Ég er alltaf hlynntur því að frelsi einstaklingsins ráði ferðinni svo lengi sem það ónáðar hvorki né skaðar aðra. Munntóbak er vissulega vanabindandi en sígarettur og annað reyktóbak er það líka. Það er líkt og sett yrðu lög sem að leyfðu bjór en bönnuðu pilsner. Því að það er fátt sem að bendir til þess að munntóbak sé jafn skaðlegt og reyktóbak, reyndar hef ég ekki heyrt af neinum rannsóknum sem gerðar hafa verið á munntóbaki.

En ég held að það sé ekki gáfulegt að nota munntóbak til að hætta að reykja. Munntóbak inniheldur mikið nikótín þó ekki eins mikið og sígarettur(per gramm séð er mikið meira af nikótíni í munntóbaki heldur en reyktóbaki, losun nikótóns í blóð er bara miklu hraðari í gegnum lungu heldur en slímhúð). Þannig að reykingamenn eru að viðhalda sinni nikótínfíkn með því að brúka munntóbak. Nikótíntyggjó inniheldur minna nikótín og þ.a.l. verður mikil minnkun á fíkninni og markmið reykingamannsins er náttúrulega að losa sig undan þeirri áþján og þá er tyggjóið betri kostur að mínu mati

Hvað finnst ykkur?

mér finnst að það ætti að banna sígarettur og leyfa munntóbak því þá er maður ekki að gefa neinum öðrum krabbamein nema sjálfum sér !

JAKK munntóbak og neftóbak er Viðbjóður! Ég þoli frekar sígarettureykinn heldur en fólk sem er með munninn úttroðinn af tóbaki og líta út eins og hamstrar. Svo fer fólk líka oftast út að reykja þannig að það truflar ekki marga (skemmtistaðir og sumir veitingastaðir undanskildir).
Munntóbak er líka alveg jafn óhollt og sígarettur. Langtímanotkun veldur krabbameini í munni og hálsi, og svo fær fólk fljótt alveg óóógeðslegar tennur af þessu.
Burt með þetta helvíti alltsaman, líka sígarettur.
refur (hryllir sig)

Í fyrsta lagi er vel hægt að koma munntóbaki fyrir þannig að það sjáist ekki, í öðru lagi eru til margar tegundir af tannkremi sem hreinsa burt bletti eftir munntóbak.
Þannig að þeir sem nota munntóbak eru ekki að pirra neinn nema kannski einhverjar pempíur sem hryllir hvort eð er við flestöllu. Af þeim sem nota munntóbak kemur ekki vond lykt þeir erta ekki aðra í kringum sig með reyk og heimili og bílar munntóbaksnotenda lykta ekki eins og öskubakkar.
Marga greinir einnig á um hvort munntóbak í hófi valdi í raun krabbameini og eru langflest þekkt krabbameinstilfelli sem tengja má beint til munntóbaksnotkunar hjá þeim sem nota munntóbak í öfgakenndu mæli.
Það má einnig benda á að bann við munntóbaki var sett á af þeirri einföldu ástæðu að pólitíkusar voru undir miklum þrýstingi að banna tóbak og vegna þess að svo mjög margir reykja ákváðu þingmenn að banna eitthvað sem notað væri í minna mæli og varð því munntóbak og snuff fyrir valinu.

Rx7