Ég er nú ekki viss. Á eitt má benda og það er að flestar þessar rannsóknir eru gerðar á íþróttamönnum sem hafa flestir meiri liðleika en í meðallagi áður en rannsóknin er gerð.

Ákveðinn grunnliðleiki er náttúrulega nauðsynlegur til að framkvæma ýmsar hreyfingar við íþróttir, leiki og þjálfun og sjálfsagt að teygja nóg til að uppfylla þær kröfur.

Hins vegar er ég alveg viss um og hef mjög lengi verið, að ofurliðleiki eins og t.d. sumar konur hafa er mjög bagalegur og ýtir undir meiðsli. Meiðsli á ökklum, hnjám og mjöðmum eru mun tíðari hjá íþróttakonum en körlum og er það örugglega vegna meiri teygjanleika sinanna og minni styrks vöðvanna.

Ég var súperliðugur í æsku og er ennþá liðugri en í meðallagi þrátt fyrir háan aldur. Er enn þann dag ekki langt frá því að komast í splitt og spíkat til dæmis. En ég er mun latari við að teygja en ég var og hef ekki lengur samviskubit yfir því. Liðleiki er ofmetinn heilsuþáttur.