dha fyrir 18 árum, 2 mánuðum Fjöldi lestra: 362

Sund?

Smá pæling. Ég er bara að reyna að ná smá þoli og losna við vöðvabólgu og ætla þess vegna að reyna að synda. Ég syndi yfirleitt bara skriðsund og bringusund til skiptis en var að pæla hvað ég á að gera margar ferðir af hvoru?

gudjonh fyrir 18 árum, 2 mánuðum

er ekki bara málið að gera eins margar einsog þú nennir og getur… því meira því betra…

Fyrra álit

dha fyrir 18 árum, 2 mánuðum

Ég er að meina hvað ég á að gera margar af hvoru. T.d. 2 bringu og 1 skrið eða eitthvað. Ég kunni einu sinni eitthvað svona prógram sem sundkennarinn minn lét okkur alltaf gera en er búin að gleyma hvernig það var :S

Þetta er eins og maður á alltaf að gera 30 magaæfingar, 20 bakæfingar og 10 armbeygjur (eða það gerum við alltaf í íþróttum allavega :P)

Bætt við 7. september 2006 - 15:22
Þá er ég að meina hlutföllin.

Fyrra álit

[Notanda eytt] fyrir 18 árum, 2 mánuðum

Ekki synda bringusund ef þú vilt losna um vöðvabólgu. Þegar þú ert að synda bringusund ertu að loka fyrir blóðstreymi í axlirnar svo að það bara gefur þér meiri vöðvabólgu. Frekar að gera skriðsund.

Annars er það eina sem virkar til að losna við vöðvabólgu er að lyfta. Bekkpressa, axlarlyfta og svo framvegis.

Fyrra álit

dha fyrir 18 árum, 2 mánuðum

Einmitt öfugt við það sem læknir sagði við mig. Mér var ráðlagt (bæði af lækni og íþróttakennaranum mínum, sem er með mikla reynslu í öllu svona) að lyfta alls ekki. Ég verð líka svo miklu stífari í öxlunum og bakinu við það að reyna mikið á axlirnar.

En hinsvegar er ég sammála með bringusundið. Ég bara er með svo lítið þol að ég get ekki synt margar skriðsundsferðir og verð að hvíla mig á milli en það er eitthvað svo tilgangslaust að stoppa bara og synda svo eina ferð. Ég lærði líka eitthvað um þetta í íþróttum … Man ekki nákvæmlega hvernig það var.

Ég syndi heldur ekki flugsund (lærði það í einum tíma í grunnskóla þar sem flestir voru við það að drukkna) og líður illa á bakinu (fæ svo mikið í nefið)

Bætt við 7. september 2006 - 14:56
Samt, varðandi bringusundið. Ég finn að það er ekki eins gott og skriðsund en samt er það búið að hjálpa mér heilmikið. Bara af því þolið eykst við að synda finn ég mikinn mun, þótt ég sé að synda bringusund. Hinsvegar finn ég engan mun eftir að verða sterkari (nema ég losnaði þannig við bakverk).

Fyrra álit

[Notanda eytt] fyrir 18 árum, 2 mánuðum

Það sem læknarnir segja er bull.

Ég hef verið með vöðvabólgu um allt bak, upp í háls. Það mikla að ég gat stundum hvorki setið né staðið. Það voru hnúðar sem komu upp og þegar ég færi annað hvort hálsinn eða axlirnar heyri ég braka í vöðvabólgunni þar sem beinin núnast við. Mjög gaman.

Eðli vöðvabólgunanr er þannig að þú vilt auka blóðstreymi. Ef þú ert að lyfta þá ertu að auka blóstreymi til vöðvanna og þar af leiðandi losnar um hana. Lyftingar eru ekki hættulegra en að synda, bara betra. Ég fann mun bara strax og ég byrjaði að lyfta smávegis þyngdum, ég tók ekki þungt nærri því strax, bara með því að nota tækin, þá komst blóðið af stað. Ef þú færir til sjúkraþjálfara væri mjög líklegt að þú væri látin gera lyftingaæfingar til þess að styrkja bakið svo að þú getir verið bein í baki, til þess að auka blóðstreymi um stífu vöðvana, sem vöðvabólga er.

Ég hef reynt allt. Synda, hoppa, snúa mér, heita bakstra, kalda bakstra, hlaup, sjúkraþjálfara og nudd. Það eina sem lagaði þetta virkilega var það að lyfta, alveg sama hvað þessir læknar þínir segja.

Og svo eitt, passaðu þig að hafa hálsinn beinann. Ekki láta hann bogna í C, ef þú skilur.

Fyrra álit

dha fyrir 18 árum, 2 mánuðum

Ég trúi íþróttakennaranum mínum betur en öllum læknum og fólki á netinu. Ég hef aldrei hitt neinn sem veit jafn mikið um þjálfun, meiðsli og þannig. Fór meira að segja á nuddnámskeið hjá honum.

Ég veit þetta með blóðstreymið. Ég er ekki orðin jafn slæm og þú hefur verið á tímabili og það er kannski öðruvísi. Ég hef verið síðan ég byrjaði í skólanum mikið á hreyfingu og ég finn strax mun. Ég hef ekki verið svona góð í ár. Öll hreyfing lagar. Mér finnst mestur munur þegar þolið batnar. Ég er bara að segja hvað mér hefur sjálfri fundist virka. Ég hef líka prófað ýmislegt sem virkar mis-vel og það að synda er það sem hefur hjálpað mér mest. Þess vegna ætla ég að halda því áfram.

Og vandamálið hjá mér er alls ekki að ég stend eða sit vitlaust, ég lærði það fyrir 5-6 árum þar sem ég spila á þverflautu og það er hluti af náminu að læra að standa og sitja rétt (þar sem vöðvabólga er “atvinnusjúkdómur” þverflautuleikara). Þetta venst svo með tímanum.
Ég er reyndar ekki ennþá búin að finna neitt sem ég geri vitlaust nema það að spila á þverflautu (staða sem fer illa með líkamann, því miður) og að ég get verið stressuð.

Fyrra álit

[Notanda eytt] fyrir 18 árum, 2 mánuðum

Tja, íþróttakennarinn þinn er allavega old fashion. Margir íþróttafræðingar og kennarar, atvinnumenn, landsliðsmenn í íþróttum hafa sagt mér að byrja að lyfta. Það að lyfta er ekkert hættulegri en að stunda fótbolta, hættu minna ef eitthvað er. Hann er bara fastur í farinu það að lyfta sé slæmt fyrir axlirnar sem er rangt.

Ég er að segja hvað virkar og þú ræður hvort þú tekur því eða ekki.

Fyrra álit

dha fyrir 18 árum, 2 mánuðum

Hann sagði ekkert að það væri hættulegt að lyfta. Bara að það væri betra að synda.

Þú ert að segja hvað virkar fyrir þig. Ég veit hvað virkar fyrir mig og var heldur ekki að spurja um vöðvabólgu heldur sund.

Fyrra álit

hbriem fyrir 18 árum, 2 mánuðum

Ég synti í mörg ár (var Íslandsmeistari 40-44 ára í 100m bringusundi 2004, he he). Ég lyfti eingöngu núna.

Þegar ég byrjaði að synda (2001) kunni ég bara bringusund. Eftir uþb ár varð ég að hætta að synda vegna kvala í hnjám, mjóbaki og vöðvabólgu í hnakka.

Sundþjálfari sonar míns, með yfir 30 ára reynslu, sagði mér að hans skoðun væri sú að landlæg vöðvabólga Íslendinga stafaði af því að við lærum bringusund í skóla, ekki skriðsund sem er miklu betra og hollara.

Ég kenndi sjálfum mér skriðsund (með aðstoð hans og sonar míns) og synti það að mestu leyti næstu árin. Það var greinilega mun betra fyrir hné, mjóbak og hnakka, en erfitt fyrir axlirnar.

Ég byrjaði að lyfta haustið 2003 vegna þess að ég var orðinn svo slæmur í öxlunum að ég gat ekki synt reglulega lengur.

Eftir 3 ára lyftingar er ég laus við alla stoðkerfiskvilla sem þjáðu mig, verki í hnjám og mjóbaki og vöðvabólgu í herðum sem var slæm eftir meira en 20 ára tölvuvinnu.

Að því sögðu, varðandi sundiðkunina, þá mæli ég með:

- Skriðsund amk 50% af syntri vegalengd

- Skriðsund 70-90% ef bringusund er eina annað sundið sem þú kannt.

- Synda amk 1km í hvert skipti (þegar þú ert kominn í nægilega gott form til að geta það)

- Synda bæði rólega og jafnt, hratt án hvílda og mjög hratt með góðum hvíldum (spretti)

- Baksund og flugsund eru auðvitað ágæt líka ef þú kannt þau

Ég synti yfirleitt eitthvað líkt þessu:

800-1000m skriðsund (stundum 4x200m með stuttri hvíld)
400m bringusund (stundum 4x100 með hvíldum)
4-8x 25m skriðsundssprettir með góðri hvíld
2-4x 25m bringusundssprettir með góðri hvíld

Fyrra álit

dha fyrir 18 árum, 2 mánuðum

Ég er algjör byrjandi í alveg skelfilegu formi. Ég rétt næ að synda skriðsund (ekkert hratt, bara venjulega) yfir og til baka (25 m sundlaug) og þá er ég nærri því dauð.

Þess vegna syndi ég stundum bringusund á milli. En ég finn samt að það er ekki gott. Það er bara skárra en ekkert. Það er eins og mér versni um eitt skref en batni um tvö. Kannski er þetta samt vitleysa í mér, þetta er bara eins og mér finnst líkaminn bregðast við.

Hvað er gott svona til að byrja með (hve margar ferðir)? Ég ætla ekkert að synda of mikið svona fyrst, en reyna að gera aðeins meira smám saman …

Mér líður alltaf illa í öxlunum og bakinu þegar ég reyni einhver svona tæki (fyrir efri hluta líkamans) í ræktinni.

Fyrra álit

Mode1 fyrir 18 árum, 2 mánuðum

Byrjaðu rólega og aukut svo hægt og rólega við. Ég lenti í því þegar ég var að stækka að það fór að myndast hryggskekkja á mér og læknir sem ég talaði við sagði mér að synda og taka eina ferð bringusund og ferðina til baka skriðsund til að styrkja bakvöðvana til að fá þá til að spyrna á móti hryggskekkjunni og svo ætti ég að synda svona 2-3 í viku og auka um tvær ferðir í hverri viku. Þegar ég byrjaði þá byrjaði ég í 6 ferðum og ég gat varla klárað það. Um vorið var ég kominn yfir 50 ferðir létt.

Helgi Pálsson

Fyrra álit

Mode1 fyrir 18 árum, 2 mánuðum

Mér líður alltaf illa í öxlunum og bakinu þegar ég reyni einhver svona tæki (fyrir efri hluta líkamans) í ræktinni.

Gleimdi að minnast á þetta. Ef þú ferð í ræktina og þetta er erfitt þá getur verið gott að taka handlóð frekar en tæki því þar getur “stillt” þig af svo þú finnur fyrir minnast sársauka. Og svo líka að æfa á sársaukarmörkum. Ekki fara yfir um. Veit að það er leiðinlegt en líkaminn aðlagast álaginu með tímanum og þ.a.l. hækka sásaukamörkin og því getur aukið aðeins meira á þyngdirnar.

Helgi Pálsson

Fyrra álit

hbriem fyrir 18 árum, 2 mánuðum

Ef þú getur komið því við og langar til að synda þér til gagns þá mæli ég með því að fara á skriðsundsnámskeið. Flestar sundlaugar eru með svoleiðis og oftast þarf bara mánuð eða svo.

Annars kenndi ég sjálfum mér skriðsund. Það tók meira en mánuð en hafðist og ég varð bara sæmilegur í því. Ekki sambærilegur við alvöru sundfólk, en þokkalegur.

Það er ekki hægt að segja hvað margar ferðir aðrir eiga að synda. “Eins margar og þú getur sársaukalaust og hefur tíma til”. Ekki pína þig ef þér er illt í öxlunum.

Ef þér er illt í öxlum og baki eftir tæki í ræktinni ertu annað hvort að gera eitthvað vitlaust, eða að tækin eru vond. Flest tæki eru passleg fyrir fólk í meðalhæð, 170-185, en eru vond og hættuleg fyrir alla utan þeirra marka. Laus lóð eru miklu hollari fyrir líkamann, áhrifaríkari, skemmtilegri og í alla staði betri en tæki.

Aftur að skriðsundinu:

Nokkur atriði er gott að hafa í huga þegar maður byrjar.

1 - Hvíla sig vel milli ferða. Ekki synda móður. Það truflar taktinn.

2 - Ekki rembast við að anda of oft. Í 4ða hverju taki er gott og 6ta hverju taki nóg. Það er öndunin sem truflar taktinn og jafnvægið hjá byrjendum.

3 - Til að byrja með er best að nota ekki fæturna. Láta þá bara fylgja með og halda jafnvægi.

4 - Teygja höndina vel fram og aftur, en ekki upp eða niður. Hafa hendurnar sem næst líkamslínunni.

5 - Toga sem beinast aftur. Flóknu S-hreyfingarnar sem voru stundum kenndar eru alveg úti í dag með bættum sundrannsóknum. Því betri sem sundmaðurinn er, því beinna er takið.

Ég vona að þetta hjálpi. Gangi þér vel.

Fyrra álit

dha fyrir 18 árum, 2 mánuðum

Ég er einmitt ekki í þessari hæð og kann lítið á þetta. Hef heldur engan til að kenna mér.

Í sambandi við skriðsundið þá kann ég það vel. Maður lærir mest bringusund og skriðsund í grunnskóla og þetta er það sem mér gekk best í (fyrir utan það að ég hef lélegt þol) Ég er reyndar ekkert góð í að synda það en svona sæmileg, næ taktinum og því alveg. (anda í 4 hverju, alltaf hægra megin :P) Það er bara þolið sem ég þarf að byggja upp. Svo er örugglega ekki svona námskeið hérna (er úti á landi) þar sem það væri mjög lítil þáttaka myndi ég giska á. Flestir krakkar (nema þeir sem skrópuðu alltaf í sundi) kunna þetta.

Takk kærlega fyrir ráðin.

Fyrra álit

hbriem fyrir 18 árum, 2 mánuðum

Nei, ef þú getur ekki synt 25m á skriðsundi er ekki þolinu um að kenna heldur tækninni.

Ef tæknin er sæmileg er álíka erfitt að synda 25m eins og að ganga þá. Áttu erfitt með að ganga 25m?

Þetta kemur. Mér fannst skriðsund hrikalega erfitt fyrst og blés eins og hvalur. Í dag, þó ég syndi í mesta lagi 5 sinnum á ári, fer ég létt með að synda 1km án þess að stoppa og æfi ég þó engar þolæfingar.

Fyrra álit

dha fyrir 18 árum, 2 mánuðum

Ok, ég veit þá ekki hvernig á að bæta tæknina. Það er ekkert svona námskeið hérna. Eina sundkennslan hér er grunnskólinn. Reyndar get ég alveg synt fram og til baka en þá er ég orðin frekar þreytt.

Fyrra álit

hbriem fyrir 18 árum, 2 mánuðum

Ok, ég veit þá ekki hvernig á að bæta tæknina.

Byrjaðu eins og ég lýsti að ofan. Afslappað og reyna að velta ekki of mikið meðan þú ert að ná jafnvæginu.

Það eru reyndar sundfélög í flestum bæjarfélögum úti á landi. Bara segi svona.

Fyrra álit

dha fyrir 18 árum, 2 mánuðum

Já, ég veit. En engin svona sundnámskeið. Ég gæti farið á sundæfingar (hef prófað það) en það er aðallega þannig að maður syndir eins og vitleysingur í klukkutíma og fer svo uppúr.

Fyrra álit

[Notanda eytt] fyrir 18 árum, 2 mánuðum

Það er óþægilegt fyrst, en það er bara vegna þess að það er verið að reyna á svæðið þar sem vöðvabólgan er. Fyrstu tvær æfingarnar sem ég tók niðurtog þá gat ég ekki gert meira en 5 en núna er búiðu að losna um þessa vöðvabólgu sem hamlaði mér, vegna þess að ég var að gera þessar æfingar. Sömuleiðis með bekkpressuna, finn alveg hvernig það ýtir einhvernveginn á og kemur blóðflæðinu af stað í fyrstu æfingunni.

Það er ekki gott að losna við vöðvabólgu með því að lyfta en það er bara óþægilegt fyrstu æfingarnar. Gera bara lítið í einu, ekki byrja á fullu.

Fyrra álit

Heilsa

Heilsa

Ofurhugar

Stjórnendur

Hverjir eru inni

Korkar - Umræður um heilsu og hollustu

Sund?

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi