Hótelerfinginn, Paris Hilton, fékk þyrluflugmann sinn til þess að nauðlenda þyrlunni á túni í Þýskalandi þar sem hún þurfti nauðsynlega að komast á klósettið, að því er fram kemur í breska tímaritinu More.

Var Hilton svo mikið mál að hún fékk öryggisverði sína til þess að standa vörð um salerni á bóndabænum þar sem þyrlan lenti og fékk fjölskyldan sem býr á bænum ekki að nota eigið salerni.

Samkvæmt tímaritinu komst þyrlan ekki í loftið aftur fyrr en hún var búin að fá sér sígarettu.