dala fyrir 21 árum Fjöldi lestra: 882

Hvurslags er þetta eiginlega?!?!

Það þekkja allir jólalagið “Jólasveinar ganga um gólf” og flestir syngja það svona:

Jólasveinar ganga um gólf
með gylltan staf í hendi.
Móðir þeirra sópar gólf
og flengir þá með vendi.

Upp á stól
stendur mín kanna.
Níu nóttum fyrir jól
þá kem ég til manna.

En ef maður bara aðeins pælir í textanum þá sér maður nú undir eins að þetta er tóm steypa. Hvað eru jólasveinar, sem búa uppi í fjalli á Íslandi að gera með gullstafi, og síðan hvenær hefur Grýla verið svona þrifin. Svo eru ekki einu sinni ljóðstafir í þessu eins og er í öllum almennilegum íslenskum kvæðum.
Seinna erindið er svo náttúrulega alveg sér kapítuli útaf fyrir sig. Ég meina það. “Uppi á stól stendur mín kanna” hvað í Guðs nafni kemur þetta jólasveinunum við!!!

Ó, nei, í mínum húsum verður þetta sko aldrei sungið svona. Höldum okkur við réttu útgáfuna. Syngjum eitthvað sem “meikar sens” Syngjum þetta eins og skáldið ætlaðist til.

Jólasveinar ganga um gátt
með gildan staf í hendi.
Móðir þeirra hrín við hátt
og hýðir þá með vendi.

Upp á hól
stend ég og kanna.
Níu nóttum fyrir jól
þá kem ég til manna.

Virðingarfyllst
Dala

iWonderboy fyrir 21 árum

Ég sé ekki að þessi grein komi hvurslags nokkuð við O.o

Fyrra álit

hvurslags fyrir 21 árum

Oh, ég hélt eitt augnablik að einhver væri fokvondur að skammast út í mig með þessu greinarheiti.

Fyrra álit

closed fyrir 21 árum

hehe… góður…

< < < Er eitthvað sem suckar meira en próf? > > >

Fyrra álit

[Notanda eytt] fyrir 21 árum

þetta er laukrétt! go DALA

Fyrra álit

Koppur fyrir 21 árum

Þessi grein hefur fullan rétt á sér en mér þætti vænna ef titillinn hefði komið málinu eitthvað við eða hefði gefið okkur hugmynd um hvað það er sem greinin fjallar um. Ekki eins og þessar greinar sem heita allar „Hvað er fólk að pæla?“ eða „hjálp!“ eða „ég trúi þessu ekki!“ eða (eins og að ofan) „hvurslags er þetta?!?!“ Kannski er ég bara smámunasamur en mér þætti gaman að vita um hvað ég er að fara að lesa í stað þess að taka þá áhættu að greinin fjalli um eitthvert kjaftæðisvæl sem byggir öll sín rök á einhverjum persónulegum misskilningi (þó svo að það eigi ekki við um þessa grein).

Fyrra álit

dala fyrir 21 árum

Minn kæri Koppur
Ég biðst innilega velvirðingar á þessu og mun nefna greinar mínar betri nöfnum í framtíðinni.
Með kveðju
Dala

Fyrra álit

Loaloa fyrir 21 árum

Sé þetta tilfellið þá er hið gamla góða jólatrjáalag “Jólasveinar ganga um gólf” hin ágætasta simulacra - örugglega ein af fáum sem við eigum - og synd að fara að farga henni núna ;)

(simulacra = endurtekning á einhverju sem aldrei hefur verið til)

——————

Fyrra álit

Ljomalindin fyrir 21 árum

Jámm..var einmitt alltaf að pæli í þessu..“Upp á stól stendur mín kanna” þetta er nú bara algjör rugl texti ;)

go on just say it.. you need me like a bad habit.

Fyrra álit

ferdamadur fyrir 21 árum

Þetta er nottla ennþá meiri steypa hjá þér heldur en þú segir að lagið sé.
Það er nú ekki gylltur stafur sem þeir ganga um með, heldur gildur, og ef þú flettir því upp í orðabók kemstu að því að merking þess er þó nokkuð önnur en merking orðsins gull.

Fyrra álit

Moli fyrir 21 árum

Hvað koma jólasveinarnir Guði við?

Fyrra álit

Pingvin fyrir 21 árum

Kannski doldið langsótt en…

Jólin eru núna haldin hátíðleg til þess að minnast frelsara okkar jesú (bla bla bla) Guð er pabbi Jesú og jólasveinarnir eru ikkerjir kallar sem koma um jólin (hátíð Jesú) og spilla krakkana, með alls konar nammi og drasli.

It's a cruel world out there…

Fyrra álit

qurit fyrir 21 árum

ég verð nú bara að segja þetta hjá þér dala meikar meira sens en hvað er þessi kanna allt í einu að gera upp á hól og hvað er hún að gera þarna?

(ekki er tekin nein ábyrgð á stafsetningavillum né annarskonar málfræðilegum kvillum)

Fyrra álit

Pingvin fyrir 21 árum

Það er enginn að tala um könnu í seinna erendinu

“Upp á hól stend ég og kanna”

Það er verið að tala um að jólasveinninn standi upp á hól að kanna hverjir eru óþekkir og hverjir eru góðir ;)

It's a cruel world out there…

Fyrra álit

Pingvin fyrir 21 árum

úps, ég er soldið þreytt hérna.. en þetta átti ekki að vera erendi heldur lag ;)

It's a cruel world out there…

Fyrra álit

Humar3000 fyrir 21 árum

ekki nógu gott

Zombrero

Fyrra álit

Pingvin fyrir 21 árum

Svo sammála.. pff, neitaði einmitt að synja þessa rugl útgáfu í skólanum í dag.. Helvítis pottaskafarar að ætlast til þess :(

It's a cruel world out there…

Fyrra álit

Loaloa fyrir 21 árum

Ég hef nú ekki kynnt mér málið til hlítar en samkvæmt grein sem Guðmundur Andri Thorsson skrifaði í Fréttablaðið 8. desember (“Lýtaaðgerð á jólakvæði” bls. 14) er “upprunalegi” textinn sem þú talar um sennilega kominn frá Helga Hálfdánasyni og var um að ræða tilraun hans til að setja vísuna fram rétt kveðna. Þ.e. svona ímyndaði HH sér að vísan hefði hugsanlega verið upprunalega. Guðmundur bendir einnig á að vísuna með gylltum stöfum, vöndum og könnum á stól og sé að finna í þjóðkvæðasafni sem gefið var út árið 1942. Enginn veit hins vegar hver hinn raunverulegi uppruni er en samkvæmt þessu er nokkuð ljóst að “rétta” útgáfan sem þú setur fram er yngri en sú “ranga.”

——————

Fyrra álit

Hátíðir

Hátíðir

Ofurhugar

Stjórnendur

Hverjir eru inni

Greinar

Hvurslags er þetta eiginlega?!?!

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi