Svona svona, ég er ekkert að æsa mig neitt. Ég get bara alls ekki fallist á það sem þú ert að væna mig um. Ég myndi fallast á það ef það væri rétt. Finnst þér virkilega að ég sé að halda því fram að kóðinn minn sé of góður til að það megi finna í honum villur eða að finna að honum? Ég var bara mjög feginn að fá ábendingarnar um villurnar og leiðrétti samkvæmt því. Það sem ég er hins vegar ekki sammála eru þær meiningar sem þú ert með um hvaða skoðanir ég hafi og ég sé ekki nógu mikið svona eða hinsegin, eins og þér finnist ég eiga að vera. Það er einfaldlega rangt hjá þér að ég sé að kenna utanaðkomandi þáttum um að kóðinn keyri ekki. Ég var aðeins að benda á það sem mér datt í hug þá stundina. Og þar sem kóðinn virkaði hjá mér, þá sá ég ekki neitt þá stundina, sem gæti verið rangt í honum. Það að ég sá ekkert þá stundina, í mínum kóða, þýðir ekki að ég haldi að það geti ekki leynst í honum villur.

Það er frekar langt síðan ég setti upp gmp.h hjá mér, en mig minnir að ég hafi þurft að vésenast smá til að fá það til að virka á tölvunni hjá mér. Þú hlýtur að kannast við slíkt. Það þýðir ekki að kóðinn minn sé óaðfinnanleg snilld, alls ekki. Og það þýðir heldur ekki að gmp.h hafi í sér villur eða forritararnir þar hafi gert mistök. Það er bara oft þannig að þegar maður er að setja upp viðbætur og slíkt að það þurfi að stilla hlutina inn og sigta saman ólík forrit. Það þýðir ekki að forritin sem slík séu léleg, eða það að kóðinn minn sé gargandi snilld, alls ekki, það þýðir bara að í raunveruleikanum rekst maður stundum á hnökra sem fylgja flóknum kerfum.

Vonandi ferðu nú að átta þig á því að ég er ekkert að kenna örðu, eða öðrum, um að þetta hafi ekki keyrt. Ég les sjálfur “coding horror” bloggið, og hafði þá þegar lesið þessa færslu þegar hún kom fyrst inn. Þannig að þú ert nú soldið að messa yfir kórnum hérna, og þarft ekkert að sannfæra mig um eitt né neitt. Þú varst einfaldlega að mistúlka eða misskilja það sem ég var að segja, og ég ætla ekkert að fara að játa á mig eitthvað rugl sem ég á ekkert í, sama hve endalaust þrjóskulega þú nauðar í mér um að viðurkenna einhverja vitleysu. Sorrý félagi, það mun bara ekki gerast.