Eins og flestir vita þá eignaðist Britney Spears sitt fyrsta barn á seinasta ári. Hefur það verið umræðan á kaffistofum heimsins seinustu 7 árin hvort að hún hafi verið í raun hrein mey og hvenær hún myndi þá missa meydóminn. Flestir hafa bara heyrt þessar stuttu línur um málefnið án þess að vita alla söguna. Málið er að Britney Spears er fædd og uppalin í smábænum Kentwood í Louisiana, um klukkutíma akstur norður frá New Oreans. En slíkir smábæir í suðurríkjunum eru þekktir fyrir að vera mjög íhaldssamir meðal annars í því að allir vita allt um alla og allir fara í kirkju á sunnudagsmorgnum (eins og við Íslendingar þekkjum best úr The Simpsons). Önnur hver stelpa á þessum slóðum virðist reyna að halda í meydóminn, eða allavega halda því fram fyrir fjölskyldunni og öðrum bæjarbúum.

Sá sem veit meira um hana Britney Jean Spears Federline en flestir veit einnig að hún er mjög trúuð manneskja og hefur verið það alla tíð, en þá dag í dag fer hún reglulega í kirkju og hefur bænastund með dönsurunum sínum áður en hún heldur tónleika. Slíkt bendir til þess að hún hafi frekar í raun haldið í meydóminn heldur en að ljúga um hann, ekki nema sterka trú hennar hafi einnig verið blekking. Það er samt frekar langsótt og ég veðja frekar á hitt. En núna er hún gift og frjáls til þess að stunda kynmök eins oft og henni langar með rapparanum K-Fed, betur þekktur sem eiginmaður hennar Kevin Federline. En hefur Britney tekið skrefið eða er það orðið þráhyggja hjá henni að halda í meydóminn áfram eftir “rétta augnablikinu” seinna í hjónabandinu? T.d. á 10 ára brúðkaupsafmælinu.

Flestir reikna með því að hún sé ekki hrein mey vegna þess að hún er búin að eignast sitt fyrsta barn. En staðreyndin er sú að það er mögulegt fyrir konur að eignast börn þó þær hafi ekki stundað kynlíf, þá er ég ekki að tala um að ættleiða heldur að fæða eigið barn. María mey eignaðist barn án þess að stunda kynlíf, sem hún seinna skírði Jesú. Getur verið að Sean Preston sonur frægustu poppstjörnu heimsins sé í raun Messiah? Eða getur verið einfaldari útskýring eins og að Britney hafi farið í tæknifrjóvgun? Mér finnst allavega rangt af okkur að stökkva að þeirri niðurstöðu að hún hafi misst meydóminn, slíkar staðhæfingar gætu haft alvarlegar afleiðingar meðal annars í plötusölu hjá Spears / Jive Records. Ég mun allavega persónulega halda áfram að trúa á heilaga hreinleika hennar Spears og mun eyða öllum þeim greinum eða þráðum hér á Fræga Fólkið sem segja annað. Lengi lifi Spears og sonur hennar Messiah!