Mjah, mesta hallærið við þetta er nú það að Microsoft leyfir ekkert hverjum sem er að þýða þetta. Apple (og ég tala nú ekki um Linux) hefur einmitt fengið ótrúlegustu þýðingar svo fljótt í gegnum tíðina, af þeirri einföldu ástæðu að umboðsaðilar út um allan heim geta séð um þýðinguna sjálfir.
Það, að það þurfi að díla eitthvað sérstaklega um þýðinguna við Microsoft er bara enn eitt markaðslega hryðjuverkið þeirra. Allir ættu að geta þetta, og þá hefði menntamálaráðuneytið kannski ekki þurft að punga út þessum milljónum fyrir eina, skitna, böggaða útgáfu af Windows sem mun aldrei uppfærast.
KDE í skólakerfið… veistu, nei. ;) Það er verið að kenna fólki á Office og svoleiðis. MacOS hefði þó verið betri möguleiki (enda virðast Mackar endast miklu betur heldur en PC vélar af nokkrum ástæðum), en þó hefði kostnaður við að breyta *öllu* *strax* yfir í MacOS auðvitað verið hlægilegur.
Annars sé ég nákvæmlega enga forsendu fyrir því að allt skólakerfið noti sama stýrikerfið. Ég tel þetta ekki skipta það miklu máli. Það sem er verið að kenna fólki í skóla á tölvur er meira eða minna nákvæmlega eins á Windows/MacOS/Linux/Whatever.
En svona klúður eins og Windows 98 á Íslensku, gerist nákvæmlega þegar jakkalakkar eru setnir í tæknimál. Það er bara gert EITTHVAÐ, og svo ekkert pælt í því meir.
Ég hef verið að gera við tölvuna hjá tengdaforeldrum mínum annað slagið, bara smá lagfæringar, hún er orðin alveg ægilega slöpp þessa dagana og rétt nær að opna einföldustu hluti með herkjum. Hún mátti muna sinn fífil fegurri þegar hún bar með stolti windows 98 undir sínum 200 Megariðum og “Krassaði” bara af og til, en eftir að hún komst í kynni við Windows 98 á íslensku fór að halla undan fæti, smám saman fór allt að mora í “ólöglegum aðgerðum” og smám saman fór mig að gruna að þetta stýrikerfi væri gallagripur. Nú er ég fullviss um það og get ekki annað en furðað mig hvers vegna í ósköpunum það var verið að gefa fólki sem er ekki á sínum sterkasta velli í enskunni þær vonir að það gæti fengið þetta allt á íslensku, það er ekkert að þýðingunni sem slíkri fyrir utan asnaleg orð á stangli. Meira segja þegar komin er önnur útgáfa af þessum stýrikefris hrærigraut, er ekki einu sinni verið að hafa fyrir því að nútímafæra það til win xp kynslóðarinnar, nei enn er haldið fast í win 98 með öllum sínum göllum. svei.
Hugi notar vefkökur til að bæta notendaupplifun á vefsíðunni og greina umferð um hana.
Einnig hefur Hugi uppfært persónuverndarstefnu sína.