Hráefni:

Þú þarft eftirfarandi hráefni í uppskrift að Piparkökur.

500 grömm hveiti
250 grömm smjörlíki
350 grömm sykur
1/2 teskeið kardimommudropar
1/2 teskeið kanil
Örlítið sítrónusaft
1/2 teskeið hjartasalt
2 egg

Aðferð fyrir Piparkökur:

Hrærið smjörlíki og sykri saman, og bætið svo eggjunum við einu í einu og hrærið vel. Blandið afganginum af hráefnunum í. Hnoðið degið og rúllið því í þunnar lengjur. Skerið lengjurnar í cirka 1 cm bita og raðið þeim á plötu. Bakið í cirka 10 mínútur við 200 gráður, þar til kökurnar eru ljósbrúnar.

Piparkökuhús.

3 dl sýróp
800 g
sykur
500 g smjör
1 msk. engifer
2 msk. negull
2 msk. kanill
1 egg
1.800 g hveiti
1 tsk. natron

Hnoðið allt saman og kælið í ísskáp í 3­4 klukkustundir. Fletjið út deigið og þykktin á að vera um hálfur centimetri. Stækkið teikningarnar tvisvar til þrisvar eða eftir vild.

Skerið út eftir teikningum og merkið í deigið fyrir bjálkum í veggi og þakplötum. Bakið á bökunarpappír við 175 C í um það bil 12­16 mín eða þar til fullbakað.

Skerið út glugga og hurðir að vild og bakið líka. Hurðina má hafa opna upp á hálfa gátt og síðan eru þetta gluggahlerar sem geta skreytt húsið. Milliloftið þarf að ná út fyrir húsið sjálft þannig að hægt sé með góðu móti að gera svalir. Tröppur getur hver og einn gert með því að búa til renning úr deiginu. Þrepin eru svo teiknuð á með sprautuðu súkkulaði.Hliðar hússins eru settar saman með tertuhjúp.

Glassúrinn sem notaður er í snjó er búinn til úr tveimur eggjahvítum og 200­400 g af flórsykri. Eftir að búið er að laga glassúrinn verður að stífþeyta hann.

Handriði er sprautað á bökunarpappír. Í það er notaður súkkulaðihjúpur. Þegar handriðið er síðan fest við húsið er Súkkulaðihjúpurinn líka notaður til þess.

Í lokin sé húsið skreytt með því að gera grýlukerti og svo er flórsykri sigtað yfir í lokin.

Hálfmánar

250 g hveiti
150 g smjörlíki
100 g sykur
1 egg
1 tsk. lyftiduft
tsk. hjartarsalt
vanilludropar
rabarbarasulta

Smjörlíki mulið saman við hveitið ásamt lyftiefnum. Sykri blandað saman við og vætt í með eggi og vanilludropum. Deigið síðan hnoðað uns það er slétt og sprungulaust. Síðan er gott að láta það bíða í kulda yfir nótt. Deigið flatt út og mótað í kökur ca. 7 cm í þvermál. Sulta látin á hverja köku og þær brotnar til helminga og brúnum þrýst létt saman.

500 g hveiti
250 gr smjörlíki
250 gr sykur
4 tsk lyftiduft
4 egg
1/4 tsk hjartasalt
1 tsk vanilludropar.

Venjulegt, hnoðað deig, skipt í 4 hluta, breitt út á smurðar ofnplötur og bakað við 200 c . Botnarnir eru síðan lagðir saman með sveskjusultu, eða annari eftir smekk. Það er óhætt að baka hana með góðum fyrirvara hún geymist vel.

Súkkulaðistangir

424 gr.smjörlíki
640 gr. hveiti
4-5 mats kakó
424 gr. sykur
2 egg
1 tsk.vanilludropar

Hnoðað og rúllað út í lengjur sem ég sting út með glasi eða staupi til að fá allar stangirnar jafn stórar. Svo er ýmist hægt að dýfa þeim í perlusykur eða eins og var gert í gamla daga mylja niður molasykur og dýfa í. Bakað við 200°c.

Hnetusmjörskökur

¼ bolli smjörlíki
¾ bolli sykur
¾ bolli dökkur púðursykur.
1 teskeið vanillusykur
1 stórt egg
2 stórar eggjahvítur létt slegnar
3 bollar hveiti
2 teskeiðar matarsódi
ögn af salti
1 bolli gamaldags hnetusmjör

Blandið smjörlíkinu og sykrunum saman í hrærivél eða mixara. Bætið vanillu, eggjinu og eggjahvítunum saman við, hrærið vel. Blandið saman hveitinu, sótanum og salti og bætið út í hræruna. Látið loks hnetismjörið saman við og hrærið vel. Setjið á plötu með teskeið og sléttið með gafli. Bakið í forhituðum ofni þar til kökurnar eru ljós brúnar, um 10 mín.

Sörur
400 g fínmalaðar möndlur
6 dl flórsykur
5 eggjahvítur


Blandið saman möndlum og flórsykri. Stýfþeytið eggjahvítuna og blandið möndlu/sykrinum saman við. Bakið við 180°C í u.þ.b. 15 mín.


Krem:
1 dl sterkt kaffi
1 msk hveiti
1 eggjarauða
125 g mjúkt smjör
1/2 dl sykur
1/2 tsk vanillusykur
250 g hjúpsúkkulaði

Sjóðir saman kaffið og hveitið þar til það þykknar og kælið. Blandið eggjarauðunni við kaffiþykknið. Hrærið saman smjör, sykur og vanillusykur þar til blandan verður létt og ljós en þá er kaffikreminu blandað saman við.

Anískökur

1/2 bolli smjörlíki
1 bolli sykur
1 egg
1/2 tsk. vanilludropar
1 1/3 bolli hveiti
1/2 tsk. salt
1 1/2 tsk. lyftiduft
1 1/2 tsk. anísfræ

Smjörlíki og sykur hrært ljóst og létt. Eggi og vanillu bætt í og hrært vel. Hinu öllu bætt saman við og hrært vel á meðan. Deigið er mótað í lengju, vafið inn í smjörpappír og kælt. Skorið niður í þunnar sneiðar og bakað í u.þ.b. 8 mínútur eða þar til kökurnar eru orðnar ljósbrúnar.