Góðu fréttirnar eru þær að líkurnar á að þetta sé eitthvað alvarlegt fara enn minnkandi bæði við skoðunina, að panodil dugi og að ekki hafa komið fram önnur einkenni.

Höfuðverkurinn, fyrst að hann er stöðugur, gæti orsakast af vírus, og í því tilfelli ertu laus við hann á 2-4 vikum.
http://www.gpnotebook.co.uk/simplepage.cfm?ID=751829060&linkID=10736&cook=yes

En er líka líklegur til að vera streituhöfuðverkur, sem er meðhöndlaður með afslöppun, líkamsrækt og panódíli eftir þörfum, og minni áhyggjum. Fyrir suma virkar íbúfen eða önnur NSAID lyf betur en panódíl, en ég er ekki heilbrigðissérfræðingur þannig að þú skalt ráðfæra þig við einhvern slíkan áður en þú breytir lyfjatöku.

Ef að höfuðverkurinn verður stöðugt verri, vekur þig á nóttunni, veldur uppköstum eða sjóntruflunum öðrum en ljósfælni mæli ég auðvitað með því þú kíkir aftur til læknis, en það er langlíklegast að þetta lagist bara af sjálfu sér, sérstaklega ef þú nærð að hafa ekki áhyggjur :]

Verður samt að passa þig á að verða ekki svona “vá, mér er illt í hendinni, kannski sarkmein” eða “vá, bólginn eitill, örugglega hodgkins” svoleiðis svartsýnisspár eru sjaldnast réttar og eina sem þær gera yfirleitt er að gera þig áhyggjufulla útaf engu.