Ég held að það færi algjörlega eftir því hversu miklu var hnuplað og hvort viðkomandi hefði verið tekinn áður.

Héraðsdómur Norðurlands Eystra setur dómana á <a href="http://www.hdne.is/">netið</a> og þar má t.d. finna strák sem stal flösku af áfengi úr sjallanum og þrátt fyrir að hann væri á skilorði fyrir annað þjófnaðarmál var ákveðið að setja hann ekki í steininn heldur á hann að borga 20 þús. í sekt eða sitja inni í 3 daga.

Stelpa sem vann á kassa í búð og náðist við að setja vörur framhjá skanna að verðmæti rúmar 20 þús. kr. fyrir vitorðsmann sinn sem fór með þær heim var ekki dæmd og ekki vitorðsmaðurinn heldur. Þeirra refsingu var frestað í 2 ár ef þau halda skilorð.

Ein stelpa var dæmd í 4 mánaða fangelsi skilorðsbundið til 3ja ára fyrir að stela GSM síma, 6 videospólum, 3 geisladiskum, 7 DVD diskum, geislaspilara í bíl og einu sokkapari úr ýmsum verslunum yfir nokkurra mánaða tímabil. Samt var hún líka með fyrri afbrot á bakinu en það var talið henni til refsilækkunar að hún játaði sem ég held að Winona blessunin hafi nú ekki gert.

Það er oft hægt að fá minni refsingar og meira skilorð með því að játa og iðrast og lofa bót og betrun þannig að oft lenda þeir sem eru dæmdir saklausir í meira fangelsi því þeir játa ekki.