Flest viljum við vera heilbrigð og til þess eru margar leiðir. Ein alvinsælasta aðferðin til að sækjast eftir heilbrigði er að stunda einhverja tegund íþrótta. Sumir eru í fótbolta eða handbolta, aðrir í gönguferðum og sumir láta sér nægja golf. Markmið íþrótta er að öðlast heilbrigði á skemmtilegan hátt. En öllu má ofgera.

Ein er sú íþrótt, ef íþrótt skal kalla, sem ofbýður að öllum líkindum flestum og heitir hún vaxtarrækt. Vissulega er ekkert sérlega athugavert við það að ungir menn vilji hafa stóra vöðva, en það að bera á sig olíu og fara upp á svið á einhverjum skemmtistað er ógeð. En halló halló! Þetta er allt í góðu; Jón Páll og félagar voru fínir fírar. En það að það skuli vera til kvennaflokkur í þessari “íþrótt” fær mann eiginlega til að gubba.

Hugmyndafræðin “fólk má gera það sem það vill svo lengi sem það skaði ekki mig eða aðra” hreinlega gengur ekki upp. Það á að banna vaxtarrækt kvenna. Sjálfsmorð eru bönnuð með lögum þó að erfitt sé að uppfylla viðurlögin, en vaxtarrækt kvenna fær að standa óáreitt og fær jafnvel umfjöllun í ríkisfjölmiðlum. Ef að ég myndi búa til íþróttagreinina “hænsnapyntingar” þá yrði ég álitinn óður glæpamaður, og jafnvel þó að ég myndi úthrópa mig sem Íslandsmeistara og atvinnumann þá yrði ég að öllum líkindum laminn…fast!

Það er kominn tími á að kæla viss kerti í þjóðfélaginu og þá er ég að tala um líkamsræktarmógúlana sem spila inn á lægstu og aumkunarverðustu hvöt mannsins; hégómann. Ég þoli ekki vaxtarrækt kvenna og ef einhver móðursjúkur kynjafræðiprófessor ætlar að vera með eitthvert fjaðrafok út af því þá skal ég persónulega hænsnaplokk´ann.

-af www.reykjavik.com-

Ekki er ég alveg algjörlega sammála þessum. Mér finnst það fínt að stelpurnar fái að pumpa smá lóðum og trukka sig smá upp. En Ég er sammála þegar þær eru orðnar stærri en gaurarnir sem eru að keppa í -80 karla og yfir í vaxtarækt. Einnig verð ég óhress þegar þær verða massaðari en ég. :)
Hvað finnst ykkur? Búnt eða venjulegar?