Það er nú reyndar 14 dagar í jólin.
En heima hjá mér eru bakaðar: Piparkökur, mömmukökur, marsipankökur, marengstoppar og RiceCrispieskökur.
Jólakökukveðjur, Xenia

tengdó bakar reyndar bestu Sörur í heimi og gefur mér eina makkíndosdós af því :) Ég er í prófum alveg þar til 20. des þannig að það er ekki mikill tími til að baka.. ég kaupi bara enda eru kökurnar sem eru seldar í búðum núna alveg rosalega góðar :):)

Ég ætla ekki að baka mikið núna því ég er með svo lítinn kröfuharðan pjakka en ég er búin að búa til piparkökudeig (það er í ísskápnum) og svo ætla ég að reyna að búa til 2-3 sortir í viðbót. Það eru tvær uppskriftir úr Nóa Síríus bæklingi, eftirlæti íkornans sem eru alveg geðveikar og svona toppar með Bismarck brjóstsykri og kókosmjöli. Svo er ein tegund frá barnæskunni, súkkulaðilengjur (þær eru svona með muldum sykri og pensluðu eggi ofan á, alveg mmmmmm). Venjulega reyni ég líka að búa til hálfmána því það er svo gaman en það er bara svo mikil vinna.
Ég baka aldrei tertur eða lagkökur. Það er aldrei tími til að eta svoleiðis en smákökurnar borðum við flestar fyrir jól.
Já og svo ætla ég að reyna að baka laufabrauð eins og venjulega.