Það er geysilega áhugavert að spjalla við þig um þetta. Ég var einmitt búin að hlusta á Arcam 23 hjá Plútó þegar félagi minn var að kaupa græjur. Hann endaði reyndar með að kaupa Rotel spilara (mann ekki týpugerðina en hann kostaði 150 þús, fékk góðann afslátt).

Ég er búini að ver aí mjög hægri uppbyggingu með mínar græjur.

Ég var með Nad 3240PE, er með geislaspilara (var með allt hitt líka) en er að skipta því út. Núna er ég með Beomaster 5500 til bráðabirgða en kann reyndar afskaplega vel við stýringar á honum og hann er aðeins öflugri en gamli Nad magnarinn. Þetta er sjálfstæður en sambyggður útvarpsmagnari sem hægt er að nota sem formagnara og þótti mjög vandaður á sínum tíma (eina tækið frá B&O sem var ekki í lúkkinu).

Svo er ég með Sennheiser HD560 heyrnartól og Sonus Faber Concerto á sérsmíðuðum stöndum (20 kíló stykkið) og tengt með Kimberköplum (völdum til að draga úr bassa í fabernum).

Ég er geysilega ánægður með hátalarana enda skoðaði ég í tvö ár áður en ég keypti. Ég keypti B&O magnarann notaðann í sumar vegna þess að ég var a flippa á gamla Nadinum.

Svo er ég líka með Beogram plötuspilara frá gullárum B&O í þeirri deild, ótrúleg græja og ég mun halda honum en þarf að kaupa nýja nál.

Það sem ég hef verið að skoða og litist vel á í CD er Densen, Arcam og svo hef ég verið að velta fyrir mér lampaspilara. Budgetið er 100 þúsund + fyrir rétt tæki teygjir maður sig alltaf.

Í mögnun hef ég skoðað Densen, Arcam, Nad, Rotel, Thule og lampamagnara. Ég er í raun algjörlega ráðvilltur þar en hef heyrt í Concerto með S200 sem mér fannst dálítið hart en það væri alveg hægt að laga það með köplum tel ég. Það myndi hinsvegar uppfylla aflkröfur eins og ekkert sé.

Hrifnastur er ég þó af því að ná mér í svona tæki notuð af mér reyndari mönnum og helst myndi ég vilja komast í þá stöðu að geta keypt og selt tæki og prófað mig áfram. Það er hinsvegar afskaplega erfitt hér heima en ekkert mál í DK hinsvegar og þangað stefni ég.

En allavega, mér leist geysilega vel á Arcam spilarann og Densen spilarinn heillaði mig líka alveg uppúr skónum en hann er líka talsvert dýrari.

Einnig finnst mér líklegt að ekki sé ráðlegt að nota Beomaster tækið sem formagnara en ég ætla að láta reyna á það samt sem áður. Þetta er ótrúlega hreint tæki og “heyrist” ekkert á milli.

Það eru ýmsar breytingar á döfinni hjá mér á næstunni. Ég er að selja íbúðina í vor og þá losnar um slatta af peningum. Planið er svo að kaupa aðra íbúð og gera þá ráð fyrir vinnuherbergi með hlustunaraðstöðu og hætta jafnvel að nota þetta sem stofugræjur.

Ef sú verður raunin, þá kemur allt til greina í tækjum (innan skynsamlegra marka peningalega séð).<br><br>“They cost the same as ugly ones&#8217;” Ferruccio Lamborghini um einkaritarana sína þrjá…