Einhvern tíman hljótum við nú að vita allt.

he got me there

Ég vil nú ekki vera að hrekkja þig en, ef ég skil þig rétt þá ertu að velta því fyrir þér veruleika sem við
annarsvegar ‘þekkjum’ og getum skynjað, og aftur á móti því sem við kunnum ekki skil á og höfum jafnvel
ekki burði í að skilja, sem er veruleiki engu að síður.

Mín túlkun á þessu hugtaki er sú að ef hluturinn er til þá er hann raunverulegur, það skiptir ekki máli
hvort við þekkjum ekki hlutinn eða vitum af tilvist hans, ef hann er til þá er hann til.
Annarsvegar ef eitthvað er óraunverulegt þá þýðir það á sama hátt að það sé ekki til.

Það er ekkert til sem heitir ‘yfirnáttúrulegt’, bara það sem við vitum í dag og það sem við komum til með að vita
seinna.

Nei það er rétt að orkan sem þurfti til þess að mynda fyrirbærið miklahvell hefur ekki verið mæld,því hefur
miklihvellur sem orkustærð ekki verið beinlínis skilgreind, aðeins eru til ágiskanir um stærð og massa alheimsins og
bara þær tölur eru svo stórar að erfitt er að koma þeim í mannlegann skilning.

Getur þú ímyndað þér EF við vissum hve mikla orku þurfti til að mynda miklahvell, hversu stór sú tala yrði í Joules?

Ef við byrjum á að reyna að klóra í yfirborðið á þessarri tölu þá getum við byrjað á að velta fyrir okkur
massa alheimsins, ef við viljinn er fyrir hendi þá getur hver fyrir sig reynt að velta fyrir sér öllum þeim
krafti sem knýr allann massan frá miðju alheimsins, svona er hægt að halda nær endalaust áfram og ég ætti
ekki að þurfa að segja þér það.
Þú veist sennilega að það er ansi erfitt að tiltaka allar breyturnar inn í þetta dæmi.

Einhverntímann var tekið var upp á því að tákna vegalend í tíma frekar en metrum, sbr. ljósár.
Í augnablikiu hef ég ekki hugmynd um hversu margir metrar eitt ljósár er, en mér finnst auðveldar að hugsa um ‘stjarnfræðilegar’
lengdir í ljósárum frekar en metrum.
Þá finnst mér þægilegt að vita að ljósið frá sólinni tekur um 8 mínútur að berast til jarðar og í samanburði
við það þá finnst mér aftur eitt ljósár vera óþægilega mikil vegalegd.
Ég hef heldur aldrei séð eina milljón tonna af dýnamíti sprengda en finnst betra að tala um megatonn
frekar en joule þegar talað er um kjarnorkusprengjur. Og einhverjum fannst greinlega að megatonn ættu ekki við
þegar talað var um miklahvell. Því var fundinn upp nýr mælikvarði (svona næstum) á orkumagnið sem þurfti til
að búa til Big Bang.

tómarúm er bókstaflega ekki neitt!

Nei, ekki tómarúm í þeirri merkingunni. Þetta er villa hjá mér að skilgreina ekki betur hvað ég var að hugsa.
Ef ( og þá EF! ) það var ekkert fyrir miklahvell, þá finnst mér í lagi að tala um tómarúm.
En mér finnst erfitt að hugsa til þess að heimurinn sé búinn til úr akkúrat engu.
Hvernig getur þú verið með rými ‘fyllt’ af engu?
Hvernig er hægt að vera með einn rúmmeter af engu?
Þarf að mæla tómarúm í lengdum?

Ég vil frekar tala um að heimurinn hafi verið algeru jafnvægi, að allt hafi verið sami hluturinn.
Miklihvellur hafi einungis komið á ójafnvægi (*) á þessum eina hlut . Myndað það sem við þekkjum sem hinn efnislega heim.
En sé það rétt þá hlýtur að vera til andsvar við honum. Þó við kannski þekkjum það ekki í dag (nema
kannski að hluta til sem andefni).

(* Augljóslega hlýtur miklihvellur þá að vera þetta ójafnvægi, en sama HVAÐ olli honum er ljóst
að það var aldrei algert jafnvægi).


Þessi óskilgreindi hlutur sem ég á við þegarég tala um jafnvægi er það sem þú færð þegar mishleðsla allrar
orku í öllum heiminum heyrir sögunni til.
Þegar þú hefur sameinað til dæmis allt efni og allt andefni.
Ég er að tala um ‘byggingarefnið’ sem heimurinn er búinn til úr. Tómarúmið sem við viljum meina að sé til dæmis
geimurinn (nánar tiltekið ALGERT lofttæmi)held ég að sé einungis hlutur sem viðhöfum ekki komið auga á og höfum ekki skilgreint.
Til dæmis þarf öll orka í heiminum einhversskonar miðil, eins og hljóð þarf t.d. loft.
En rafsegulbylgja virðist geta ferðast um geiminn án miðils og það sama gildir um segulkraft(sumir vilja þó meina
að rafsegulbylgja sé bæði eind og hreyfing samtímis).
Ef við hugsum okkur tvær rafeindir, sem geta haft áhrif hvor á aðra þá er magnað að hugsa um hversu langt er í raun
á milli þeirra því þær eru svo langt hver frá annarri miðað við stærð að þær koma aldrei til með að rekast hvor á aðra.
Bara krafturinn sem orkar á milli þeirra.
En HVAÐ er þessi kraftur. Hvað er í milli rafeindanna? Varla tómarúm? Varla ekkert?

Hvað vilja menn kalla það, er ekki til betra nafn en ‘ekkert’ ?

Mér finnst sömuleiðis líklegt að það hafi eitthvað verið til fyrir miklahvell.
Ég hefði gaman af því ef þú gætir skýrt nánar hvaða orku þú talar um að sé til í ‘tómarúminu’, ég er samt ekkert að biðja þig um fullkomið svar.