AEAII fyrir 21 árum, 9 mánuðum Fjöldi lestra: 339

Stærðarmunurinn

þetta er alveg óþolandi hjá mér, ég er núna búinn að stunda ræktina bráðum í mánuð og svo er ennþá sama að bögga mig, hægri höndin mín er svo miklu stærri en sú vinstri að það er ekki fyndið! Ég er varla með neina vöðva á vinstri höndinni en hægri heldur vel áfram að stækka.

Er einhver leið til að láta þetta jafnast út! Frekar asnalegt að vera í stuttermabol þar sem annar handleggurinn er þónokkuð stærri en hinn.

Svo eg ég kem með eina spurningu í lokin um prótein í mat, hvað eru mörg grömm af próteini í 100 grömmum af:

1. Eggjum
2. Kjöti
3. Kjúklingi
4. Fiski

Ég er nefnilega að telja próteingrömmin ofaní mig en þar sem ekkert stendur utaná pakkninum af þessum matvörum þá verð ég að spyrja ykkur hugarana um þetta!

hagur fyrir 21 árum, 9 mánuðum

Sæll,

Þetta með stærðarmuninn á handleggjum er ekki óeðlilegt, vegna þess að hægri höndin er bara meira notuð hjá þeim sem eru rétthentir allavega.

Til að jafna þetta út skaltu leggja áherslu á að “curla” handlóð, og reyna að taka meira á vinstri hendinni. T.d með því að hafa meiri þyngd þar, ef þú getur ekki tekið meiri þyngd, þá frekar að hafa léttara í hægri hendinni. Allavega gefa vinstri handleggnum færi á að vinna upp forskotið.

Varðandi próteininnihald þessara vara …. endilega kíktu þá á www.hot.is og stofnaðu aðgang þar. Þar erum við með næringargrunn með vel yfir 1000 vörum með öllum næringarupplýsingum. Þú getur skráð hvað þú borðar yfir daginn og séð svart á hvítu hve mikið af próteinum/kolvetnum/fitu þú ert að fá + auðvitað heildarorku í kkal/kj.

Þarna er t.d að finna allt um egg, margar gerðir af kjöti, kjúkling og margar fiskitegundir, og auðvitað margt, margt fleira. T.d mörg vinsælustu fæðubótarefnin ofl.

Kíktu á þetta!

Fyrra álit

thisman fyrir 21 árum, 9 mánuðum

Leit aðeins inn á vefinn ykkar og verð hreinlega að hrósa ykkur fyrir alveg frábært framtak!

Renndi reyndar aðeins rétt í gegnum þetta en fljótt á litið er þetta einmitt það sem svo margir þurfa. Er sjálfur í hugbúnaðarþróunarbransanum og geri mér grein fyrir að þessu hefur ekki verið hent upp á einni nóttu ;)

Hvet alla sem eiga í erfiðleikum með að fylgjast með kaloríuinntöku sinni og tengdum málum að prófa að skrá sig þarna.

Kveðja og von um gott gengi - thisman

P.s. - Er stefna ykkar að hafa þetta frítt áfram? Frekar forvitinn varðandi businessmódelið á bakvið þetta ;)

Fyrra álit

hagur fyrir 21 árum, 9 mánuðum

Sæll,

Þökkum hrósið. Jú, það er rétt að þetta er ekki eitthvað sem við hentum upp á no-time. Hinsvegar hefur þetta ekki tekið svo langan tíma í rauninni. Bara svona dútl á kvöldin af og til - auðvitað hellings tími samt í pælingar varðandi nýja fídusa og þannig, því möguleikarnir eru alveg endalausir í þessu.

Ég held að stefnan sé að hafa þetta ókeypis áfram, allavega ekkert annað á döfinni. Rekstrarkostnaðurinn er lítill sem enginn því að við hýsum þetta frítt í vinnunni. Væntanlega bara árgjöld af léninu sem við þurfum að greiða fyrir.

Fyrra álit

AEAII fyrir 21 árum, 9 mánuðum

Glæsileg síða og verð ég að taka undir með hrósið. En það eru ýmsar tegundir af mat sem maður botnar ekkert í, eins og kornfleggs, ég var ekki viss hvort að þetta var kornfleggs vengjulegt en ég prófaði að skrá 100 grömm og tékkaði á næringargildinu og þá var þetta alls ekki það sama og á kornfleggs :Þ

Svo er líka ostansneiðar á brauð sem ég fann ekki og líka súkkulaðismjör ( ekki nema það sé kallað súkkulaðiálegg:-)

Fyrra álit

lhg fyrir 21 árum, 9 mánuðum

Á Nutella krukkunni minni stendur að í 19g séu 1,5g prótein sem þýðir að í 100g eru 7,9g prótein.

Í osti er ca. 15-25g prótein í hverjum 100g þannig að það fer eftir hvernig osti.

Fyrra álit

Poxy fyrir 21 árum, 9 mánuðum

Í sambandi við stærðarmuninn þá geturðu líka tekið curl og byrjað og enda á vinstri hendi, þannig að þú tekur alltaf eitt auka set með vinnstri. Ég hef gert þetta og er orðinn svona svipað sterkur í báðum (samt ennþá aðeins sterkari í hægri :), enn þetta tekur smá tíma .

Síðan er líka svo sillí að vera með mis þung lóð :D

Kveðja Þorgeir<br><br>A post by poxy

Fyrra álit

AEAII fyrir 21 árum, 9 mánuðum

Geturu útskýrt aðeins betur kannski? Á ég að byrja að lyfta með vinstri þegar ég byrja á lóðunum og skipta yfir á hægri og enda svo á vinstri eftir einhver skipti með báðum höndum?

Annars hvað tók þetta þig langan tíma? Svona gróflega?

Fyrra álit

thisman fyrir 21 árum, 9 mánuðum

Sæll!

Hann er væntanlega að tala um að þú lyftir höndunum ekki samtímis í curling æfingum heldur lyftir alltaf annarri í einu. Þá myndirðu byrja á vinstri og síðan til skiptis en enda einnig á vinstri hendinni (jafnvel þó þú hefðir kraft í hægri til að taka fleiri endurtekningar með henni).

Annars myndi ég ekki hafa miklar áhyggjur af þessu, stærðarmunur sem þessi jafnast út með tímanum og þegar þú ferð að þyngjast verður hann ekki sjáanlegur þó hann sé að e-u leyti til staðar.

Passaðu þig bara á að lyfta ekki meira með hægri hendi en vinstri jafnvel þó þú sért sterkari í hægri. Þetta mun koma með tíð&tíma - eftir 6 mánuði mun þér finnast broslegt að þú hafir haft áhyggjur af þessu ;)

Baráttukveðjur, thisman.

Fyrra álit

AEAII fyrir 21 árum, 9 mánuðum

okey, núna veit ég hvað curling er :-

Ég lyfti alltaf bara annari hendinni í einu, en málið er að ég kann bara eina æfingu á lóðunum þó að ég reyni að gera einhverjar 2-3 aðrar sem ég held að ég geri vitlaust :p

En svona í lokinn, hvort er betra að blanda próteindryki í mjólk eða vatni? Þá nýmjólk eða léttmjólk?

Fyrra álit

hagur fyrir 21 árum, 9 mánuðum

Sæll,

Þú ættir að finna ost þarna, það er hellingur af honum ;)

Ef þú leitar bara af “Ostur”, þá færðu fullt af niðurstöðum. Venjulegur brauðostur er 26% fita. Meðalskammturinn sem er uppgefinn þarna eru 15 grömm, sem ég myndi giska á að væru 2-3 sneiðar.

Varðandi próteindrykkinn, persónulega myndi ég blanda honum bara í vatn. Ef þú ert að spá í kaloríufjöldann, þá er það náttúrulega best, því að mjólk inniheldur auðvitað kaloríur í formi kolvetna/fitu og próteina. En í mismiklu magni. Ég er viss um að drykkurinn mun bragðast best ef þú blandar honum í nýmjólk, en þá verður hann líka “óhollastur”, þ.e inniheldur meira af t.d fitu.

Þegar allt kemur til alls, þá er þetta bara þitt val, og í hvaða pælingum þú ert. Ef þú ert mikið að reyna að þyngja þig og ert ekkert að hafa of miklar áhyggjur af kaloríunum, blandaðu honum þá bara í léttmjólk eða nýmjólk.

Annars hefur vatnið alltaf virkað mjög vel fyrir mig.

Fyrra álit

AEAII fyrir 21 árum, 9 mánuðum

hmm, ég þakka svörin.

En hvað með kornfleggsið? eða cheeriosið, það eru 2 tegundir af cheerios, annað er bara “CHEERIOS” en hitt er “Morgunkorn, Cheerios”, hvort af þessu er hið eina sanna venjulega cheerios?

OG líka súkkulaðismjör eins og Nutella, er það súkkulaðiálegg?

Er ekki hægt að skrá inn notkun próteindrykkja þarna inni eða kreatíns og sjá þá orkuna sem kemur úr því? Annars þakka ég fyrir glæsilega síðu hjá ykkur :)

Fyrra álit

hagur fyrir 21 árum, 9 mánuðum

Sæll aftur,

Í sambandi við cheerios-ið, þá eru þetta í raun alveg sama varan, þ.e bæði hið eina sanna cheerios. Margar vörur eru tvískráðar svona í grunninn af Manneldisráði, sennilega bara til þess að gera fólki auðveldara fyrir að finna þær. Sumir myndu t.d bara leita að “Morgunkorn”, en aðrir myndu kannski leita að “Cheerios”.

Súkkulaðismjörið … jú ég hugsa að “SÚKKULAÐIÁLEGG” í grunninum sé nokkuð nærri lagi.

Varðandi próteindrykkina, þá er búið að skrá alveg helling af þeim inní kerfið. Þú ættir að geta fundið þá ef þú leitar t.d að “myoplex”. Einnig geturðu bara flett á flokkinn “Fæðubótarefni” í leitarglugganum. Þá færðu upp helling af drykkjum ofl.

Einnig er þarna kreatín, bæði “Kreatín, hreint” og svo líka kreatín/kolvetnisdrykkir eins og t.d “AST HSC”. En athugaðu að hreint kreatín inniheldur engar hitaeiningar og þar af leiðandi enga næringu/orku.

Svo er annað sem þú getur gert þarna. Ef þú ert með einhvera vöru sem er ekki til í grunninum, þá geturðu farið í “Mínar vörur” sem er í valmyndinni á vefnum, og skráð vöruna inn sjálfur. Þá skoðarðu náttúrulega bara innihaldslýsinguna á vörunni og skráir hana inn, ásamt næringarefnum í 100 gr.
Þegar þú ert búinn að skrá hana inn, þá geturðu notað hana eins og hverja aðra vöru á vefnum og bætt henni við máltíðirnar hjá þér.

Það er korkur á spjallboðinu okkar með leiðbeiningum um hvernig þetta er gert. Mjög einfalt.
<a href="http://www.hot.is/messageboard/comments.php?forumid=1&threadid=161">http://www.hot.is/messageboard/comments.php?forumid=1&threadid=161</a>

Fyrra álit

Heilsa

Heilsa

Ofurhugar

Stjórnendur

Hverjir eru inni

Korkar - Umræður um heilsu og hollustu

Stærðarmunurinn

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi