hljóta að vera til æfingar og teygjur sem að minnka hættuna á sinadrætti

eitt ráð: “Sinadráttur er betri en engin dráttur” - Jóakim Aðalönd

Salt er galdurinn. Hittið vatn, hellið svo 2 teskeiðum af kjötkrafti eða einn tening af kjötkrafti útí. Hverfur eftir 30 sekúndur. Ef notaður er teningur þarf vatnið að vera frekar heit þegar hann er setur útí svo að hann leysist upp. Best er að eiga samt kraftinn í duft formi.

Það er best að kæla fótinn eða þar sem sinadrátturin e

Fyrirbyggjandi er að gera æfingar og þá veit ég bara hvernig æfingar á að gera til að koma í veg fyrir sinadrátt í kálfum en þá á maður að lyfta sér upp á tábergið og niður aftur en þetta á maður að endurtaka þar til maður finnur fyrir þreytu í fótunum en ég veit ekki alveg hvað hægt er að gera við þessu ef að þetta er í innanverðum lærum, ætli það verði ekki að teygja einhvernvegin á vöðvanum bara.

Sinadráttur stafar oft af óreglu á saltbúskap líkamans, aðallega natríum, kalíum og kalsíum. Það er því mjög gott að drekka t.d. buljong eða kjötseyði (inniheldur mikið af söltum), borða banana (innihalda mikið af kalíum) og kalkríka fæðu s.s. osta og mjólk. Það er hægt að kaupa sérstakt drykkjarbuljong sem er þá bara í duftformi og leyst upp í heitu vatni. Þetta gæti hjálpað. Við gefum mjög oft buljong á deildinni þar sem ég vinn ef fólk er með svona þekkta sögu um að fá sinadrætti og það hjálpar ótrúlega oft.

Svo er auðvitað gott að gera fyrirbyggjandi æfingar líka eins og hefur verið bent á.

Ég fékk sinadrátt með því að horfa á þessa grein mar..

Ég lenti einu sinni í svona ég svaf á þunnri dýnu á gólfinu og svo þegar að vekjaraklukkan hringdi um morguninn og ég ætlaði að fara á fætur þá fékk ég alveg svakalegann sinadrátt í BÁÐA fæturna :-) og gat ekki hreift mig um leið og ég ætlaði að begja fæturna þá versnaði hann til muna hræðilega sárt en mér fannst þetta svo fyndið að vera fastur á gólfinu að ég lá þarna eins og asni skelli hlæjandi og varð allt of seinn í skólann :-)
ég var alltaf að fá sinadrátt og eina sem minnkaði það var æfingar og nudd.

ég myndi mæla með að teygja vel. flest fólk teygir ekkert, og teygjur virka ótrúlega vel á vöðvabólgu og sinadrátt - og bara yfir höfuð góðar fyrir líkamann.

Grein af vísindavef Háskóla Íslands
Sinadráttur
Magnús Jóhannsson, prófessor í læknisfræði við H.Í.

Sinadráttur er kröftugur, sársaukafullur samdráttur í vöðva eða vöðvum. Algeng tegund sinadráttar verður í kálfanum í svefni en sinadráttur getur einnig orðið vegna mikillar vinnu, meiðsla eða við það að vera lengi í sömu stellingum. Vökvatap eykur einnig hættu á sinadrætti. Sinadráttur er algengur hjá íþróttamönnum sem reyna á sig mikið og lengi og tapa við það vökva.

Önnur velþekkt tegund sinadráttar er skrifkrampi sem er sinadráttur í fingrum og hendi eftir langvarandi skriftir með blýanti eða penna. Við einhæfar hreyfingar í langan tíma getur komið fram sinadráttur nánast hvar sem er í líkamanum. Allir fá sinadrátt en hjá flestum eru það óþægindi sem koma sjaldan og valda litlum vandræðum. Ekki má rugla sinadrætti saman við verki í fótleggjum eða lærum sem koma við áreynslu vegna lélegrar blóðrásar eða brjóskloss í hrygg. Þeir sem fá oft verki í fótleggi við gang eða aðra áreynslu ættu að leita læknis.

Besta ráðið við sinadrætti er að teygja á viðkomandi vöðva, varlega en ákveðið og þá hverfa óþægindin venjulega fljótt. Oft er gott að spenna vöðvana sem eru á móti þeim sem sinadrátturinn er í, til dæmis er gott ráð við sinadrætti í kálfa að spenna fótinn upp á við og toga svo í hann þar til sinadrátturinn hverfur. Einnig getur verið gott að kreista og nudda vöðvann og sumum finnst gott að fara í heitt eða kalt bað. Til að koma í veg fyrir sinadrátt er mikilvægt að forðast vökvatap, gera teygjuæfingar fyrir og eftir áreynslu og gæta þess að ofreyna sig ekki. Ef sinadráttur er viðvarandi vandamál sem truflar svefn er rétt að leita læknis sem metur hvort grípa þurfi til lyfjameðferðar. Í slíkum tilvikum kemur til greina að nota svefnlyf af vissri gerð eða kínín.