maxina89 fyrir 19 árum, 7 mánuðum Fjöldi lestra: 2482

REYKINGAR! ULLABJAKK!!!!!

Ég var að lesa nöldurkork um reykingar, og fyrst allir voru svona svakalega óssammála um hvað væri skaðlegt við þær, ætla ég nú bara að setja inn nokkrar staðreyndir um skaðsemi reykinga, bæði beinna og óbeinna. Þessar staðreyndir hafa verið gefnar út sameiginlega af þeim stofnunum sem eftir fara:
VINNUEFTIRLIT RÍKISINS
KRABBAMEINSFÉLAGIÐ
HJARTAVERND
TÓBAKSVARNANEFND
HEILBRIGÐIS- OG TRYKKINGAMÁLARÁÐUNEYTIÐ
LANDLÆKNISEMBÆTTIÐ

Ég tók mér það bessaleyfi að sýna þessar upplýsingar hér á Huga.is og vona að enginn hafi neinar athugasemdir að gera við það, þar sem ég tek hér fram fyrir ofan hvaðan ég fékk heimildir. Einnig tel ég að ég geti gengið út frá því vísu að þessir aðilar vilji að þessar staðreyndir komist til skila.
Nú vona ég bara að einhver nenni að lesa þetta, og að það hjálpi þá viðkomandi. Enjoy!

ALMENNT
Við reykingar minnkar blóðflæði til húðarinnar. Það veldur appelsínuhúð, bólumyndun, þurrki og hrukkum - og minnkar mótstöðu gegn húðsjúkdómum.
Ertu á framabraut? Reykingar minnka súrefnisflæði til heilans.
Andremma, óþrifnaður, ólykt og óþefur af fötum fylgir þeim sem reykja.
Reykingar auka slímmyndun í hálsi, munnholi og nefi.
Þú þarft að þéna yfir 200.000 krónur á ári til að hafa efni á að reykja einn pakka á dag.
Hver einasta sígaretta styttir líf þitt um 11 mínútur.
Reykingar drepa um 370 Íslendinga á hverju ári.
Ef þú reykir eina sígarettu í návist barns er hægt að mæla niðurbrotsefni nikótíns í þvagi barnsins þremur dögum síðar.
Um 45 Íslendingar látast af völdum óbeinna reykinga á hverju ári.
Veist þú hvaða sígaretta kemur krabbameini af stað? Það gæti verið fyrsta sígarettan.
Nokkrum sekúndum eftir að þú kveikir þér í sígarettu veitirðu þúsundum efnasambanda inn í blóðrásina. Um 4000 þeirra breyta hárfínum lungnablöðrum í götótta tjörusekki.
Andaðu í gegnum örmjótt rör í 5 mínútur. Þannig færðu tilfinningu fyrir lungnaþembu, algengasta sjúkdómnum sem tengist reykingum.
Þegar þú reykir rotna lungun í þér.
80% reykingamanna byrjuðu að reykja fyrir 18 ára aldur. Yfir 80% þeirra vilja hætta að reykja.
Hver einasta sígaretta veldur þér skaða.

TAKTU ÁBYRGÐ Á EIGIN HEILSU! VERTU FRJÁLS REYKLAUS!

STELPUR
Tíðaverkir eru meiri hjá konum sem reykja.
Breytingaskeiðið byrjar fyrr hjá konum sem reykja.
Bein tengsl eru á milli reykinga og leghálskrabbameins.
Beinþynning er algengari hjá konum sem reykja.
Reykingar á meðgöngu geta valdið móður og barni mjög alvarlegum sjúkdómum.

TAKTU ÁBYRGÐ Á EIGIN HEILSU! VERTU FRJÁLS REYKLAUS!

STRÁKAR
Við reykingar þrengjast æðar í öllum útlimum. Það veldur getuleysi!
Nikótín hefur áhrif á vöxt barna og unglinga. Ungir reykingamenn stækka 9% minna á tveggja ára tímabili en jafnaldrar þeirra sem reykja ekki.
Ummál brjóstkassa á strákum sem reykja að staðaldri er 22% minna en hjá strákum sem reykja ekki.

TAKTU ÁBYRGÐ Á EIGIN HEILSU! VERTU FRJÁLS REYKLAUS!

Fyrir þá sem vilja vita meira um það sem reykingamenn anda að sér, þá er hér hluti af innihaldslýsingu sígarettu.

AKRÓLEIN: Mjög eitrað við innöndun. Eitrað við inntöku. Ætandi.
AKRÝLÓNÍTRÍL: Getur valdið krabbameini. Eitrað við innöndun, í snertingu við húð og við inntöku.
AMMONÍAK: Eitrað við innöndun. Ætandi.
ARSENIK: Eitrað við innöndun og inntöku.
ASETALDEHÝÐ: Ertir augu og öndunarfæri. Getur valdið varanlegu heilsutjóni.
BENZEN: Getur valdið krabbameini. Hætta á alvarlegu heilsutjóni við innöndun, í snertingu við húð og við inntöku við langvarandi notkun.
BENZÓ(A)PÝREN: Getur valdið krabbameini. Getur valdið arfgengum skaða. Getur dregið úr frjósemi og skaðað barn í móðurkviði.
BLÁSÝRA: Mjög eitruð við innöndun, í snertingu við húð og við inntöku.
BRENNISTEINSVETNI: Mjög eitrað við innöndun.
DÍMETÝLNÍTRÓSAMÍN: Getur valdið krabbameini. Eitrað við inntöku. Mjög eitrað við innöndun. Hætta á alvarlegu heilsutjóni við langvarandi notkun.
ENDRÍN: Mjög eitrað við inntöku. Eitrað í snertingu við húð.
FENÓL: Eitrað í snertingu við húð og við inntöku. Ætandi.
FORMALDEHÝÐ: Getur valdið varanlegu heilsutjóni. Eitrað við innöndun, í snertingu við húð og við inntöku. Getur valdiðð ofnæmi í snertingu við húð.
HÝDRAZÍN: Getur valdið krabbameini. Eitrað við innöndun, í snertingu við húð og við inntöku. Getur valdið ofnæmi í snertingu við húð. Ætandi.
KOLEINOXÍÐ(KOLMÓNOXÍÐ): Eitrað við innöndun. Hætta á alvarlegu heilsutjóni við innöndun við langvarandi notkun. Getur skaðað barn í móðurkviði.
METANÓL(TRÉSPÍRITUS): Eitrað við innöndun og við inntöku.
BETA-NAFTÝLAMÍN: Getur valdið krabbameini. Hættulegt við inntöku.
NIKÓTÍN: Eitrað við inntöku. Mjög eitrað í snertingu við húð.
PÓLÓNÍUM 210: Getur valdið krabbameini. (geislavirkt efni).
PÝRIDÍN: Hættulegt við innöndun, í snertingu við húð og við inntöku.
ÚRETAN: Getur valdið krabbameini.
VINÝLKLÓRÍÐ: Getur valdið krabbameini.

Þessi 22 eru bara lítill hluti af þeim 4000 efnasamböndum sem eru í tóbaksreyk, þar af eru 40 af þeim sem geta valdið krabbameini.
Vil ég benda fólki á að þeir sem reykja eða anda að sér tóbaksreyk frá öðrum fá öll þessi efni ofan í sig, þar á meðal þau sem hér eru skráð!

TAKTU ÁBYRGÐ Á EIGIN HEILSU!!
VERTU FRJÁLS REYKLAUS!!!!!!!!!!!!!!!!!!!!!!!

P.S. Með þessari grein er ég ekki með nokkru móti að skjóta á reykingafólk. Þetta er þeirra val. Ég á sjálf ættingja og vini sem reykja, þannig að engin skítaköst takk!
Markmið mitt með þessari grein er hins vegar að upplýsa fólk um það sem það getur gert sér og öðrum með reykingum.

kv.
maxina

[Notanda eytt] fyrir 19 árum, 7 mánuðum

Heyr heyr!

Fyrra álit

Sirja fyrir 19 árum, 7 mánuðum

Amen. Takk fyrir þetta innlegg.

Fyrra álit

Hrislaa fyrir 19 árum, 7 mánuðum

Góð grein.

./hundar

Fyrra álit

Anon fyrir 19 árum, 7 mánuðum

Þetta er flottur póstur hjá þér….

mér finnst samt alltaf jafn fyndið þegar fólk sem reykir ekki eru að benda reykingarmönnum á hvað þetta er óhollt, eins og þeir viti það ekki.

ath. þessu er ekki beint til pistlhöfunar :)

Fyrra álit

Arcnish fyrir 19 árum, 7 mánuðum

ég er hjartanlega sammála þessu, svo lengi sem að reykingarfólk kann að lesa þá veit það hvað reykingar eru óhollar…. (ekki nema 33% af pakkanum merkt)
svo er það líka ekki óalgent að fólk reyki útaf því að foreldrar þeirra reyktu/reykja meina ég ólst upp við það að mamma og pabbi reyktu og allir þeirra vinir, mér fannst það vera álíka normal og að fá sér að éta eða eitthvað.

Þannig að ég held að flestir sem reykja vilji það, það eru til alveg endalaust af efnum til að hætta að reykja, endalaust af heimilisráður og allt það, fólk þarf bara að hafa viljastyrkinn.

Svo er það náttúrulega annað, ég held að flestum finnist erfitt að hætta að reykja af því að fólk segir að það sé erfitt, þá stiplast það inni mann að það sé erfitt og líkaminn brekst þannig við

takk fyrir :P

Fyrra álit

johanng fyrir 19 árum, 7 mánuðum

Akkurat öfugt hjá mér, ólst upp einmitt líka við svipaðar aðstæður og fékk einmitt ógeð á þessu og ég fyllist viðbjóði þegar foreldrar mínir reykja inn á heimilinu, finnst eins og eigin foreldrar eru að reyna drepa mig.

Kveðja

Fyrra álit

Aerie fyrir 19 árum, 4 mánuðum

Ég held alls ekki að allir sem reykja vilji það….

En ég er sammála með að fólki finnst það erfitt af því að það er alltaf sagt að að sé so erfitt…
Held það sé persónubundið;)… og það þarf bara viljastyrk og fólk sem stendur með manni…
Þar borgar það sig að vera þrjósku

[quote="Elie Wiesel"]"There may be times when we are powerless to prevent injustice, but there must never be a time when we fail to Protest!."[/quote]

Fyrra álit

Hallgrimur fyrir 19 árum, 7 mánuðum

best að fá sér síkó

I need somebody, someone

Fyrra álit

dobby fyrir 19 árum, 7 mánuðum

Frábært! Haha, þetta er svo rétt hjá þér! Skil ekki hvernig fólki dettur í hug að byrja að reykja!

Born to talk - forced to work

Fyrra álit

Sk0nZ1 fyrir 19 árum, 6 mánuðum

ummmmm……það er víst alveg fáranlega gott……

Fyrra álit

Ferjumadur fyrir 19 árum, 7 mánuðum

lagi a ðfólk reykir fyrir mer, svo lengi sem það reykir í hæfilegri fjarlægð svo ég verð ekki fyrir áhrifum óbeinara reykinga :D

Fyrra álit

[Notanda eytt] fyrir 19 árum, 7 mánuðum

Því má bæta við að einn dropi af nikótíni getur drepið mús.

Fyrra álit

TomHagen fyrir 19 árum, 7 mánuðum

ÖÖÖÖ so what. Ég reyki bara ef mér sýnist það. Skil ekki alveg afhverju einhver sem reykir ekki þarf að skipta sér af því.
Mjög svipað og ef ég færi að gera dapurlega grein um áhrif offitu. Sem kemur mér ekkert við.
Byrjiðð bara að reykja og finnið hvað það er gott hálfvitar……

Fyrra álit

[Notanda eytt] fyrir 19 árum, 7 mánuðum

Hvernig getur verið gott að reykja? Jú, fá vímu í smá stund… en hvað svo? Hóstakast, krabbamein, getuleysi… you name it. Nei, það er ekki þess virði að fá sér smók. alls ekki.

Fyrra álit

vitringur fyrir 19 árum, 7 mánuðum

held það sé ekki stór hluti sem fær krabbamein og getuleysi. svo er þessi hósti ekkert roslegur. nema af Prince kannski

Við erum alheimurinn, vaknaður til vitundar um sjálfan sig

Fyrra álit

[Notanda eytt] fyrir 19 árum, 6 mánuðum

Ekki nema hluti nei? Hvað þá með það að ég þekki… bíddu, það er eitthvað um 5-7 manns sem ég veit um sem hefur dáið út af krabbameini eða álíkum sjúkdómum sem er beint hægt að tengja til reykinga. Amma mín er ein af þeim.

Fyrra álit

vitringur fyrir 19 árum, 6 mánuðum

Henni fannst það greinilega þess virði. og ekki vera að koma með tilfinninga mál í rökræður. þau eiga ekki heima þar.
eins og Malcolm X sagði: Ef svertingjarnir geta ekki hlegið að svertingja bröndurum eru þeir of tilfinningalega tengdir málinu til að tala um það.

P.S. Malcolm X var svartur baráttu karl

Við erum alheimurinn, vaknaður til vitundar um sjálfan sig

Fyrra álit

[Notanda eytt] fyrir 19 árum, 6 mánuðum

Við erum að tala um það að fólk er að drepa sig á því að reykja. Dauðinn er persónulegur, alveg sama hvernig þú túlkar hann, hann er persónulegur.

Og ég veit hver Malcolm X var. Ég er ekki heimsk ljóska þó að ljóska sé.

Fyrra álit

Haukzi fyrir 19 árum, 6 mánuðum

þó að ljóska sé.

Þá veit maður það… ;)

Fyrra álit

[Notanda eytt] fyrir 19 árum, 6 mánuðum

það er nú ekkert leyndarmál!

Fyrra álit

Haukzi fyrir 19 árum, 6 mánuðum

Ljóst hár er flott…

Fyrra álit

vitringur fyrir 19 árum, 6 mánuðum

ég var alls ekkert að skjóta á vitsmuni þína og þú afsakar það. ég bara vildi vera viss þar sem ekki allir vita það.

Hins vegar er mín skoðun sú að dauði er ekki alltaf persónulegur. Hann er ekki persónulegur neins staðar en í mannheiminum og þá aðeins þeim sem sú manneskja er tilfinningalega tengd. Fólk deyr, staðreynd. Af hverju að svekja sig á því ef það kemur manni ekki við.

Ég var hins vegar að benda á að það er allt í lagi að nefna það hversu hættulegar reykingar eru og nefna dauðsföll. En ekki segja að ein þeirra hafi verið amma þín. Kemur umræðunni ekkert við.

Við erum alheimurinn, vaknaður til vitundar um sjálfan sig

Fyrra álit

snikkin fyrir 19 árum, 6 mánuðum

Það fólk sem ég þekki sem hefur fengið krabbamein hafa fæstir reykt… þegar ég hugsa útí það voru þau fæst í kringum í reykingafólk.

Málið er að það er enginn öruggur fyrir sjúkdómum. Það eina sem er öruggt er það að við eigum öll eftir að deyja. Hverjum er ekki sama úr hverju við deyjum?

Fyrra álit

[Notanda eytt] fyrir 19 árum, 6 mánuðum

Enginn er öruggur fyrir sjúkdómum, það er rétt. En með því að reykja ertu að veikja ónæmiskerfið. Bjóða sjúkdómum heim. En það er ekki bara reykingamaðurinn sem er í hættu, heldur líka börn reykingamannsins (gengið út frá því að viðkomandi reykingamaður eigi börn)… ætla ekki einu sinni að fara út´i þá sjúkdóma sem börn reykingamanna fá.

Fyrra álit

snikkin fyrir 19 árum, 6 mánuðum

jú, endilega. Fræddu mig um það þar sem mamma reykti alveg þar til ég varð unglingur. Þekki þó nokkrar manneskjur sem eiga foreldra sem reykja/reyktu, ekki ein þeirra er með e-s konar sjúkdóm.

Fyrra álit

[Notanda eytt] fyrir 19 árum, 6 mánuðum

Þú varst að kvarta yfir því að einhver hafi verið að skipta sér af þér. Ef einhver var að skipta sér af þér, hvað kallast þá þetta?

Byrjiðð bara að reykja og finnið hvað það er gott hálfvitar……

Sé ekki betur en að þú hafir verið að skipta þér af þeim sem reykja ekki!!!

Fyrra álit

Gexus fyrir 19 árum, 6 mánuðum

I þessari grein var minnst a það að reykingar valda getuleysi… :)

Fyrra álit

runart fyrir 19 árum, 6 mánuðum

Palmiah
Ekki taka þessu sem einhverri persónulegri árás á þig því þú reykir. Alger óþarfi að kalla fólk hálfvita hérna. Það er aðallega verið að benda fólki á skaðlegu áhrifin af reykingum fyrir þá sem vilja vita það.

Svo er nú kannski annað líka, ef þetta er réttur aldur sem þú hefur gefið upp þá skaltu vita það að þetta er alltaf gott fyrst, láttu mig þekkja það því ég er búinn að reykja núna í 10 ár og er farinn að finna fyrst núna td. þol og annað hverfa og verða að nánast engu.

Ekki nema þú sért einn af þessum snillingum sem finnst gaman að sverta gott spjall með svona commentum.

Fyrra álit

untitled8 fyrir 19 árum, 5 mánuðum

Líka ef þú reykir þá ertu líka að “eitra” fyrir fólkinu i kringum þig…en ef þú ert of feitur þá ertu ekkert að spilla lífi annarra!:S

Fyrra álit

Bassismus fyrir 19 árum, 7 mánuðum

Það sem að fólk virðist ekki alveg átta sig á þegar það talar um að reykingar stytti lífið er það að þegar lífið styttist, að þá sleppum við reykingafólk við árin á hrafnistu eða grund eða hvaða ellismellaheimili sem finnst.

Þannig álít ég að fyrst að ég er að stytta líf mitt að þá slepp ég við að vera í bleiju eins og margt fjörgamalt fólk er í vegna þess að það hefur enga stjórn á líkamanum.

Þannig að ég segi bara kveikjum í einum staut og verum ánægð með lífið.

BC Rich NT Virgin, BC Rich NJ Deluxe Warlock5, BC Rich Warlock NJ Series(1986-'88), BC Rich ASM Pro Neck-thru, Jackson Kelly KBX

Fyrra álit

pokarotta fyrir 19 árum, 7 mánuðum

Einhver kjáni sagði: “Það sem að fólk virðist ekki alveg átta sig á þegar það talar um að reykingar stytti lífið er það að þegar lífið styttist, að þá sleppum við reykingafólk við árin á hrafnistu eða grund eða hvaða ellismellaheimili sem finnst.

Þannig álít ég að fyrst að ég er að stytta líf mitt að þá slepp ég við að vera í bleiju eins og margt fjörgamalt fólk er í vegna þess að það hefur enga stjórn á líkamanum.

Þannig að ég segi bara kveikjum í einum staut og verum ánægð með lífið.”

JÁ!!!!

Þetta er mesta snilld sem ég hef lengi heyrt. Hugsiði ykkur sparnað ó velferðarkerfi Íslendinga Ef að allir fengju sígerettupakka strax á leikskóla! Þá væri eingin elliheimili því allir væri steindauðir áður en þeir kæmust á þau. Að endingu vil ég leggja til að allir fatlaðir drepi sig hér og nú, því líf á stofnunum er ekki þess virði er ekkert líf hvort eð er….

er það ekki annars?

Fyrra álit

IngvarL fyrir 19 árum, 7 mánuðum

Það eina sem breytist er að þú kemst fyrr í þetta ástand, geturðu ímyndað þig fimmtíu ára gamlan inná einhverju sjúkrunarheimili andandi í gegnum slöngu.

Veit að þetta er svoldið ýkt dæmi en ekki allt gamalt fólk endar á Hrafnistu og gengur með bleiu…

Fyrra álit

MafuZa fyrir 19 árum, 6 mánuðum

ævin styttist á þann hátt að þú þarft ekki að fara á elliheimili 75 ára heldur á spítala 60 ára

ekki koma með slöpp dæmi

Fyrra álit

pollett fyrir 19 árum, 7 mánuðum

…og líka að eitthvað að þessu efni er notað til að hreinsa klósett og þannig!
Frábær grein :)!

Fyrra álit

Forseti fyrir 19 árum, 7 mánuðum

tek það strax fram að jeg reyki ekki(nema á hátíðisdögum).

Já aðalvandmálið er að fólk veit ekki um skaðsemi reykinga. Við þurfum að “upplýsa” fólk meira um hversu slæmt tóbak er.
ALLIR VITA UM SKAÐSEMI REYKINGA. Það er bara ekki málið. Vandamálið er fólk eins og þið getið ekki hundskast til að láta aðra í friði með endalausu nöldri og væli.

Það eru ekki allir tófú jetandi skokkarar með sjerstakann áhuga á heilsu og hollu líferni..

“Ef þú reykir eina sígarettu í návist barns er hægt að mæla niðurbrotsefni nikótíns í þvagi barnsins þremur dögum síðar.” þetta á við allt. spurning um að sía áróðurinn aðeins í gegnum almenna skynsemi. EF þú prumpar í návist barns þá má finna leyfar af því í þvagi barnsins næstu daga……. GUÐ. Viltu ekki prumpa hjá barninu mínu!!!!

“Hver einasta sígaretta styttir líf þitt um 11 mínútur.” Hvernig í ósköpunum er þetta vísindalega sannað???? En allt í lagi. Gefum okkur það að þetta sé sannað. Tófu jétandi skokkararnir eyða líklega jafnmiklum tíma í að skokka, hugsa um heilsuna og kvarta yfir hversu skaðlegar reykingar eru. spurning hvort það er stytting á lífi. Neeh er það nokkuð????

“Um 45 Íslendingar látast af völdum óbeinna reykinga á hverju ári.” Aftur. hver lætur svona staðreyndir frá sér. Óbeinar reykingar hafa örugglega skaðleg áhrif en hvernig getur nokkur maður pinpointað krabbameins orsök einhvers til óbeinna reykinga???

“Þegar þú reykir rotna lungun í þér” Aha, hvernig????

“TAKTU ÁBYRGÐ Á EIGIN HEILSU!!
VERTU FRJÁLS REYKLAUS”
Já endilega takið ábyrgð á eigin heilsu en í guðs bænum leyfið fólki að vera frjálst….

Fyrra álit

pokarotta fyrir 19 árum, 7 mánuðum

Til hamingju.

Þú átt heiðurinn af því að eiga fyrsta svarið sem ég hef séð hér á huga sem að hefur nákvæmlega ekki neitt sannleikskorn eða röksemdarfærslur. Ég myndi faðma þig ef ég gæti.

Fyrra álit

korvus fyrir 19 árum, 7 mánuðum

Þú ert nú argasti lygari.

Fyrra álit

Forseti fyrir 19 árum, 7 mánuðum

Til hamingju Þú átt heiðurinn af því að eiga annað svarið sem þú hefur séð hér á huga sem að hefur nákvæmlega ekki neitt sannleikskorn eða röksemdarfærslur. Svör eru ekki full af sannleikskornum né röksemdarfærslum þó þú skrifir orðin. í svari þínu var hvorugt fjelagi. Komdu nú og faðmaðu mig.

Fyrra álit

pokarotta fyrir 19 árum, 6 mánuðum

og þá núllast dæmið út, right? Ég hafði rangt fyrir mér um að þetta væri fyrsta heimskulega svarið sem ég hef séð og þú hafðir rangt fyrir þér í öllu ruglinu sem þú varst að segja. Gaman þegar menn komast að niðurstöðu.

Fyrra álit

Forseti fyrir 19 árum, 6 mánuðum

Nei ekki alveg. Þar sem engar staðreyndir né röksemdir voru í svari þínu þá getum við ekki dregið neinar ályktanir frá því. Ekki rjett rökfræðameistari?

Fyrra álit

hjeppi fyrir 19 árum, 7 mánuðum