Hæ, hæ
Þetta verða einmitt fyrstu jólin mín að heiman líka, sem er svolítið öðruvísi þar sem við erum svolítið stór fjölskylda og jólin hafa alltaf verið svolítið sérstök hjá okkur. Og þó svo að ég sé alls ekki hrifin af jólunum yfirhöfuð, þá verða þau þó sennilega verri í ár. Þig tel ég nú bara heppna því þú verður þó hjá fjölskyldu kærastans þíns. Ég og minn kærasti verðum ALEIN, og það er alveg hrikaleg tilhugsun. Það er langt heim til foreldra minna héðan og þar sem kærastinn minn verður að vinna um jólin get ég ekki hugsað mér að fara frá honum og láta hann vera einan.
EN við ætlum nú bara að reyna að gera sem best úr þessu og getum þá að minnsta kosti gert úr þessu rómantískt kvöld eða eitthvað þess háttar.
Verst finnst mér þó að geta ekki a.m.k. kíkt til mömmu og pabba þegar við erum búin að borða.

En þetta verður örugglega allt fínt hjá ykkur og sniðugt hjá ykkur að skipta þessu svona á milli foreldra, þannig að á næstu jólum getið þið verið hjá þínum!

Eigðu góð jól

Eva

fúff… ég hef reyndar alltaf verið hjá mömmu og pabba um jólin en gerðu það nú fyrir sjálfa þig ekki hafa svona miklar áhyggjur. ég meina þú ert með kærastanum þínum ég held að þú verðir ekki alveg umkomulaus, hafðu það bara alveg ofboðslega gott og njóttu þess að kynnast einhverju aðeins öðruvísi heldur en þú ert búin að gera hver einustu jól í 21 ár ;) svo hringirðu bara í foreldrana og óskar þeim gleðilegra jóla og hugsar vel til þeirra og ég lofa þér því að þetta verða frábær jól, ég meina fyrstu jólin með kærastanum þínum ættu að vera frábær og sérstök. gangi þer vel ;)

Ég og kærastinn minn erum búin að vera saman í nærri tvö og hálft ár og þetta eru þriðju jólin okkar saman. Fyrstu jólin okkar fórum við heim til mömmu minnar og pabba og önnur jólin vorum við heima hjá mömmu hans. Þegar við voru heima hjá mömmu minni og pabba þá var kærastinn minn að smakka rjúpur í fyrsta skiptið (og fannst þær ekki góðar) og ég held að honum hafi ekki fundist þetta vera neitt sérlega skemmtileg jól auk þess sem hann var bara að hitta mömmu og pabba í fyrsta sinn (þau búa nefninlega úti á landi og ekki hægt að skreppa til þeirra sí svona). Eins þegar við vorum heima hjá mömmu hans þá voru þetta ekki jól eins og ég var vön og ég saknaði allra hefðanna að heiman þó að ég væri þá farin að þekkja mömmu hans og fjölskylduna nokkuð vel. Núna ætlum við að prófa að vera bara tvö ein hérna heima í fyrsta sinn og ég hlakka mjög mikið til þess. Þá getum við farið að búa til okkar eigin hefðir og gert allt eftir okkar höfði.

Fyrstu jólin mín að heiman var ég 18 ára og var hjá bróður mínum í Bandaríkjunum. Mér fannst það ekkert verri jól. Að sjálfsögðu öðruvísi jól en ekkert endilega verri.

Konan hans er alla vega amerísk og þau voru með ameríska jólasiði. Jólatréð var skreytt um miðjan desember en ekki á Þorláksmessu eins og heima. Það voru engar gjafir á aðfangadag en samt borðaður góður matur, minnir mig einhver lambasteik. Á jóladagsmorgun fórum við fram og gáðum í jólasokkana okkar. Krakkar eiga að hengja jólasokkinn á arinhilluna og jólasveinninn lætur nammi og smágjafir í hann ef þau hafa verið góð en kol ef þau hafa verið óþekk. Svo yfirleitt ráðast börnin á jólagjafirnar en það voru hins vegar engin börn á heimilinu þannig að það var beðið með að opna þær fram á hádegi en þá kom öll fjölskylda hennar í heimsókn og allir opnuðu gjafirnar saman. Það var svo hangikjöt í matinn á jóladag, það var það eina íslenska. Jólatrénu var hent út á þriðja í jólum en það var bróður mínum að þakka að það fékk að vera svo lengi uppi því konan hans vildi henda því út strax 2. í jólum. Þau eiga krakka núna og hann er búinn að innleiða einhverja aðeins íslenskari jólasiði, t.d. fá þau að opna gjafirnar frá Íslandi á aðfangadagskvöld en gjafirnar frá amerísku ættingjunum bíða fram á jóladagsmorgun.

Ég hef síðan aldrei haldið “eigin” jól en er að fara að gera það núna í fyrsta skipti en býst ekki við að ég geri mjög margt til hátíðabrigða.

Ja, ég hef alltaf verið bara heima en núna mun reyndin verða önnur! Á aðfangadagskvöld mun ég semsagt millilenda í Kuala Lumpur á leiðinni til Tælands… sem betur fer eru nokkrir vinir mínir líka að fara, reyndar þekki ég bara einn þeirra vel…

En við erum alveg búin að plana þetta, við tökum með okkur jólaskraut og hengjum á eitthvað pálmatré sem við finnum og tökum með smá malt og appelsín og höldum okkar eigin jól;)

Þetta verður bara ný upplifun sem er um að gera að gera að góðri upplifun! =)

hhhmmm
jol ad heiman…
ju thessi jol verd eg slatta langt ad heiman.ekki einu sinni i minu landi. og ja skyndilega eru oll min jolaplon (ad fa vinkonu mina i heimsokn og fara upp i fjoll, eda ad hitta gaur sem byr upp i fjollum en eignadist skyndilega kaerustu) gjorsamlega hrunin. litur thvi allt ut fyrir ad eg bordi pasta/pesto a studentaheimilinu minu. allt sem eg oska mer fyrir hina heilogu jolamaltid er maltogappelsin og kannski fjallagrasaflatkokur. og ju thad vaeri fint ad deila jolunum med finu folki. aetli eg fari ekki bara a flakk einhvert, hukka far og enda einhvers stadar.
finnst doldid fyndid ad heyra orvaentingarord ykkar parafolks yfir ad jolin hja tengdo verdi eitthvad erfid. eru allir svona stifir og hatidlegir ad thad er ekki haegt ad hlaegja yfir ollu saman.
min radlegging er ad folk slappi adeins af og haetti thessu yfirbordskjaftaedi, thad er alveg haegt ad njota jolanna tho ad hargreidslan se ekki fullkomin og tho ad jolamaturinn se ekki til akkurat klukkan 6.
jola hun

Mín fyrstu jól að heiman var 1995 og þá var ég tvítug. Flutt úr sveitinni í borgina og var að vinna þannig að ég komst bara alls ekki heim. Við ákváðum tvær vinkonur að vera bara saman af því að hvorug okkar komst heim.

Í stuttu máli sagt voru þetta frábær jól, við skemmtum okkur ofsalega vel. Að vísu var jólasteikin ekki nákvæmlega eins, kartöflunar voru franskar af því að hvorug kunni að brúna kartöflur, jólasalatið var á sínum stað, rauðvínið líka og allt saman.

Svo til að fjölga pökkunum þá gáfum við hvor annarri pakka sem að við gátum skipt í marga! Ég fékk t.d. fimm frá henni.

Síðan að þetta var þá hefur mér aldrei dottið annað í hug en að halda MÍN JÓL. Allra síst eftir að ég kynntist manninum mínum og eignaðist börn.

Njóttu bara aðventunnar og undirbúnings jólanna, þau koma þó svo að þú komist ekki heim.

Gleðileg jól,
chloe

Málið er einfalt. Ef þú ert neikvæð yfir þessu þá muntu sennilega ekki eiga ánægjuleg jól.

En ef þú reynir að líta á hlutina eins og þetta séu ekki jól, heldur öðruvísi helgi hjá tengdó, þá getur vel verið að þú skemmtir þér ágætlega.

Ég hef haldið jól með fjölskyldunni minni tvisvar á síðustu átta árum. Fyrsta skiptið sem ég var í burtu var hjá frænku minni í útlöndum. Ég spáði ekkert í hvernig það yrði fyrirfram, en eftir á þá fékk ég tilfinninguna fyrir því að hafa misst af jólunum. Ég hafði jú tekið þátt í jólaundirbúningnum eins og venjulega, fór út, og kom svo tilbaka eftir áramótin þegar allt var búið. Púha … það var skrýtið. Eftir á þá vildi ég óska þess að einhver hefði varað mig við þessu. Þannig að hér með vara ég þig við. Ekki eiga von á að upplifa “jól”. Því að þau jól sem þú þekkir fyrirfinnast aðeins hjá þinni fjölskyldu. Jólin ganga nefnilega mikið (mest) út manneskjurnar sem maður er með.

En allavega, ég hef síðan þá haldið jól ein með kærastanum mínum í nokkur ár. Einu sinni höfum við haft gesti á aðfangadagskvöld og það var meiriháttar gaman, enda voru gestirnir búnir að taka þátt í undirbúningnum í fjóra daga fram að jólum. Og þess vegna vissum við alveg að hverju við gengum.

Það eina sem við höfum alltaf gert er að gera hluti sem okkur langar til að gera. Við höfum t.d. farið í jólamessu tvisvar, tek það fram að ég er ekki trúuð, einfaldlega vegna þess að við höfum verið sammála um að það væri góð hugmynd einmitt þá. Okkur hefur allavega tekist að setja saman okkar eigin jól, sem eru góð blanda af jólahefðum úr báðum fjölskyldum.

Vona að þessi langloka hjálpi þér eitthvað pínulítið.

En mundu að til að eiga gleðileg jól þá þarft þú sjálf að hugsa jákvætt, sjáðu bara jólasöguna um hann Skrögg nískupúka:)

Fyrstu jólin mín sem voru ekki heima með mömmu og systrum mínum voru árið 2000. Þá var ég úti á Hawaii, enginn snjór sjáanlegur, ekkert jólaöl og enginn hamborgarhryggur. Að vísu voru jólaljós sumstaðar, en þó mjög lítið. í herberginu okkar var ekkert skraut.
Þetta urðu samt hin ágætustu jól. Um morguninn fór ég á brimbretti, síðan var bara gert eitthvað skemmtilegt og um kvöldið var svo farið fínt út að borða. Þegar komið var heim á hótelhebergi voru teknir upp pakkarnir. Þetta voru hin ánægjulegustu jól, þó að þau væru með öðru siði en venjulega.
Núna veit ég ekki hvernig jólin verða þar sem að ég bý ekki lengur hjá mömmu minni og enn hef ég ekkert heyrt um hvernig jólin eiga að vera. Ég býst þó við að ég geti gert mér gott úr þeim.
Vonandi takast jólin vel upp hjá þér, sem og öllum hinum.
Gleðileg jól.

Góðar (jóla)stundir, kv. Glaurung