Það fer eftir hvað þú vilt gera næst. Ef þú vilt fara út í að búa til forrit með viðmóti þá er tilvalið að skoða C# .NET.

Visual Studio bíður upp á Design sjónarhorn þar sem þú getur dregið takka inn á form, keyrt fall ef smellt er á takkann, o.sfv.

En ég mæli sterklega með því að æfa þig eins lengi og þú getur með console forrit til að fá grunninn á hreinu.

Með grunninum þá á ég við að þú getir gert a.m.k.:

Kunna á flest gagnatög, þá aðallega: int, string, double, float, boolean og char.

Kunna á virkja (e. operators), eins og: ||, &&, >, <, >= og <=

Kunna á if setningar, eins og:

Skilja umfang (e. scope)

Kunna á fylki, taka frá margar tölur eða tákn.

Kunna á föll:
Búið til fall.
Búið til fall sem skilar einhverju.
Búið til fall sem tekur á móti einhverju.

Og svo væri ekki verra ef þú myndir kíkja á klasa og æfa þig með hlutbundna forritun.

Ekki hafa miklar áhyggjur að kunna allt strax, þetta kemur með tímanum ef þú æfir þig og hefur áhuga á þessu.

Lestu bara the art of computer programming eftir Donald Knuth…

Þegar þú ert búinn að þvi ættirðu að vera góður…

Þú ert kominn yfir fyrstu hindrunina, þ.e. þú beittir frumkvæði, lærðir eitthvað nýtt og vilt nú læra meira. Vel gert! (Alvöruhrós!). Mér þykir þetta benda til þess, að þú getir hafist handa við eftirfarandi tvö lykilskref í átt að almennri færni:

Lærðu að hugsa (betur). Þetta er bæði skemmtilegt og krefjandi verkefni. Í grunnskólum er nemendum mjög sjaldnast kenndur sá hlutur, sem þeim myndi einna helst gagnast, nefnilega að hugsa. Í því felst meðal annars að geta svarað flestum sínum spurningum á eigin spýtur, t.d. með hjálp leitarvéla og kennslubóka. Til að læra að hugsa er gott að

* Læra meiri stærðfræði (pdf; bók um stærðfræði fyrir tölvunarfræðinema).
* Leysa skemmtilegar þrautir, bæði með forritun og stærðfræði.
* Spyrja spurninga og reyna að svara þeim sjálfur. Vertu gagnrýninn og reyndu, til gagns og gamans, að átta þig á bestu lausnum ólíkra vandamála.
* Hlusta á Feynman og lesa þessa bráðskemmtilegu bók.
* Gera/læra eitthvað nýtt og bregða út af vananum á hverjum degi. Það skiptir ekki höfuðmáli hvað það er, svo lengi sem það er nýtt.

Miðstýring mannlegra hæfileika fer í gegn um heilann, æfing í íþróttum felst í því að þjálfa heilann, líkamann og samhæfingu þar á milli. Æfing í hugsun felst e.t.v. frekar í því að þjálfa ólíka hluta heilans og samhæfingu þeirra. Þjálfun felur svo fyrst og fremst í sér markvissa notkun þess sem þjálfa skal!

Lærðu meira um tölvur og forritun. Hérna er úr nógu að velja. Ég mæli með því að setja upp eitthvað einfalt Linux kerfi eins og Ubuntu, læra að nota vim, bash o.fl. til þess að átta þig fyllilega á þeim ótal möguleikum sem um er að ræða. Þú munt fljótlega átta þig á því að meðal áhugaverðustu og merkilegustu forrita á tölvunni þinni eru forrit sem teikna aldrei neitt, eða mjög lítið á skjáinn þinn, og eru mest notuð í skel (shell/console/terminal) - og þú hefur líklega aldrei heyrt um! Þeirra á meðal eru þýðendur fyrir forritunarmál (gcc), túlkar fyrir forritunarmál (python, ruby), þýðendur til að búa til aðra þýðendur (yacc, lex), gagnasafnskerfi (postgresql), forritanlegir textaritlar (vim, emacs) og heilmargt annað.


Ég óska þér góðs gengis.