Krónus og Satúrnus eru hliðstæður í grískri og rómverskri goðafræði.
Annars er þetta voðalega ruglingslegt allt saman.

Btw, http://www.myastrologybook.com/SaturnGoya450w20q.jpg
Mynd eftir de Goya af Krónosi að borða börnin sín.

Það sem ég var að segja var að í grískri goðafræði spratt Gaia, jörðin, upp úr Kaos og eignaðist með sjálfri sér himininn, Úranos. Síðan eignðust þau saman Kýglópana og Títanana, þar á meðal Títaninn Krónos.

Úranos steypti Kýglópunum niður í Tartaros, undirheiminn, og við það fékk Gaia títanana til að gera uppreysn gegn Úranosi, undir forustu Krónosar. Krónos lét síðan steypa Úranosi niður í Tartaros og tók yfir heiminum sjálfur.

Því var síðan spáð fyrir honum að sonur hans myndi steypa honum af stóli og leika sama leik og hann hafði leikið við Úranos. Til að koma í veg fyrir það gleypti hann börnin sín sem hann eignaðist með systur sinni Rheu.

Þegar Krónos hafði gleypt fimm börn vafði Rhea steini inn í reifar og forðaði barninu. Þetta barn var Seifur. Hann ólst upp einhverstaðar lengst í burtu og þegar hann var orðinn fullorðinn fór hann og lét pabba sinn spýta út úr sér sistkynum sínum.

Fyrst kom steinninn og hann lennti í Delfí og far talinn, samkvæmt grískri goðafræði, miðja heimsins (þó grikkir hafi síðar vitað betur :)). Síðan komu sistkyni Seifs, þau Pósedon, Hades, Hera, Demeter og einhver ein önnur (sem var ekki talin til ólympusguðanna). Þeir (Pósedon, Hades og Seifur) steyptu Títönunum niður í Tartaros, þó Atlas hafi “fengið” að halda Úranosi, himninum, uppi og einhver annar var gerður að “hinum mikla útsæ” sem umkringdi Gaiu.

Seifur varð svo drottanri himinsins (og jarðarinnar í leið), Pósedon Hafsins og Hades undirheima.


Þetta er sköpunarsaga grískrar goðafræði og leið hluta af ólympusguðanna til valda (hinir voru afkvæmi þessara fjögra).

Síðan sagði ég "Reyndar er það í grískri, allavega líka í grískri." þar sem Rómverjar tóku meira og minna upp gríska trú með smávægilegum breytingum, á nöfnum og fleiru, en þar sem ég hef ekki lært Róverska goðafræði þá veit ég ekki hvort sköpunarsagan sé eins.


Allavega, þá kom þetta upphaflega úr grískri goðafræði, burt séð frá því hvort pláneturnar heiti eftir rómversku guðunum eða ekki.