Hehe, 3 ár síðan ég skrifaði þetta.

Jæja, sjáum til. Í fyrsta lagi er það alls ekki svo einfalt að einföld kolvetni eða kolvetni yfirleitt séu “óholl”.

Við ættum vissulega að stilla í hóf neyslu á innantómum kolvetnum sem innihalda litla sem enga næringu. Þar á meðal er sykur og sælgæti, hvítt hveiti og pasta oþh. “Stilla í hóf” sagði ég, ekki forðast alfarið þó það sé góð hugmynd fyrir þá sem eru að reyna að grennast. Það er afar auðvelt að gúffa í sig mjög mörgum innantómum hitaeiningum ef maður étur sykur og sælgæti.

Ávextir innihalda vissulega einsykrur, en líka fullt af vítamínum, trefjaefnum og andoxunarefnum. Þeir eru mjög hollir og ekkert að því að éta ávexti oft og reglulega. Þeir sem eru að reyna að grennast ættu samt að éta suma ávexti í hófi og einkum ávaxtasafa (jafn margar hitaeiningar og í gosi).

Ég mæli með að haga kolvetnaneyslu eftir æfingaálagi. Éta meiri kolvetni á æfingadögum en hvíldardögum, meira fyrir og eftir æfingar en ekki fyrir svefninn t.d.

Hvers konar kolvetni? Ja, gróf brauð eru ágæt, kartöflur, sætar kartöflur, gulrætur og rófur, haframjöl og bygg, alls konar baunir og margt fleira.

Ef þér finnst þú fitna of mikið meðan þú bulkar er betra að draga aðeins úr en einu kolvetnin sem ætti að forðast alveg er hreinn sykur og sælgæti. Það þarf enginn nema í mjög miklu hófi.

Ég vona að þetta hjálpi þér eitthvað.