Pink á Íslandi


Tónleikar poppstörnunnar Pink í Laugardalshöllinni hinn 10. ágúst verða hluti af tónleikaferð hennar um Evrópu í sumar, að sögn Gústafs P.S. en fyrirtæki hans Lightning Promotions skipuleggur tónleikana.
“Hún mun koma hingað og stoppa í nokkra daga en halda eftir það áleiðis til Genfar þar sem hún spilar næst. Hana langar til að skoða sig um hérna og skemmta sér. Hún hefur heyrt að það sé svo gaman að djamma hér,” segir Gústaf sem segist einu sinni hafa talað við hana.

Miðasala á tónleikana mun hefjast hér um mánaðamótin apríl-maí, að sögn Gústafs. “Hún kemur hingað með rokkhljómsveit, helling af dönsurum og verður með mikið ljósashow.”