snikkin fyrir 20 árum, 11 mánuðum Fjöldi lestra: 1572

Augnaðgerð

Hæ, hæ öll.

Mig langaði bara til að vekja athygli á laseraðgerðum á augum til að laga nærsýni og fjarsýni o.fl. Ég hef ekki kynnt mér þetta efni neitt allt of vel en mig langaði til að deila með ykkur minni sögu.
Frá því ég frétti af þessari aðgerð hér á landi hef ég beðið eftir því að verða tvítug svo ég gæti nú látið laga í mér sjónina (var með -5 og -5,5).
Ég fékk tíma í forskoðun daginn fyrir tvítugsafmælið mitt en þá hafði sjónin verið nokkuð stöðug í 5 ár. Þá kom í ljós að hornhimnan er mjög þunn í báðum augunum mínum svo ég þurfti að fara í aðeins fyrirhafnameiri aðgerð sem kallast LAZEK (hin heitir LAZIK). Læknirinn, Þórður, sagði mér að LAZEK aðgerðin væri nákvæmari en ég yrði líklega með verki í augunum í þrjá daga á eftir. Auðvitað gat ég valið hvort ég færi í LAZIK eða LAZEK en ég valdi LAZEK þar sem læknirinn mældi með henni og í mínu tilfelli var hún öruggari kosturinn.
Allt starfsfólkið þarna hjá Lasersjón fær margfaldar þakkir frá mér. Þótt meðferðin sé rétt nýbyrjuð þá hafa þau hugsað mjög vel um mig og hefur augnlæknirinn verið í daglegu sambandi við mig frá aðgerðinni (sem var síðasta fimmtudag, 11. des). Núna er sýkingarhættan liðin og bíð ég bara eftir því að sjónin batni enn frekar og ég fái fókusinn alveg réttan, en það gæti tekið nokkrar vikur.
Ég mæli eindregið með því að fólk fari í svona augnaðgerð ef það hefur lélega sjón og finnst gleraugun vera fyrir sér eða er orðið þreytt á að þurfa að setja linsurnar í sig. Ég er bæði búin að vera með gleraugu og linsur. Að fá sjónina aftur er… tjah… bara kraftaverk. Aðgerðin er sársaukalaus. Það “sársaukafyllsta” við aðgerðina er þegar augndroparnir (deyfingin) eru settir í augun á manni.
Í fyrsta skipti síðan ég byrjaði að fara til augnlæknis sá ég stafalínu merkta 1.0 án þess að vera með gleraugu. OG sjónin á bara eftir að fara batnandi næstu vikurnar. Ég er bara allt of hamingjusöm til að deila þessari reynslu ekki með ykkur þarna úti sem hafið hugsað um að fara í svona aðgerð. Hún er hverrar krónu virði.

Ég mæli með því að áhugasamir kynni sér þetta frekar á heimasíðu Lasersjon:
http://www.lasersjon.is

Ég veit að það er önnur stofa sem framkvæmir svona laseraðgerðir en ég þekki hana ekkert og hef ekkert grennslast fyrir um hana.

Með jólakveðju og góða sjón,
snikkin

lhg fyrir 20 árum, 11 mánuðum

Til hamingju með sjónina :)

Þórður var augnlæknirinn minn meðan ég bjó ennþá á landinu og ég spurði hann einhvern tímann útí þessar aðgerðir en við komumst að þeirri niðurstöðu að þetta væri ekki rétt fyrir mig. Ég sé nefnilega það illa að ég set gleraugun upp á morgnana og tek þau ekki af mér fyrr en á kvöldin og hugsa ekkert um þau í millitíðinni. Í rauninni finnst mér oft bara þægilegt að hafa gleraugu, t.d. ef maður er þar sem er ryk eða það er rok, þá fær maður síður eitthvað í augun.

Fyrra álit

kaffibaunin fyrir 20 árum, 11 mánuðum

sama hér!

ég hef oft verið að pæla í að fara í þetta en ég er svo rosalega viðkvæm að eitthvað komi nálægt augunum á mér…
þegar ég var yngri og það þurfti að setja dropa í augun á mér var það svo rosalegt vandamál að ég var grenjandi og grenjandi, mér fannst þetta algjör pína en sem betur fer þarf ég ekki fá þannig núna en ég mun ekki láta mér detta það í hug að fá mér linsur! ég er svo skíthrædd við þær… eða að vera að pota einvherju í augun á mér brrr

ætli ég hafi ekki verið blind í fyrra lífi hehe, nei segji svona :Þ

Fyrra álit

Onoes fyrir 20 árum, 11 mánuðum

Hvað borgaðiru svo fyrir herlegheitin? :)

__________________________________________________

Fyrra álit

lhg fyrir 20 árum, 11 mánuðum

Það er gjaldskrá á heimasíðunni þeirra á http://www.lasersjon.is/Gjaldskra.html
Hóst, hóst, 290 þús. kall takk fyrir. Samt hægt að fá magnafslátt ef þú nærð saman 3 eða fleiri :)

Hér í Kanada eru þeir að bjóða þessar aðgerðir frá 110 þús. en reyndar líklega frekar ólíklegt að það borgi sig að spara þegar maður fer í svona aðgerð :-o

Fyrra álit

snikkin fyrir 20 árum, 11 mánuðum

Ég fékk herlegheitin í tvítugsafmælisgjöf en það voru “litlar” 275.000 krónur (með staðgreiðsluafslætti). ;o)
En svo spyr maður auðvitað - hvers virði er góð sjón sem dugir mér líklega í 10-20 ár? Maður fær augndropa, verkjalyf og fleira á staðnum til að komast af allavega fyrstu vikuna (það er ekki lengra liðið síðan ég fór í aðgerðina). Eftirskoðunirnar sem ég hef farið í eru þrjár og hef ég ekki borgað krónu fyrir það. Ég veit yfirleitt ekki hvort maður borgi nokkuð eftir að aðgerðin hefur verið borguð. :o/
En mér finnst sjónin þess virði og getiði hvað?
Núna ætla ég að henda linsuboxunum og linsunum og setja gleraugun langt ofan í skúffu.

aldrei ánægðari
snikkin

Fyrra álit

diddilitli fyrir 20 árum, 11 mánuðum

Til hamingju með sjónina. Mamma mín fór líka í svona laser aðgerð, virkaði fínt. Það er snjallt hjá þér að láta mannfjöldann hérna á íslandi vita þetta betur því þau halda líklega að það er bara sett mann á bekkinn og laserað augun með svona star wars laserbyssum.

Fyrra álit

orchid fyrir 20 árum, 11 mánuðum

Adgerdin getur reynst sumum agaetlega en eg tekki of mikid til hins slaema vid adgerdina ad eg get ekki maelt med henni med neinn og hvet folk ad bida tangad til ad tid sjaid einhvern augnlaekni sem hefur farid i adgerdina sjalfur.

Fyrra álit

DanniV8 fyrir 20 árum, 11 mánuðum

Þegar ég frétti af þessari aðgerð þá var ég svona… smá vonglaðari yfir að þurfa ekki að vera með gleraugu lengur (fékk þegar ég var 13 ára), en svo hugsaði ég, tæpur 300.000 kall fyrir þetta, mér bara finnst þetta ekki þess virði. Þó að ég losna við þessi helvítis gleraugu sem maður er alltaf að þrífa og laga til og endurnýja, þá finnst mér þetta samt ekki þess virði.

En það sem mér finnst er að maður ætti að fá bætur fyrir að vera með lélega sjón. Þetta er ekkert nema fatli, alveg einsog maður sem hefur misst hönd fær öryrkjubætur. Þó að maður hugsar að þetta er ekkert það merkilegt, maður getur bara keypt sér gleraugu og haldið áfram að lifa lífinu eðlilega. En það er bara ekki þannig, gleraugu eru alveg rándýr! Svo þarf maður að fara af og til til augnlæknis til að láta kíkja á sjónina og sjá hvort hún versnar eða ekki. Það eru bara ekki allir sem hafa efni á því! Og þeir sem hafa ekki efni á því geta ekki gert svo ógeðslega mikið sem þeir með góða sjón eða hafa efni á gleraugum geta gert. T.d. geta þeir ekki keyrt, þeir geta (sumir) ekki horft á tölvuskjái, og stór hluti starfa felst í því að horfa á tölvuskjá, þeir geta ekki unnið störf þar sem maður þarf að vanda sig vel og fara eftir nákvæmum línum eða eitthvað, t.d. rafeindastarf, fjarsýnn maður sem hefur ekki gleraugu gæti ekki gert það og svo er hægt að telja áfram. Þannig ég spyr, af hverju fær maður ekki gleraugnastyrk?

Kveðja, Danni

Fyrra álit

Pittur fyrir 20 árum, 11 mánuðum

Til hamingju með þetta!!!

Ég er sjálfur með -5,5 og -6,0 og er orðinn mjög þreyttur á því að þurfa að noata gleraugu og linsur. Ég fékk gleraugu fyrst þegar ég var 5 ára og hef verið með svoleiðis á nefinu síðan :(. Ég er hættur að geta notað linsur í langan tíma, verð fljótt þreyttur í augunum.

Ég hef verið að spá í þessari aðgerð og á alveg vel fyrir henni en hef verið að draga það að fara í skoðun hjá þeim. Ætli það sé ekki réttast að drífa sig bara í þessu sem fyrst.

Fyrra álit

Moli fyrir 20 árum, 11 mánuðum

Ég er með -6.5 og -7.0, og sjónin í mín fer versnandi (finn það t.d núna að ég þarf ný gleraugu).
Ég fór að spyrjast fyrir um þetta við lækninn minn og fleiri, og ég fæ engann styrk við að fara í svona aðgerð.
Slímhúðin í augunum á mér er smám saman að þorna, þó það hafi nú farið minnkandi síðustu ár, þá finnst mér samt fáránlegt að ég geti ekki fengið þetta niðurgreitt, því að það segir sig sjálft, að með þessu áframhaldi, þá verð ég blindur um 40.
Ég held að málið sé bara að safna 300 þúsund kalli bara..

Fyrra álit

[Notanda eytt] fyrir 20 árum, 11 mánuðum

já pabbi fór líka í svona var með -8.5 á báðum og það tókst. Annars er ég með -6.5 á báðum og þarf að fá sterkara, kannski svona 7 til 7.5. Sjónin vill bara ekki hætta að versna! ): Góð aðgerð og verkar vel.

fantsia

Fyrra álit

Lovebird fyrir 20 árum, 11 mánuðum

ég fór í þegar ég var 8 ára.. ekki auðvelt

- EgóTripp!

Fyrra álit

Heilsa

Heilsa

Ofurhugar

Stjórnendur

Hverjir eru inni

Greinar

Augnaðgerð

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi