Sorglegt, eina ráðið sem mér dettur í hug að gefa þér er að vera ekkert að rembast við að halda jólin ef það gerir ekkert fyrir þig. Þú verður e.t.v. kominn betur yfir sorgina næstu jól.

Já ég missti afa minn fyrr á árinu og hann var æðislega mikið´fyrir jólin en samt er ég búin að skreyta aðeins en já foreldrar manns eru kannski meira með manni þannig þetta hlýtur að vera leiðinlegt.
Gleðileg jól
Kv. Halla

Kæri Fixiation,
Mér samhryggist þér vegna móður þinnar og ég finn svakalega til með þér. Ég veit að það er lítið sem maður getur sagt til þess að láta þér líða vel. Ég veit líka að móðir þín hefði viljað sjá þig glaðari og hamingjusamari en þú ert í dag en það er víst lítið við því að gera. Hún væri líklega ekki mjög sátt með að þú gætir ekki átt ánægjuleg jól hennar vegna því að hún óskar þér ekkert nema alls hins besta og þar á meðal eru góð jól. En ekki misskilja mig, það sem þú finnur fyrir er fullkomlega eðlilegt, og þú mátt/átt að finna til sorgar og gráta ef þú heyrir lög sem minna þig á móður þína. Annars værir þú líklega vélmenni jaaa… eða eitthvað alvarlegt að. Kannski ættirðu að hugsa meira um góðu tímana sem þið áttuð saman, allan jólaundirbúningin sem var svo ánægjulegur, í stað þess að hugsa um að hún sé ekki hjá þér um jólin (því að án efa þá er hún samt hjá þér).
Ég held að Ný dögun, haldi fundi fyrir fólk sem á erfitt í jólaundirbúningum vegna ástvinamissis. Endilega hafðu samband við þá, það er svo gott að tala við fólk sem að skilur í gegnum hvað þú ert að ganga.
Gangi þér sem allra best í lífinu og um jólin! Ég sendi þér hlýjar hugsanir á meðan ég er í mínum jólaundirbúning og ég vona að þú finnir í þér einhversstaðar smá jólaneista.
Kv,
angie

Ég samhryggist þér mjög.
Ekki pína þig til að hald jól.
Ég er viss um að hún hefði viljað að þú værir bara hress og svona. Ég á nú í svipuðum vandræðum en ekki næstum því jafn alvarlegum. Amma mín er neflinlega með mjög mikið krabbamein og það er ekki víst að hún lifi jólin af þess vegna kvíði ég smá fyrir jólunum en er samt alveg í jólaskapi.
Rendu bara að gera það sama og áður á jólunum:)
jólakveðja
RaMpAgE

Saell

Já, ég veit ad ég held hvad thú ert ad upplifa, thó ad tilfinningar okkar allra séu náttúrulega ödruvísi.

Pabbi minn var rosalega veikur um jól fyrir nokkrum árum. Hann var greindur med krabbamein í ágúst thad árid, og laeknarnir sögdu okkur ad búast vid því ad hann yrdi farinn frá okkur fyrir jól. En hann þraukadi, og þrátt fyrir ad hann hafi verid mjög veikur, þá var yndislegt ad hafa hann hjá okkur um jólin. Hann dó mánudi seinna, tveimur dögum fyrir 19 ára afmaelid mitt. Heimurinn minn hrundi, vid vorum rosalega náin, og ég hreinlega gat ekki skilid þetta.

Hann var rosalegur jólakall, alltaf kátur, setti upp seríur, vid tvö bjuggum til konfekt saman, fórum í baeinn og versludum gjafir fyrir mömmu og svona. Og þó hann hafi verid stór partur af jólunum sem og mínu lífi, þá eru jólin ekkert erfidari en allir hinir dagarnir án hans. Jólin voru hinsvegar rosalega erfid fyrir mömmu, og þad lidu ad ég held þrjú ár þangad til henni fór ad hlakka til jólanna aftur, og þad gerdi þetta erfidara fyrir okkur systkinin.

Mér finnst ömurlegt ad pabbi minn sé ekki hérna lengur, en ég veit ad honum lídur vel þar sem hann er, og ad hann vill þad sama fyrir okkur. Vid reynum ad gera þad besta úr hlutunum, vid skálum alltaf fyrir honum, minnumst gódra stunda og tölum mikid um hann. Hann var alltaf gladur og alvega rosalega fyndinn, þannig ad vid hlaejum mikid þegar vid tölum um hann.

Þad er ekkert töfrarád sem ég get gefid þér, þad tekur mislangan tíma ad komast yfir svona hluti. Ég fluttist frá Íslandi ári eftir ad pabbi dó, því ad líf mitt þar var ekki þad sama. Ég by enn úti ….. kannski ad þad hafi hjálpad mér vid þetta, hver veit. En reyndu bara ad njóta jólanna, og allra annara daga, því ad þad er þad sem mamma þín vill. Ef þú vilt ekki setja upp seríur, ekki setja upp seríur. Ef þú vilt fá smá ljós í dimmum mánudi til þess ad hjálpa vid ad birta til, settu þá upp seríur og hugsadu hvad var gaman þegar þid mamma þín gerdud þad saman. Því midur fáum vid ekki þessar stundir aftur, en sem betur fer getum vid hugsad um þaer eins oft og vid viljum, þad tekur enginn frá okkur.

Og eitt enn í lokinn, ef þú vilt gráta yfir Ó helga nótt, þá gráttu, þad er rosalega gott. Ég brosti nú smá þegar ég las þad hjá þér, því ad ég var ad hlusta á þad núna í hádeginu, og ég grét. Margar ástaedur fyrir því, ég var ad kvedja manninn minn í tvaer vikur því hann var ad fara í vidskiptaferd ….. af því ad þegar ég hlusta á þad lag verdur mér hugsad til pabba, og minnar fjolskyldu á Íslandi. Af því ad mér finnst þetta fallegasta jólalag í heimi, ég elska íslensk jól en kemst ekki heim þessi jól. En þad er alveg rosalega gott ad gráta þegar manni langar til, þad hjálpar mikid.

Allavega, þetta er ordid allt of langt. Gangi þér vel, og ég vona ad þú eigir gledileg og ánaegjuleg jól.

Bestu kvedjur

eyk

Veit svona um það bil hvað þú meinar, amma mín dó fyrir þrem mánuðum og hún hefur ætíð verið hjá okkur um jólin(og hefur búið hjá okkur, fjölskyldunni, eins lengi og ég man eftir mér), einhvern veginn finnst manni þetta vera allt hálf tilgangslaust núorðið þegar góð manneskja er farin.

Sæll vertu, ég samhryggist þér innilega.
Ég get ekki sagt að ég viti hvernig þér líður en ég veit að það hlýtur að vera bölvanleg líðan að missa foreldri svona rétt fyrir jól. Ég missti móðursystir mína fyrir átta árum, (verða átta ár á þriðjudaginn)og mér fannst það alveg svakalega erfitt. Það eina sem ég get ráðlagt þér er: leyfðu þér að upplifa alla þá sorg sem þú finnur fyrir, leyfðu þér að gráta en hugsaðu líka um góðu stundirnar sem þú áttir með mömmu þinni.
Ég vona að guð verði þér miskunnsamur og gefi þér gleði- og friðarjól.
Kv. kolbrunl

Ég votta þér alla mína samúð og vona að þú getir jólin gleðileg. Ég missti einn besta frænda minn ekki fyrir svo löngu sem hafði gert mjög mikið fyrir mig og fjölskylduna mína. Og ég hef einmitt verið hugsa hvernig jólin verða núna án hans mamma var einmitt að skrifa jólakortin áðan og fannst mjög skrítið að skrifa ekki nafnið hans eins hefur alltaf verið gert :(
Vonandi áttu eftir geta haldið jólin gleðileg. Þú getur til dæmis sett uppáhalds jólaskrautið hennar upp þar sem hún var svona mikið jólabarn og hugsað um allt það skemmtilega sem þið gerðuð á jólunum. Það gerði ég ein jólin eftir að amma mín dó og gat aðeins leitað huggaunar í minningunum.
Gangi þér og þínum vel og njótið jólanna eftir bestu getu

Þó ég hafi í rauninni ekkert að segja um sjálfa greinina vil ég bara segja að ég samhryggist innilega…

Zedlic

Samhryggist þér alveg voðalega…
Það er nú víst oft þannig að fólk í sorg er sem sorgmæddast um jólabilið..
Þú verður að reyna að berjast gegn þessu, og reyna að finna gleði á þessum árstíma, sem er svo oft einn gleðilegasti árstíminn.
Tíminn læknar öll sár, en leyfðu jólunum að hjálpa..

Sæll og blessaður.
Ég samhryggist þér innilega. Sjálf upplifði ég föðurmissi sem barn, einmitt rétt fyrir jól og seinna upplifði ég aftur missi þó af öðrum toga hafi verið. Manni finnst maður ekki geti aftur litið glaðan dag. Eins og slokknað hafi á sólinni. Þannig er það bara, ekkert getur tekið sorgina burt út hjartanu nema tíminn. Reyndu ekki að ýta burt sorginni. Ég gæti trúað að það besta sem þú gerðir væri að reyna að búa til jól eins og mamma þín hefði gert og leyfðu þér bara að gráta. Söknuðurinn hverfur aldrei en með tímanum hverfur sársaukinn.
Ég óska þér alls hins besta og vona að jólin verði ér gleðileg þrátt fyrir allt.
Bestu kveðjur
Anna

Jú, ég missti ömmu mína í nóvember, hún kom alltaf til okkar um jólin og var svo góð kona =(
Ég hef saknað hennar geðveikt mikið, hún bakaði alltaf fullt af smákökum og gaf okkur, og nú vantar þær =(

Sælt veri fólkið (ekki til þín birkirnasí, ég veit ekki hvaða tegund að lími þú borðaðir í æsku en það hefur greinilega verið sterkt, vegna þess að þú hefur greinilega ekki vott að því sem heitir tilfinningar eða samviska)
Ég vil bara þakka kærlega fyrir þau svör sem ég hef fengið, ég hafði ekki hugmynd um að það væru svona margir sem gætu svarað svona spurningu skýrt og skilmælilega.
Gleðileg jól og farsælt komandi nýtt ár og þakka fyrir svörin.

Kveðja K

Ég var næstum því búin að missa pabba minn rétt fyrir síðustu jól:(
en ég samhryggist þér innilega

Fyrirgefið!!! VInur minn gerði þetta hann vissi lykilorðið mitt og fór inn á mig ég samhryggist þér mikið.

samhryggist þér rosalega og veit að það er ekki mikið hægt að segja en reyndu að vera glöð því mamma þín hefði örugglega viljað það og það er líka betra fyrir þig!!!!!


Gleðileg jól

Ef ég vissi hver þú værir þá myndi ég koma og gefa þér faðmlag, en ég veit það ekki og því verður knús í huganum að duga. *Knús*. Njóttu jólanna eins og þú getur, þau eru jú gleði og friðarhátíð.

Kveðja Coby.

Ég vil byrja á að votta þér innilega samúð mína.

Sjálf missti ég ömmu mína fyrr á þessu ári, það var mikill missir og ég sakna hennar mikið. Jólin verða ekki söm á hennar. En ef ég myndi missa foreldri, ég get ekki ýmindað mér það. Ég vona að ég þurfi ekki að ganga í gegnum þetta sem þú ert að ganga í gegnum, og ég vildi óska að hvorki þú né neinn annar þyrfti þess.
En eins og margir hafa sagt við þig þá held ég að það sé gott að gráta bara, leyfa söknuðinum og sársaukanum að koma uppá yfirborðið, það er svo gífurleg byrði að halda svona inni.

En ég óska þér gleðilegra jóla, og vona að þú komist í gegnum þennan mikla sársauka, svo að eftir verði góðu minningarnar um mömmu þína, sem greinilega var mjög góð kona:)

Ég samhryggist innilega vegna móður þinnar. Ég vona að jólin hjá þér verði gleðileg.

Láttu þér líða vel - gleðilega jólahátíð.

Þeim mun dýpra sem sorgin grefur sig í hjarta manns, þeim mun meiri gleði getur það rúmað.
Skoðaðu hug þinn vel, þegar þú ert glaður, og þú munt sjá, að aðeins það, sem valdið hefur hryggð þinni, gerir þig glaðan.
þegar þú ert sorgmæddur, skoðaðu þá aftur huga þinn, og þú munt sjá, að þú grætur vegna þess, sem var gleði þín.