Þetta eru erfiðar spurningar.

Það er góð hugmynd hjá þér að nota verkfallið til að komast í form.

Það eru allir sem geta staðið undir sjálfum sér nógu sterkir til að synda. Ef þú getur ekki synt, þá er kunnáttuleysi um að kunna, ekki vöntun á styrk. Sund er mikil tækniíþrótt. Ef þig langar til að synda betur, mæli ég með sundfélögunum. Þau hafa byrjendahópa sem gætu hentað þér.

Fyrir algeran byrjanda mundi ég mæla með því að ganga áður en þu ferð að hlaupa. Það venur þig líka við að vera úti. Stigahlaup eru mjög erfið fyrir liði, vöðva og þol. Þau geta verið gagnleg þegar þú ert komin(n) í form, en ekki til að byrja á.

Gangtu rösklega nokkra kílómetra dag hvern. Það er fínt til að byrja með. Svo geturðu farið að hugsa um hlaup, sund eða styrktaræfingar.

Ef þú vilt ekki fara í sund, þá skaltu reyna að gera armbeygjur. Kannski tvær á hnjánum eina vikuna og þá almennilega. Svo bæta það upp í fjórar, svo sex og koll af kolli, en auðvitað bara eftir því sem þú getur og villt.

Varðandi það að fara út að hlaupa. Þú getur byrjað á því að hjóla einhvern spöl, ef þú ert í svakalega lélegur formi. Það gæti verið gott, bara upp á það að byrjasmátt og auka formið hægt, en þá vel. Hjóla, línuskauta eða bara fara út að ganga. Upp tröppur getur sjálfsagt verið fín æfing. Gott er líka að gera tvær eða þrjár eróbik æfingar þegar enginn sér til;)

Ef þú villt fá vöðva á fæturnar þá mæli ég með því að línuskauta. Það reynir á fæturnar vel og allan líkamann (maður brennir mikið á því að skauta). Varpaðandi hendurnar skaltu lyfta einhverju þungu. Lítersflösku fulla af vatni í sitthvorri hendinni og svo 10-15 sinnum eða eitthvað álíka.

Ég þekki það vel að vera í afsakplega lélegu formi. Núna á undanförnum fjórum árum hefur formið mitt aukist til muna (fór að æfa íþrótt). Að hlaupa upp stiga er ekki endilega það sem kemur manni í form. Það er frekar einhæft og verður kannski brátt leiðinlegt. Með að gera bara eitthvað af því sem ég hef skrifað hér fyrir ofan, kannski bara tvisvar eða þrisvar í viku markvisst, þá gerir það gagn. Og mundu að gera maga og bakæfingar. Það hjálpar til að hafa góða bak og magavöðva í öllum íþróttum;P

Fantasia

ps… eh… kannski varstu ekki að biðja um þetta… but… who cares?