftirá þegar hormónakerfið er komið í ójafnvægi.

Sterar eru mjög skemmandi ef ekki er farið rétt að . Atvinnumennirnir eru að taka lyf aukalega upp á nokkur hundruð þúsunda jafnvel til að halda estrógeninu í lágmarki. Koma náttúrulegu testerónframleiðsluni á strik aftur og fleiri dæmi er hægt að nefna.

Það er hægt að verða alveg virkilega massaður án stera en til þess þarf mjög góða skipulagningu og strangt mataræði og æfingar en genin og líkamsbyggingin segjir líka sitt en genin eiga hinsvegar til með að vera ofmetin :)