Mataræði hefur ekkert með það að gera hvar á líkamanum fitan sest, það er misjafnt eftir einstaklingum. Með því að gera magaæfingar styrkirðu fyrst og fremst magavöðvanna en brennir ekki fitunni af maganum. Því miður er ekki hægt að brenna fitu af ákveðnum líkamshlutum með því að æfa bara þá hluta, þú getur bara styrkt vöðvana í þeim líkamshluta sérstaklega.
Ef þú vilt losna við magaspikið er lang best fyrir þig að forðast fituríkt fæði og auðvitað að borða ekki of mikið (þú getur fitnað af öllum mat ef þú borðar of mikið af honum) og reyna að forðast sætindi. Svo er auðvitað hollt fyrir alla að stunda einhverja líkamsrækt og þá eykurðu auðvitað brennsluna og fitan hverfur fyrr. Til að losna við fitu þarftu að brenna meiru en þú innbyrðir, svo einfalt er það.

Gangi þér vel.

Já, það er eitthvað í fæðunni. Nefnilega það að þú borðar of mikið miðað við hvað þú hreyfir þig ;) Það eru bara 2 leiðir til að missa þessa fitu, borða minna eða hreyfa þig meira. Þá er ég að tala um brennslu, ekki að labba útí búð. Bestum árangri nærðu með því að gera bæði. Hættu alveg að éta sykur og fitu og ekkert svindl. Farðu svo út að skokka, ef þú hefur ekki pössun getur þú fundið líkamsræktarstöð sem er með barnapössun og farið í eróbikk eða notað hlaupabrettin og stigvélarnar.

Magaæfingar brenna sáralítilli fitu en styrkja magavöðvana undir spikinu.