ESSO deild karla
20:00 ÍR-ÍBV
Það er frekar langt bil á milli þessara liða og Júlíus hefur gert frábæra hluti með þetta unga ÍR lið og er liðið nú í 2.sæti.
ÍBV hefur gengið hörmulega í deildinni og situr nú í 12.sæti og getur með sigri aðeisns lyft sér upp ef Afturelding tapar sínum leik á móti KA. ÍR getur hinsvegar komist í 1.sæti í a.m.k. tvo daga. Ég spái því að ÍR vinni auðveldan sigur á frekar slöppu liði ÍBV.

20:00 Afturelding-KA
Í raun er hér einnig um að ræða leik toppliðs gegn botnliði. KA er í þriðja sætinu, stigi á eftir ÍR en Afturelding er í 11. sæti með 6 stig. Afturelding verður að vinna til að fjarlægjast ekki úrslita keppnar sæti og til þess að ÍBV nái þeim ekki. KA myndi styrkja stöðu sína í toppsætinu og gætu hugsanlega með góðum úrslitum úr öðrum leikjum komist í 2.sæti. Ég spái jöfnum leik þar sem Afturelding er á heimavelli og þessi leikur gæti farið á báða vegu.

ESSO deild kvenna
20:00 Fylkir/ÍR-Víkingur
Ef Fylkir/ÍR ætlar að lyfta sér af botninum verða þeir að vinna Víking. Víkingur er ekki í mikið betri stöðu en geta með sigri komist upp fyrir FH. Verður jafn leikur en Víkingur nær að vinna.


20:00 Haukar-KA/Þór
Haukar hafa eitt að bestu liðum í deildinni á meðan KA/Þór er með mjög ungt lið sem að vísu á uppleið en þetta verður frekar ójafn leikur og Haukar vinna stórt.

20:00 Grótta/KR-FH
Það kemur mörgum á óvart að Grótta/KR sé svona ofarlega en þær eru með mjög breytt lið. FH stúlkur eru um miðja deild og eru að standa sig eftir vonum. Grótta/KR vinnur í mjög jöfnum leik

20:00 Valur-Fram
Fram stúlkur hafa spilað hörmulega í vetur og eru lang neðstar og hafa tapað öllum sínum leikjum og eru með að meðaltali 11mörk í mínus.Valur er í miðri deildinni og eru með ágætt lið og munu vinna mjög stórt í kvöld.

20:00 ÍBV-Stjarnan
Þetta er stórleikur dagsins. ÍBV er í efsta sæti deildarinnar og hefur borið höfuð og herðar yfir öll lið í deildinni hingað til. Stjarnan hefur aðeins tapað einum leik en gert tvö jafntefli. Sigur fyrir Stjörnuna í kvöld kemur þeim nær ÍBV stelpum í deildinni auk þess sem tap hjá ÍBV stúlkum gæti brotið upp sigurgöngu þeirra. Þetta er því stórleikur af bestu gerð. ÍBV stelpur hafa á að skipa einum besta sóknarmanni deildarinnar sem er Alla Gokorian. Hún hefur skorað 82 mörk í 11 leikjum higað til og mun örugglega taka vel til hendinni í kvöld.