Servo-15 getur verið yfirþyrmandi við þessi venjulegu skilyrði sem flestir búa við í meðal-stórum stofum. PW-2200 ætti að duga flestum nokkuð vel, og eins og þú varst búinn að hugsa út í, þá gera 2xPW-2200 það örugglega.

Marantz sr-7200 var eitthvað sem ég var að spá í á sínum tíma. Hann er frábær bíómagnari fyrir þennan pening og fannst mér hann álitlegri kostur en t.d. Denon og HK á sama verði. Það sem gerði útslagið fyrir mig var að ég hlusta 80% á tónlist en vildi samt hafa heimabíóið sem möguleika. Þá stóð ekki mikið eftir því að munurinn á getu magnara í stereo og surround mode er það mikill. Vincent SV-388 er hinsvegar mikill Stereo performer og gerði það útslagið. SV-382 hefði líklega dugað en ég fékk 388 á svo helvíti góðu verði.

Þetta með Bi-Wiring er, eins og kemur fram, deilumál. Ég hef ekki ennþá þorað að taka afstöðu en mér finnst ólíklegt að þetta hafi engin áhrif fyrst að margir virtir hátalara framleiðendur mæla með þessu. Þú ættir a.m.k. að prófa ef þú hefur tök á því að fá lánaðan bi-wire kapal af svipuðum gæðum og sá sem þú hefur núna.

Ef þú kaupir einhverntíman stærri magnara þá þarftu alls ekki stærri hátalara. Formúlan er einföld: Góður magnari getur hleypt lífi í lélega hátalara, lélegur magnari getur látið bestu hátalara hljóma illa. Einnig er gott að koma því að að öfugt við almennt álit þá er ólíklegra að kraftmikill magnari sprengi kraftlausa hátalara en öfugt. Þetta er vegna þess að þegar magnarinn hættir að orka aflinu sem til þarf þá “klippir” hann hljóðið þannig að álagið á hátalarana verður meira og verra.

Ég er persónulega þeirrar skoðunnar að magnari eigi að vera dýrasta græjan í stofunni. Monitor 11 hátalararnir verða seint flöskuhálsinn í þínu systemi hvað aflið varðar a.m.k. Hörku performerar og mjög öflugir miðað við verð. Þeir eigar reyndar til, eins og aðrir Paradigm hátalarar, að sprengja Tweeterinn. En það fellur undir ábyrgð frá framleiðenda hvort eð er og mér skilst að þar geti verið um að kenna öðrum hlutum en lélegri framleiðslu. Ég persónulega myndi láta þetta system sem þú ert með duga í nokkur misseri og reyna að “heyra” hvað gæti batnað og um leið mæta í græjubúðirnar og hlusta á High-end draslið þar.

Ég bý ekki það vel fjárhagslega að hafa ennþá getað keypt mér hátalara. Ég er með skítmixað samansafn úr geymslunni af allskonar drasli. Er núna að nota Samsung hátalara sem fronta og nota Proson miðju til málamiðlunar, augljóslega ekki hljómfögur blanda, en eins og ég sagði þá bjargar magnarinn því sem bjargað verður. Það er hinsvegar ekki langt í að ég skipti þessu djönki út og fái mér eitthvað skemmtilegt. Ég er búinn að vera með gamla danska ITT hátalara í gangi hjá mér líka, þeir hljóma sæmilega en bera ekki mikla örku.

En pælingin hjá mér er að taka kannski Dynaudio 42 allan hringinn eða að taka kannski Paradigm Studio 40 fronta og samsvarandi drasl hringinn í kring. Þar sem ég bý í Svíþjóð þá gefst mér einnig kostur á mörgum merkjum sem að íslendingar eru ekki mikið að pæla í; B&W hef ég hlustað á og þeir eru nettir, þó ekki nógu glærir fyrir minn smekk og heldur í dýrari kanntinum. B&W eru mjög vinsælir hér og telja Svíar það til mikils eðals að vera með B&W. Ég hef verið mikill aðdáandi Paradigm síðan að ég fyrst laumaðist inn í Hljómsýn fyrir mörgum árum síðan og tel ég þá vera það besta sem -500.000 kallinn kaupir. Monitor 11 eru stærstu (ef þú telur ekki með p90) monitor hátalararnir þeirra og hafa gefið góða raun. Næsta skref fyrir þig myndi væntanlega vera að fara í einhvern eðalinn sem liggur nær milljóninni fyrir 6.1 system í hátölurum. Magnarinn verður kannski það næsta sem þú skiptir út en áður en þú gengur það langt myndi ég mæla með því að þú kynntir þér Vincent mónoblokkirnar sem Hljómsýn selur einmitt. Ef þér finnst þig vanta kraft í framhátalarana þá geturðu alltaf sett eina mónoblokk fyrir framan hvorn til að auka aflið, sr-7200 keyrir svo restina einn og sjálfur, sem ætti að duga.

En eins og ég segi þá eru þetta miklar pælingar sem endalaust er hægt að rugla fram og til baka í ef maður nennir.