Samkvæmt idan.is er grafískur hönnuður:

“Grafískur hönnuður annast útlitshönnun auglýsinga- og kynningarefnis fyrir ólíka miðla: sjónvarp, margmiðlun, umbúðir, skilti, bækur, blöð og tímarit. Í vinnu sinni hefur grafískur hönnuður samskipti og samvinnu við markaðsfræðinga, textahöfunda, kvikmyndagerðarfólk, umbrotsfólk og arkitekta. Grafískir hönnuðir reka margir eigið fyrirtæki, t.d. á sviði auglýsingagerðar.”

Og grafískur miðlari:

“Grafísk miðlun á rætur í prentiðnaðinum. Starfssviðið felur í sér hönnun allra helstu tegunda prentgripa og frágang á þeim til útgáfu (forvinnsla) en auk þess tekur það til hönnunar skjágripa. Starfsvettvangur er einkum í prentsmiðjum, auglýsingastofum og við útlitshönnun fyrir sjónvarp og netmiðla. Stór hluti starfsins felst í uppsetningu og umbroti þar sem unnið er með myndir og texta. Grafískur miðlari þarf að kunna góð skil á textameðferð og setningu, þekkja vel leturgerðir og stílbrigði og hafa gott vald á myndbyggingu og táknfræði síðuhönnunar. Hann þarf að kunna reglur um íslenska greinarmerkja-setningu fyrir prentun og vera vel að sér í greinarmerkjum algengra erlendra mála, eins og ensku, dönsku, þýsku og frönsku. Hann þarf að kunna að ganga frá efni til prentunar, taka á móti gögnum og vinna þau áfram til vinnslu í prentvél í samræmi við gæðakröfur í prentsmiðjum og þarf einnig að þekkja til grundvallaratriða í prentun og bókbandi. Grafískur miðlari þarf að geta notað viðeigandi hugbúnað við hönnun blaða, bóka, tímarita, auglýsinga, auglýsingaefnis og skjámynda og geta unnið öll algeng vinnuskjöl á þessu sviði. Mikilvægt er að hann hafi góðan skilning á forsendum þess hugbúnaðar sem hann vinnur við svo að hann geti auðveldlega lagað sig að nýjum og endurbættum hugbúnaði þegar þörf er á.”

Grafíska hönnun lærirðu í Listaháskóla Íslands en verður að hafa sútdentspróf eða góða reynslu.
Grafíska miðlun lærirðu meðal annars í Fjölbrautaskóla Suðurnesja, Fjölbrautaskólanum Ármúla, Iðnskólanum í Reykjavík og Flensborg í Hafnarfirði. Þannig að grafíska miðlun geturðu sennilega lært og fengið stúdentspróf í leiðinni.

Ragnar Freyr
onrushdesign.com
icelandicnationalteam.com