Ég var að horfa á King Kong í gær og það var frábær mynd sem gaf mér í rauninni andagift. Hún hvatti mig til þess að búa til nýtt æfingarprógram fyrir alla menn sem vilja geta nýtt krafta sína eins og apar og górillur. Meðal karlmaðurinn í dag er aumingji sem situr fyrir framan sjónvarpið og drekkur bjór allann daginn. En á meðan eru náfrændur okkar, aparnir að æfa sig í frumskóginum í prímata lyftingum sem gera þá töluvert sterkari en okkur.

Í dýragarði í bandaríkjunum slapp górilla yfir 10 metra háann óklífanlegann vegg með því að stökkva upp og stíga svo í ofurlitla sprungu í miðjum veggnum og stökkva aftur, alveg að vírnum sem hann reyf í sundur og öðlaðist frelsi. Annað dæmi um prímata sem var nautsterkur var simpsansi sem heldur betur skaut starfsmönnum dýragarðar eins ref fyrir rass. Þannig var mál með vexti að tré hrundi niður í búrinu hans, 5 heilbrigðir menn reyndu að ná því úr búrinu en tókst ekki að hreyfa við því. Þeir gengu því út en nokkrum mínútum síðar lyfti simpsansinn trénu upp og fleygði því úr búrinu. Sama gildir svo um órangúta, þeir geta drepið krókodíla með berum höndum.

Er ekki kominn tími til að læra af þessum hraustu náfrændum okkar og fara að æfa eins og þeir? Menn sem lyfta lóðum verða aldrei eins sterkir og prímatar því það er ekki rétta aðferðin. Hér er dæmi um góðar lyftingaraðferðir í stíl prímatanna:

Farðu út í garð, og rífðu tré upp með rótum. Það skiptir ekki máli hversu stórt tréð er, eða hversu langann tíma það tekur þig. Þú skalt ekki hætta fyrr en þér tekst það. Því næst skaltu standa með fæturna glennta út til hliðanna og byrja að öskra “BAHHHDAMMA, Ú Ú, BAHHHDAMA”. Og berja þig í bringuna þangað til það líður yfir þig.

Þegar þú vaknar skaltu finna lurk í garðinum og nota hann til að berja í jörðina þangað til mannshæðar djúp hola myndast. Stökktu ofan í holuna og aftur upp úr henni þangað til þú nærð því fullkomlega.

Farðu næst í skóg, t.d. Heiðmörk og klifraðu upp í tré. Öskraðu þar og reyndu að hanga á einni hendi eins lengi og þú getur. Ef einhver manneskja gengur framhjá þér skaltu stökkva á hana og éta, mannakjöt er hreynlega fullt af próteinum.

Síðan ferðu að sofa undir berum himni. Þegar þú vaknar daginn eftir verðurðu eflaust kominn með myndarleg bringuhár og loðinn háls. Hárinn vaxa dag eftir dag og styrkurinn eykst að sjálfsögðu eftir því.

Takk fyrir,
DirtyLee