Þetta er rétt, eina vandamálið er kannski ef einhver flytur út sem samþykkti hundinn og aðilinn sem flytur inn gæti verið á móti hundahaldi í blokkinni. Ég veit ekki hvort þú þyrftir þá að losa þig við hann eða hvort þú hefðir enn rétt til að hafa hann þar sem allir voru samþykkir í byrjun.
Systir mín bjó í blokk og fékk leyfi hjá öllum íbúunum til þess að hafa hund. Nokkru seinna fékk annar íbúi í blokkinni sér hund. Sá hundur gelti endalaust og olli miklu ónæði og svo fór að allt dýrahald var bannað þar og þeir sem áttu hund eða kött urðu að losa sig við dýrið eða flytja. Það þarf víst ekki meira en einn aðila til að skemma fyrir öllum hinum.
Kv. T

Ég myndi byrja á því að eyða einu kvöldi eða svo í að rölta á milli íbúða og athuga hvað þau hafa um það að segja.

Ég bý í fjölbýli og það er einn hundur hérna í húsinu sem er algert yndi. Rosalega fallegur og skemmtilegur og besta af öllu heyrist ekki múkk í honum.

Aftur á móti þá var hundur í pössun í annari íbúð í rúma viku og hann gelti og gelti og gelti allan daginn !!!! Maður vaknaði við hann á morgnanna og heyrði í honum allan daginn. Það var gjörsamlega óþolandi.

Strákurinn sem á hinn hundinn sagði að hann hefði valið sér hund með það í huga að hann væri hljóðlítill. Við erum einmitt í hundahugleiðingum (ekkert ákveðið bara svona að pæla) og erum að kynna okkur hinar og þessar tegundir og að leita að hljóðlitlum hundi.

Ef þú myndir t.d segja íbúunum að þú værir að hugsa um tegund sem er vitað að er hljóðlítil þá er ég viss um að þeir tækju betur í þetta. Gætir þá allavega talið þá á reynslutíma og ef hundurinn hagar sér vel og íbúarnir verða ekki varir við hann þá get ég ekki ímyndað mér að þeir muni gera annað en að leyfa þér að vera með hann.

En svo er aftur á móti alltaf fólk sem er alfarið á móti dýrum, þá er bara spurning um að flytja ;-)

Kveðja,
Kisustelpan

hæhæ
endilega prófaðu að spurja fólkið inni í hrfí, dýralækna eða einhvern sem er með þetta alveg á hreinu hvort það sé hægt að þinglýsa leyfinu eftir að þú ert búin að fá leyfi hjá öllum, ég veit að sumsstaðar á landinu og í sumum tilfellum er það hægt. þannig að t.d. ef skipt er um eigendur þá geta þeir ekki farið að bitcha yfir voffanum vegna þess að þeim er gert grein fyrir því að það sé hundur í húsinu. og ef hundahald yrði bannað í blokkinni þá er þinn hundur samt með sitt leyfi fyrir og ekkert hægt að gera við því. ég er nokkuð viss um að þetta er til í dæminu sko ef ekki þá bara sowy ég eitthvað að rugla ;)
kv. Pooh