Mér sýnist LPFAN segja nokkuð rétt frá. Þetta sá ég á spjallinu á heimasíðu Aftureldingar:

“Ég var staddur á leik HK-UMFA um helgina og ég verð að segja að ég skammaðist mín fyrir UMFA menn. Í heildina voru áhorfendur þeirra frábærir og ekkert nema gaman af þeim en það voru því miður nokkrir sauðir þarna í hópnum. Ofurölvun var áberandi í litlum hópi af strákum þarna sem voru eins og á útihátíð með bakpoka fulla af áfengi. Ekki skil ég hvernig þeir komust inn með allt þetta vín en það gerðu þeir og drukku sig ofurölvaða og það endaði svo með því að þeir byrjuðu slagsmál í stúkuni.
Það sem ég sá af þessum drengjum var það að áður en leikurinn byrjaði var einn þeirra hlaupandi með stórann fána fyrir framan stuðningsmenn HK og byrjaðu læti þar með því að vera að lemja fánanum sínum í hausinn á stuðningsmönnum HK. Það var sem betur fer gripið inní og aðrir stuðningsmenn UMFA gerðu vel í þetta skiptið með að stöðva þennan ölvaða pilt og fá alveg hrós fyrir það.

Ég heyrði samt af mjög leiðinlegu atviki þar sem þessir sömu drengir voru inná klósetti í hálfleik að drekka vínið sitt og öskrandi ófallegum orðum á börn sem þar áttu leið um. Þetta er náttúrulega hræðilegt og varð til þess að börnin sem þarna voru voru hreinlega hrædd við þessa menn.

Svo undir lok leiks brutust út slágsmál rétt hjá þar sem ég sat í stúkuni. Það sem ég sá af þessu, þá byrjaði þetta þannig að einn stuðningsmaður HK sem var þarna var að lemja á trommu sína og syngjandi vegna þess að HK var að vinna leikinn. Vert er að taka það fram að þessi ungi strákur er í 9. bekk !!! Eitthvað fór þetta í taugarnar á einum mjög svo ölvuðum stuðningsmanni UMFA að hann reyndi að banna honum að lemja á trommuna sína. HK drengurinn neitaði að gera eins og honum var sagt og fékk þá högg í staðinn. Ég bara spyr, hvað er að manni sem líklegast er um 20-25 ára gamall að lemja barn, já barn, þessi drengur var í 9. bekk. HVAÐ ER AÐ ???? Eftir að þetta gerðist þá brutust út slagsmál og læti sem var nú stoppað flótt þar sem er mér sýndist að HK menn vildu frekar fagna sigri en að vera að slást. En ég lennti nú samt í því að ég var sleginn í hnakkann af einhverjum alveg einhverju drengfífli sem þarna var. Ég var ekki með nein læti og var ekki einu sinni merktur hvoru félaginu. En samt fékk ég allt í einu hnefa í hnakkan frá einhverjum sauðdrukknum UMFA pilt sem stóð svo bara og beið eftir því að ég byrjaði að slást við hann. Ég ákvað að vera ekki að eyða tíma í svona pakk og gerði mitt besta að reyna bara að horfa á leikinn sem ég hafði komið þarna til að gera.

Leikurinn sjálfur var fínasta skemmtun og ég verð bara að óska HK mönnum til hamingju með sigurinn en fyrir hönd UMFA, þá skammast ég mín og þetta var svartur blettur í sögu félagsins. Þetta var gert í nafni félagsins og persónulega ætla ég ekki að mæta á einn einasta leik félagsins eftir þessa reynslu.”