Lang best að nota MDF (medium density fiber). þetta er búið til úr einhverskonar pappa/sag massa, mjög þétt og gott efni sem auðvelt er að vinna. Færð það í Húsasmiðjunni og sjálfsagt á fleiri stöðum.

þú gætir samt þurft að styrkja eitthvað festingarnar á hillunni því svona box gæti orðið soldið þungt.

þú mælir fyrir boxinu og sagar svo efnið niður í réttar stærðir. Gott er að nota trélím á milli þegar þú skrúfar það saman, ekki negla það saman (hætta á að það gliðni í sundur með tímanum). Það er óþarfi að einangra boxið neitt að innan, en getur verið ágætt að setja kítti í samskeytin þegar þú ert búinn að skrúfa það saman (í gegnum hátalaragötin, sprautar því ofan í kverkarnar með kýttibyssu og smyrð með puttun til að þétta það vel). Ekki gleyma að gera ráð fyrir hátalarasnúrunum, best að bora fyrir þeim og draga í gegn áður en þú setur saman. Kýtta svo vel í kringum snúruna þegar hún er komin nógu langt inn í boxið. Ef þú vilt síðan að þetta líti snyrtilega út, þá er hægt að kaupa sprey lím (fæst líka í Húsasmiðjunni) og líma hátalara teppi á boxið. Ef þetta er vel gert er ekki hægt að sjá nokkurn mun á þessu og professional boxi.

Það er sennilega best fyrir þig að hanna þetta þannig að boxið komi í staðin fyrir hilluna aftur í bílnum, þ.e.a.s. þú skiptir henni út fyrir boxið.

Gangi þér vel