Venja þig af þessari matvendni. Erfitt kannski, en það er ekki hollt fyrir neina manneskju að lifa bara á grasi. Ekki nema að þú gerir einhverjar ráðstafanir uppá það að borða fæði með þeirri næringu sem þú myndir annars fá úr kjöt eða fisk.

Borða nóg af ávöxtum, og grænmeti, og reyndu að borða heitan mat líka.
Steinefnin sem þú færð úr hversdagslegri fæðu eru þér svo mikilvæg, vegna skorts á sólarljósi hér á Íslandi.
Reyndu að borða oftar á dag, ekki endilega mikið í einu, bara passa að það sé alltaf eitthvað í maganum. Taktu vítamín og járn (mataræðið sem þú ert á getur orsakað járnskort, sem m.a. veldur svimaköstum og þróttleysi) og haltu áfram að taka lýsið.

Þú verður að borða prótein líka. Bættu smá rifnum osti í salatið eða skinku og þá ertu í aðeins skárra lagi. Passaðu líka að borða alltaf eitthvað á 4 tíma fresti og alls ekki sleppa máltíðum.

Ef hjúkrunarfræðingurinn í skólanum þínum hafði áhyggjur af þér, þá ertu ábyggilega allt of mjó. Þeim sem eru með anorexíu finnst þær alltaf vera feitar, jafnvel þó þær séu ekki nema skinn og bein.

Blessuð

Ég hef unnið með unglingum sem hafa verið með Anorexiur og satt að segja þá fékk ég smá flashback þegar ég las greinina þína.

það var aðalega ein setning sem kveikti á þvi “Ég fékk smá ráðleggingu hjá hjúkrunarfræðingnum en þau virkuðu ágætlega en þegar eg byrjaði að þyngjast aðeins þá fór ég að hætta að vilja þyngjast og vildi aftur fara að léttast.”

Þú hafðir þarna áhyggjur af þvi að þú værir of létt en þegar þú fórst að þyngjast þá hættir þú því.

Það veit ekki á gott. Anorexia er stórhættulegur sjúkdómur sem er mjög erfitt að losna úr.

Maður getur lent í anorexíu ástandi ef maður borðar of lítið. Það virkar þannig að þú getur ekki hugsað þér að þyngjast, hættir að hlusta á fólk sem segir þér að þú sért of létt/grönn o.s.frv., hugsar gríðarlega mikið um þyngdina og ferð oft á vigtina í viku (helst nokkrum sinnum á dag).

Talaðu við hjúkrunarfræðinginn,foreldrana eða einhvern sem þú treystir um þetta. Bættu við osti í salatið og jafnvel einhverja góða salatdressingu. Finndu þér orkudrykk (Myo-plex eða eitthvað álíka) og fáðu þér einn á dag (myndi minnka svimaköstinn).

Forðastu svo vigt í 2-3 mánuði. Ekki vigta þig. Þú átt að þyngjast aðeins! Of mikil megrun hefur BARA slæm áhrif.

Kv.
Siva

Jább borðaðu aðeins meira á salatið, hann kom með góða hugmynd þarna áðan að bæta ost og skinku, svo er als ekki slæmt að setja smá kjúkling kaldan eða heitan, svo segiru að þú sért svona rosalega létta en samt með bumbu, þá er um að gera að hreyfa sig með og gera kviðæfingar.

hafðu fyrst áhyggjur af heilsunni, ÁÐUR en þú hefur áhyggjur af útlitinu. Það boðar ekki gott ef þú ert að fá svimaköst í tíma og ótíma. Borðaðu bara hollan og góðan mat og ekkert nasl á milli mála. Fiskur a.m.k. einu sinni í viku. Annars vona ég að það rætist úr þessu hjá þér.

kv,
jericho

Mannslíkaminn er svolítið eins og bíll, þ.e. hann þarf að fá sitt bensín til að geta gengið og starfað eðlilega. Til að þér líði vel, þú lítir vel út og haldir kjörþyngd þarftu að borða 6 litlar máltíðir á dag og passa að í hverri þeirra sé nægilegt magn af próteini og kolvetnum. Það er alls ekki slæmt hjá þér að borða grænmeti en það er hins vegar ljóst að ef fæðan sem þú innbyrgðir samanstendur af grænmeti einu saman, ertu ekki að vera neitt sérstaklega góð við líkama þinn og þarfir hans. Settu kjúkling, skinku, egg eða ost út á salatið. Einngi er mikilvægt að þú borðir prótein sem eru í skyri(með litlum sykri) og kotasælu. Góð kolvetni (flókin kolvetni) er það sem þú átt að borða ekki þessi einföldu. Flókin kolvetni eru grænmeti, gróft brauð, kornmeti og ávextir (svo fátt eitt sé nefnt) en þau einföldu eru t.d sælgæti, kex, gos, snakk, hvítt hveiti og fleira.

En eins og ég sagði er mikilvægt fyrir þig að borða reglulega. Með því á ég við:

morgunamat
kaffi
hádegismat
kaffi
kvöldmat
kvöldkaffi

Þessar málítiðir eiga að koma með 2-3 tíma millibili. Þær þurfa að innihalda einn skammt af próteini og einn af kolvetnum. Til að sjá hvernig kolvetni og prótein sé best að borða mæli ég með því að þú skoðir þessa síður: www.manneldi.is. Einnig er sniðugt fyrir þig að lesa líkami fyrir lífið bókina. Manneldisráð gaf út bók sem inniheldur allskyns uppskriftir og svo er bókinn eftir Sólveigu á Grænum kosti mjög góð líka. Einngi getur þú alltaf farið inná vefinn hjá world class, hreyfingu eða baðhúsinu. Þar eru einkaþjálfarar með e-mail. Þeir geta alltaf ráðlagt þér í sambandi við mataræðið.
Það væri mjög sniðugt af þér að fá mömmu þína eða pabba í lið með þér. Þannig er hægt að elda mat sem þér finnst góður. Ég myndi taka vítamín líka ef ég væri þú (mjög gott hjá þér að taka lýsi)t.d fjölvítamín.


Ég vil samt líka benda þér á að það eru rosalega margir á þínum aldri matvandir…yfirleitt eldist það af fólki. Það gerði það allavegana í mínu tilviki. Málið er samt með svona matvendni að oftar en ekki þá er það e-ð sem fólk er bara búið að ákveða. Það er maður ákveður að þetta eða hitt sé bara vont og þá er málið bara útrætt. Ég mæli með að þú reynir bara að opna aðeins hugann og prófa!!Það drepur þig ekki. Þar fyrir utan er hægt að matreiða t.d fisk á þann hátt að maður myndi aldrei trúa því að þetta væri fiskur. Þess vegna er sniðugt fyrir þig að tala við foreldra þína um þessi mál. Ég er viss um að þau verða bara feginn og hjálpa þér með ánægju.

Ég var ekki lengi að átt mig á því eftir að hafa lesið bréfið frá þér að með þessu áframhaldi stefnir allt í óefni hjá þér.

Comment eins og þessi:
“Þó að ég sé svona létt þá er ég alls ekki með sléttan maga, frekar myndi eg kalla mig feita heldur en granna”

finnst mér vera gott dæmi um að þú sért farin að hugsa of mikið um holdafar þitt og það sem er kannski verra, er það að svona hugsanir eru ekkert alltof skynsamlegar.

Þú segir líka:
“en vinkonur mínar voru frekar hræddar um að ég væri að fá anorexíu og ég var að velta því fyrir mér hvort þetta gæti endað með þeim afleiðingum ef ég held áfram að hugsa svona mikið um þyngdina og að borða endalaust bara salat.”

Ég get alveg lofað þér að þetta endar þannig og ég veit það vegna þess að ég var svona líka (meira að segja verri) og þetta endaði allt saman í vitleysu. Ég var hins vegar svo heppin að ég átti góða að sem gátu gripið í taumana áður en ég gekk alveg fram af sjálfri mér. En ég get sagt þér það strax að ef þú færð einhvern tíman anorexíu þá áttu aldrei eftir að losna alveg við hana. Hún blundar alltaf í manni og þetta er alls ekki félagi sem þú vilt að fylgi þér alla ævi. Það er hreint ekki gaman eða uppbyggjandi að þurfa sífellt að vera meðvitaður, finnast maður alltaf vera feitur, hafa aldrei neina trú á sjálfum sér og að vera sífellt að setja sjálfan sig undir smásjána. Það er mannskemmandi!! Þess vegna bið ég þig að hugsa vel um það hvað þú ert að gera sjálfri þér þegar þú borðar ekki!! Þetta MUN fylgja þér alla ævi ef þú gerir ekki e-ð í þessu strax…og trúðu mér ÞÚ VILT ÞAÐ EKKI!!

En nóg um predikanir. Ég vona að ég hafi hjálpað e-ð og að þú komir til með að hugsa þig tvisvar um áður en þú neytar að borða. Því þrátt fyrir allt virðist þú vera farin að gera þér grein fyrir að svona eigi þetta ekki að vera og það er alltaf skref í rétta átt.
Gangi þér rosalega vel með þetta.

Kæra aqulera.
Ég kannast við svipað dæmi af eigin reynslu.
Fyrir aðeins meira en ári þá borðaði ég lítið annað en salat, hrökkbrauð, ávexti og eitthvað smá mismunandi kornmeti.

Ég var óð í að hreyfa mig og miðað við það hvað ég borðaði lítið og hreyfði mig óendanlega mikið þá var mataræðið mitt og hreyfing mín í engu samhengi.

Ég þorði ekki á þessu tímabili að líta á vigt, þótt ég væri mjög grönn. Þannig að í rauninni veit ég ekki hvort að ég hafi eitthvað lést en ég efast ekki um það að ég hafi misst nokkur kíló á þessu tímabili mínu.

Þegar vorið tók enda fór þessi árátta mín minnkandi og í kjölfarið rakst ég á grein á netinu þegar ég var að reyna að finna góðar leiðir til að léttast, því ég var um það bil að gefast upp á að svelta mig og vera stöðugt svöng.

Þessi grein opnaði augun mín um heilan helling og ef ég væri ekki búin að gleyma því hvar hana var að finna myndi ég ráðleggja þér að lesa hana.

En ég get þó sagt þér nokkuð sem er dagsatt og þegar þú ferð að borða betur og eðlilegra þá áttu ef til vill eftir að komast að því sjálf.

Fólk, sem t.d. sveltir sig í nokkrar vikur og missir slatta kíló á þeim tíma, kemst aftur í sömu þyngd og það var í, áður en það byrjaði í megrunarkúrnum og verður jafnvel þyngra, þegar það byrjar aftur að borða eðlilega eða meira en þau gerðu.

Ég lenti í þessu yfir sumarið þegar ég fór að átta mig á því að það gengi ekki að ég borðaði svona óreglulega og lítið. Ég varð þyngri en komst svo aftur á rétta braut með tímanum.

Það sem þú þarft að átta þig á að þetta er það sem fór að gerast þegar þú ráðlagðir þig eftir orðum hjúkrunarfræðingsins og byrjaðir aftur að þyngjast. Þú MUNT þyngjast, og jafnvel verða þyngri en þú varst áður en þú byrjaðir í þessum “kúr” þínum.
En ef þú lætur það ekkert á þig fá og heldur áfram bara að borða eðlilega þá kemstu aftur í þína réttu kjörþyngd því það tekur líkamann dálítinn tíma að venjast þessum hrikalegu breytingum.

Þetta var eitt af því sem stóð í greininni svo að ég vissi að ég myndi kannski þyngjast dálítið til muna en það myndi svo fara með tímanum. Og ég komst aftur í mína eðlilegu þyngd.

Núna er ég akkurat í kjörþyngd en í vetur var ég dálítið fyrir neðan hana því ég lenti í því að finna sjálfa mig vera að svelta mig, enda var mikið álag á mér á þeim tíma.

Þú ert greinilega komin á byrjunarstig anorexíu sjúklingsins, og það sér maður aðeins með að lesa þessa grein þína og hvernig þú hugsar. Svona var ég. Þú ert ekki komin á það hættulegt stig af anorexíu að þú getir dáið af þessu en þú skalt þó fara varlega því þetta er stórhættulegur sjúkdómur og ef þú sekkur of djupt er mjög víst að þú náir aldrei að komast upp aftur.

Þú skalt tala við þetta um foreldra þína ef þú vilt virkilega lagast og borða eðlilega því ég man hvernig mér leið á þessum tíma og mér leið hörmulega. Foreldrar hjálpa hrikalega mikið í svona málum.

Ég vona að þer gangi vel og náir að komast aftur á rétta braut því þessi sjúkdómur er ekkert grín og ef þú hefur einu sinni komist nálægt honum þá getur alltaf fallið aftur.

Kv. -Cap2

uhh…hæ ég heiti aqulera og ég er með átröksunarvandamál

hey, þú ert að gera rétta hluti !

ég meina, vilja ekki allar konur verða 21 ára með engin brjóst því þær voru með anorexíu á yngri árum ???
og HVER vill fá stór brjóst og rass ??

Engar stelpur !!!

….. kaldhæðni… en svona lítur þetta út ef þú værir karlmaður.

þú verður greynilega að fara að borða meira.. svimaköstin eru boð um það að þú sért ekki að fá nóga orku.
Sambandi við að þú sért ekki með beinan maga, maður fær ekki beinan maga á því að vera mjór(nema þú sér orin óeðlilega og hættulega mjó) maður fær beinan maga með magaæfingum. Það eru vöðvanir sem gera hann beinan. Þannig ekki reyna að grenna þig meira, gerðu frekar æfingar og reyndu að stæla þig smá… ég meina ekkert vöðvafjall, bara svona til að fá beinan maga..:) ef það er það sem þú villt…
Svo vil ég vara þig mjög við að fá anorexíu, því ef þú færð hana þá mun það ekki aðeins hafa áhrif á líf þitt, heldur allra í kringum þig líka. Ég var einmitt að enda við að skrifa greina á tíska&útlit um það hvernig það er að eiga anorexíusjúkling fyrir systur. Þú verður að passa þig að hugsa líka um aðra, þú vilt ekki gera foreldrum þínum það að fá anorexíu, né vinum þínum.
Svo langar mig líka að benda þér á Build up.. það er svona duft sem þú hellir út í mjólk(minnir mig) og ef þú drekkur eitt svoleiðisglas færðu fullt af orku. Og það er hægt að fá það í mörgum bragðtegundum…:)

Þú ert örugglega nærri annorexíu en þetta ætti að reddast ef þú ferð eftir góðum ráðum hér. Það er gott að borða salad og taka lýsi en það þarf meira. Mér þótti líka vondur þessi dæmigerði íslenski fiskur en fór þá að borða t.d túnfisk úr dós sem er allt í lagi, minnir meira á kjöt og getu keypt í vatni eða í olíu (olían gerir þig ekki feita) Einnig skaltu prófa rækjusalat á kex eða brauð, ef þú vilt ekki mæjonesið þá bara kaupa frosnar rækjur, góðar á saladið líka og gott að setja sítrónusafa yfir allt saman. 'Eg er viss um að rækur eru mjög hollar og fólk virðis gleyma að borða þær nema þegar þær eru í e.h. spes réttum og í framleiddum samlokum.

Kveðja,

IDF

Blessuð Aqulera

ég hef lent í svipuðu og þú..
ég hef verið að borða hollan og góðann mat þar sem ég æfi fótbolta…
En um síðust jól þá ákvað ég að reyna að léttast aðeins og byrjaði að minnka matarskammtana….þetta endaði ekki vel og á endanum þá lá ég bara uppí rúmi allann daginn og gat varla staðið upp vegna máttleysis:S og svo þegar æfingarnar byrjuðu aftur efti jólafríið var ég með ömurlegt úthald…en ég náði mér aftur á strik og byrjaði að borða eins og venjulega…

————————————— –

Þú segir að þú sért aldrei svöng í vinnuskólanum…málið er að þótt þú sért ekki svöng verðuru bara að pína í þig soldinn mat..

En hérna, æfirðu íþróttir eða eitthvað svoleiðis?