Jæja, ég las í morgun á ruv.is að Króatinn Ivano Balic var valinn besti leikmaður HM í Þýskalandi, rétt eins og á síðustu 5 stórmótum.
Hann er auðvitað góður sóknarleikmaður en er slakur varnarmaður og spilar yfirleitt ekki vörn. Þegar hann spilar vörn þá er hann látinn spila vörn á hægri hornamanninn hjá mótherjunum.

Þess vegna finnst mér að það hefði frekar átt að velja einhvern leikmann sem er lykilmaður í sókn og vörn einhvers af toppliðunum í keppninni. Nú ef mótshöldurum er sama um vörn og vilja bara velja besta sóknarmanninn held ég að þeir hefðu þá frekar átt að velja Óla Stef þar sem hann skoraði jafnmörg mörk og Balic en sendi töluvert fleiri stoðsendingar í keppninni.