Ég mundi halda það en veit í sjálfu sér ekkert um það, enda hef ég lítinn áhuga á vaxtarrækt sem slíkri.

Sumir gætu náð svona massa sem slíkum án lyfja, en ….. það er mikilvægt að átta sig á því að flestir (90% eða meira) hafa ekki það sem þarf til að ná svona langt sem vaxtarræktarmenn. Flesta vantar það samræmi og hlutföll sem þarf til að ná mjög langt í þeim bransa.

Taktu eftir því að þessi Dickerson er í hópi allra bestu vaxtarræktarmanna sögunnar. Að stefna að því að verða eins og hann er eins og byrja að spila fótbolta og verða fúll af því að Eiður Smári er betri.

En jú, flestir meðalmenn ættu að geta náð því að verða sæmilega tálgaðir 90-100kg með elju og ástundun.

Ég held að hver og einn verði að ná þangað sem hann getur á þann hátt sem hann gætur sætt sig við. Við getum ekki allir orðið Auðunn Jónsson eða Arnold Schwartzenegger, en við getum allir orðið sterkari og hraustari (og já, flottari ef það er það sem skiptir máli).