Skarsnik fyrir 22 árum, 10 mánuðum Fjöldi lestra: 1599

Microsoft .NET og Visual Studio.NET FINAL

Jæja,

Þá er loksins komið að því! Microsoft .NET frameworkið og nýji Visual Studio.NET pakkinn er tilbúinn! Allir geta downloadað .NET frameworkinu frá msdn.microsoft.com og MSDN áskrifendur geta sótt Visual Studio.NET þaðan :)

Þeir sem ekki vita hvað þetta er, þá í stuttu máli er .NET nýtt keyrsluumhverfi frá Microsoft. Eins og er keyrir þetta á Windows á bíður uppá managed umhverfi fyrir mörg forritunarmál, en einnig bíður .NET uppá glænýtt forritunarmál, C#, sem er nokkurskonar afsprengi C++ og Java.

Inní þessu er líka ASP.NET sem muna taka við af gamla ASP. ASP.NET bíður uppá þýddan kóða í keyrslu, alvöru hlutbundna forritun (erfðir t.d.) og MARGT fleira.

Allt sem keyrir undir .NET á það sameiginlegt að nýta sér “.NET frameworkið” sem er mjög stórt klasasafn sem muna taka við af hinum ýmsu APIum sem fólk hefur hingað til verið að forrita á móti, svo sem MFC, Windows 32 API (:P) o.flr. Og sem dæmi þá getur ASP.NET nýtt sér þetta allt.. t.d. er hægt að smíða Telnet client í ASP.NET, tja, eða myndvinnsluforrit :)

Allavega, ég vona að fólk muni kynna sér þetta vel þar sem um mikla framför og þægindi fyrir forritara er að ræða.

Einnig fyrir Linux fólk, þá er Ximian að vinna að .NET framework fyrir Linux og eru þeir komnir með sjálf-þýðandi C# þýðanda :)
Heimasíðan hjá því projecti er http://www.go-mono.com

ECMA er búið að staðla C# og .NET og má hver sem er skrifa þýðanda fyrir C# án þess að borga Microsoft neitt, þannig að ég held að þetta muni verða töluvert útbreytt mál.

ask fyrir 22 árum, 10 mánuðum

kúl, nú er bara að fara fikta í asp.net

Fyrra álit

Skarsnik fyrir 22 árum, 10 mánuðum

Búinn að vera að því í rétt um ár :) er að klára nokkuð stóran verslunarvef í ASP.NET.

ASP.NET er mjög fínt, en margir gætu átt í smá veseni með að komast inní ADO.NET, það er töluvert öðruvísi en gamla ADO, en töluvert betra þegar maður er búinn að læra inná það :)

Og já, eitt smá innskot, DirectX 9 verður með managed layer fyrir .NET :)

Fyrra álit

ask fyrir 22 árum, 10 mánuðum

það er nátturlega orðið skemmtilegra þegar Asp klassarnir (VbScript) geta farið að erfa og eru nálgast OOP meira en þeir gerðu.

Fyrra álit

Skarsnik fyrir 22 árum, 10 mánuðum

VbScript er dautt, búið, fínító, ekki einu sinni supportað í .NET :) nú forrita ég allt asp stuffið í C# :) ASP.NET er ekki “nálgun” í OOP, heldur 100% implementation á því :)
Þú skrifar alveg sama málið í ASP.NET og þú gerir t.d. í .NET gluggaforritum :)

Einnig er VB.NET farið að styðja fjölþráða vinnslu o.flr. :) Flest .NET máli styðja alveg það sama og er þetta orðið meiri spurning um hvaða syntax þú fílar að skrifa heldur en mikinn mun í hraða (C# er þó aðeins hraðara en VB.NET)

Eins og er kanski hægt að sjá á öllum brosköllunum í þessu svari, þá er ég mjög ánægður með .NET, it sure made my life easier :D

Fyrra álit

[Notanda eytt] fyrir 22 árum, 10 mánuðum

Ég er alveg logandi hræddur við þetta, ef ég á að segja alveg eins og er. Það má vel vera að það sé æðislegt að forrita í þessu. Það er líka æðislegt að forrita í Java, og mörgum finnst æðislegt að forrita í Visual Basic.

Það er allt gott og blessað. En mönnum hefur ekki tekist að benda mér á neitt í þessari .NET pælingu sem hefur ekki verið til staðar heillengi. Það getur verið vanmáttur manna til að útskýra þetta fyrir mér, en þetta er allavega það sem ég hef að segja eins og það er núna.

Geta forritað í hvaða máli sem ég vil… bíddu, síðan hvenær var það ekki hægt? Einhver benti á að það væri líka hægt í vefsíðumm með þessu, og aftur… hvenær var það ekki hægt? Það hefur bara ekkert reynst praktískt að vera með vefsíður í þýddum kóða þó það hafi nánast alltaf verið mögulegt.

Nýtt API… það er reyndar enginn skortur á APIum á neinu stýrikerfi sem ég veit um, nema kannski BeOS og QNX, en þess má geta að ég þekki það bara ekki. Það er alveg löngu kominn tími til að skipta út MFC, enda margfalt flóknara og óþjálla heldur en það þyrfti að vera.

Svo skilst mér að smáa letrið í þessum Ximian pælingum hafi ekkert verið á þá leið að Linux samfélagið ætti að fagna. Fyrirgefið “fordómana”, en það kæmi mér mjög á óvart ef þær óáreiðanlegu heimildir reyndust rangar. Það er eina reynslan sem ég hef af Microsoft, og Microsoft vinnubrögðum, frá því að ég kynntist vörum þessa fyrirtækis fyrst.

Ég vil ómögulega mála skrattann á vegginn… ég vil hinsvegar benda á það að það *er* skratti á veggnum, óháð því hvort einhver málaði hann eða hvort hann klifraði þarna upp sjálfur. Getur einhver sagt mér nákvæmlega hvað á að vera nýtt og betra við þetta .NET fyrirbæri, fyrir aðra en Windows-menn?

Fyrra álit

Skarsnik fyrir 22 árum, 10 mánuðum

“Getur einhver sagt mér nákvæmlega hvað á að vera nýtt og betra við þetta .NET fyrirbæri, fyrir aðra en Windows-menn? ”

Well, byltingin er náttúrulega aðallega fyrir Windows-menn :) um er að ræða mikil aukin þægindi fyrir forritara. T.d. er nú hægt að vinna með forritunarmál á borð við C#, sem hefur (næstum) hraða C++ í RAD-umhverfi líku því sem Visual Basic fólk þekkir mjög vel.
.NET frameworkið er auðvitað skrifað mikið með Windows í huga og í fljótu bragði gæti ég ímyndað mér að það sé mjög erfitt eða ómögulegt að spegla sumt af því yfir á Linux eða önnur platform.

Þegar ég sagði að þú gætir skrifað í (næstum) hvaða forritunarmáli sem er átti ég við innan sama keyrsluumhverfis, s.s. hægt er að skrifa forrit sem er kanski skrifað í 3 mismunandi forritunarmálum. Ég get sosem ímyndað mér að það yrði ekki oft gert nema í stórum verkum, en það sem mér finnst gott við það er að þetta færir meira saman fólk sem fílar mismunandi forritunarmál t.d. Java, C++ eða VB, undir sama hatt. Nú þurfa VB forritara ekki lengur að dreifa sínum .dllum til að VB forritin keyri, svo lengi sem þú ert innan .NET er allt að skrifa á móti .NET frameworkinu (eða componentum). Bottom line, munur á forritunarmálum er bara orðinn syntaxinn (in theory, það er einhver munur á keyrsluhraða en víst mjög lítill og verður líklega enn minni með betri IL þýðendum), s.s. allir hafa sömu tól til að vinna með :) t.d. verður DirectX 9 með managed layer fyrir .NET og í dag er alveg hægt að skrifa á móti DirectX með wrapper klösum sem sjá um benda o.flr. S.s. þegar DirectX 9 kemur er það fyrir allt .NET, ekki bara C++ o.s.frv.

Ég vona að þú sért enn með og ég sé að gera mig nógu skiljanlegan :)

S.s. það sem .NET færir okkur Windows fólki (fyrir utan framfarir sem koma með C#) er m.a.
* Minni þróunartími vegna betri tóla og sameiginlegs keyrsluumhverfis. T.d. ætla margir C++ forritara yfir í C# og nota VB-legu viðmótstólin þar. Það er líka C++.NET sem er managed en það er víst hálfgerður bastarður :P
* ASP.NET sem er bylting í vefforritunarmálum.
* Innvæðing vefþjónusta (Web Service) á mjög einfaldan máta. Þarft ekki lengur að skrifa þín SOAP köll og WDSL skrár sjálfur.
* ADO.NET með miklar framfarir í hraða, viðmóti við SQL Server (processar TDS straum beint í staðinn fyrir að fara í gengum ODBC eða eitthvað annað) og frábær XML tól.
* Visual Studio.NET er kapítuli útaf fyrir sig. Þetta er þægilegasta IDE sem ég hef unnið í og gerir margt fyrir mann, t.d. smíða proxy/wrapper klasa fyrir utanaðkomand vefþjónustur. Þú kallar þá bara í þær vefþjónustur eins og aðra methoda.
* CLR (Common Language Runtime) sem er hið eiginlega keyrsluumhverfi í .NET og er um að ræða managed umhverfi. Sem sagt garbage collector og margt fleira.
* Og margt margt fleira.. það er eiginleg erfitt að lista upp allt það góða í .NET :)

Þannig að til að svara spurningunni þinni í stuttu máli varðandi hvað er “nýtt í .NET”: ALLT.. fyrir forritara er þetta algjör bylting og fyrir hinn venjulega notanda mun þetta skila sér í betri forritum :)

Jæja, held þetta sé komið gott í bili ;)

Fyrra álit

[Notanda eytt] fyrir 22 árum, 10 mánuðum

Þakka þér fyrir greinargóða útskýringu. :) Það er hreint út sagt helvíti að reyna að finna einhverjar haldbærar upplýsingar á nokkrum Microsoft vefum, en reyndar verð ég að viðurkenna að ég hef alltaf verið eins og mús á Mýrdalsjökli hvað varðar svona stóra fyrirtækjavefi. Maður þarf eiginlega að vita fyrirfram það sem maður ætlar að leita að, bara til að vita í hvaða categoríu og solliz það er. ;)

Já, ég bíð bara eftir að sjá Java2C# eða C#2Java, vegna þess að mér skilst að þetta sé meira eða minna nákvæmlega sama pælingin. Hvað varðar hraðann… þá kenningu að þetta sé álíka hratt á C++ forrit, það þarf ég að sjá í virkni áður en ég trúi því, ef þetta er keyrt á eiginlegri sýndarvél, sbr. Java. Ef ég er að skilja þig rétt, sem ég er ekkert viss um að sé tilfellið.

Ég endurtek það sem ég segi oft, að ég hef aldrei séð Microsoft gera eitthvað “nýtt” í sýnum stýrikerfamálum sem er ekki löngu komið í UNIX og/eða Mac heiminum eða er einfaldlega vitagagnslaust. Það skal ég þó viðurkenna að ég hlakka til að sjá þetta. Hver veit, kannski maður fari að nenna að forrita fyrir Windows.

Fyrra álit

Skarsnik fyrir 22 árum, 10 mánuðum

Gott að þú hafðir eitthvað gagn (og kanski gaman) af :)

Jú það er rétt að CLRið er í raun sýndarvél mjög lík í grunvallaratriðum því sem Java er með. Og eitt enn, Microsoft er að koma með viðbótarmál inní Visual Studio.NET, og er það komið í Release Candidate og hægt að downloada frá þeim, en þeir kalla það Visual J# sem er í raun Java fyrir .NET :)

Og í sambandi við að Microsoft komi aldrei með eitthvað “nýtt”.. well, hver gerir það? ég held nú að flestir séu að byggja á hugmyndum og reynslu eldri kerfa/hugmynda, þetta er allt þróun og í raun aldrei byrjað uppá nýtt á einhverju, ekki satt? :)

Ef þú vilt kynna þér .NET meira, þá er slatti af texta á www.microsoft.com/net/ og ættir þú að geta fundið meira útfrá því :)

Ef þú vilt kynnast C# málinu kíktu þá t.d. á www.csharphelp.com sem er með mikið af góðum greinum og dæmum.

Svo eru hérna nokkrir auka linkar í lokin ;)

www.gotdotnet.com
www.dotnetjunkies.com
www.ngcode.com
www.asp.net (fullt af linkum þar)

Fyrra álit

Carvel fyrir 22 árum, 10 mánuðum

hvað varðar Java2C# þá áttu ekki eftir að þurfa e-ð í þeim dúr.
Microsoft hefur nefnilega kynnt J# sem er java útgáfan af C#.
http://msdn.microsoft.com/visualj/jsharp/beta.asp
það sem er náttúrulega fyndið við þetta er að

J# er sammt nánast jafn langt frá því að vera Java og C# þar sem að það hefur ekki stærsta kostinn við Java, þ.e. að vera cross platform keyrandi.

J# /C# mun áreiðanlega ekki keyra á linux fyrr en eftir dúk og disk og hvað þá á solaris eða macOS.

Það er gallinn við þetta plott microsofts.

Plottið í hnotskurn var s.s. að búa til “gott platform” fyrir serverside hugbúnað og þróun hans, sérstaklega í ljósi þess að SUN með sínar hugmyndir og umhverfi var gersamlega að sigra Microsoft í þessu. Því næst gerir Microsoft allt sem þeir geta til að gera Java lífið leitt, t.d. að hætta að dreifa JVM með windows stýrikerfunum.

Platformið .net inniheldur 2 nýjar útgáfur af java, þ.e. C# og J#, þær eru báðar settar fram til þess að heilla þá sem nú heillast af java.

Það að C# forrit sé jafn hraðvirkt og c++ á ekki við nein rök að styðjast. En það er eðlilegt að halda því fram því jú meiri hlutinn af því sem að keyrir C# forritið, er skrifað í C++. þ.e.a.s. sýndarvélin (VM) sem keyrir C# forrit eru skrifuð í c++, svo og flestir þeir componentar sem keyra með því (viðmótshlutir, activeX, ADO etc.). Það er hægt að fá VM fyrir Java sem skrifuð er í C++ t.d. Jikes, með henni má að ég held 5 falda keyrsluhraða sumra Javaforrita, en alls ekki allra.

Hversvegna ætti maður að vilja vera “windows forritari” ef maður getur skrifað hugbúnað sem keyrir á öllum stýrikerfum ?

ég verð því miður að segja að .net fær ekki mitt atkvæði í samkeppninni J2EE vs .NET

Það er gríðarleg gróska í Javaheiminum. þar eru hlutirnir að gerast, og það er mjög gaman að fá að fylgjast með því.

Ég skora á þá asp forritara sem ætla sér að fara kíkja á .net að eigin frumkvæði að kíkja líka á J2EE!!.

-kveðja
CarveL

Fyrra álit

[Notanda eytt] fyrir 22 árum, 10 mánuðum

Þorparar :)

Fyrra álit

Skarsnik fyrir 22 árum, 10 mánuðum

Allt góðir og gildir punkar Carvel :)

Ég efa að nokkur hafi sagt að C# keyri jafnhratt og C++, en munurinn á víst að vera frekar lítill :)

Varðandi cross-platform.. well, mjög margir Windows forritarar þurfa ekki að skrifa fyrir önnur platform og hafa lítinn áhuga á því :)

T.d. þegar ég skrifa web application (er að vinna í einu stóru núna), þá veit ég hvaða platform það muna keyra á og er með ákveðinn hýsingaraðila.. þannig að hvaða rök eru fyrir því að ég ætti að skrifa cross-platform?

Ég held að stundum sé fólk að velta sér of mikið uppúr óþarfa hlutum :)

Fyrra álit

Carvel fyrir 22 árum, 10 mánuðum

hahah já þú bendir einmitt á ástæðuna.
Ef þú skrifar webapp sem á að keyra á win2k server og einhver annar vill svo kaupa það af þér en upphaflegi verk-kaupinn. þessi annar aðilli, notar linux.
Hvað þá ?

siturðu uppi með það að þurfa að endurskrifa allt í java….

hvervsegna ekki að skrifa java frá byrjun ?

-kv
Carvel

Fyrra álit

Skarsnik fyrir 22 árum, 10 mánuðum

Ég hef aldrei lent í því og sé ekki framá það :) allt sem ég hef gert er frekar sérhæft og þó að einhver líkur aðili myndi vilja kaupa svipaða lausn af mér þá fer ég bara fram á ákveðið keyrsluumhverfi :)

Ég vill frekar vinna með þau tól sem ég fíla heldur en að þurfa að vinna verk öðruvísi vegna einhverja hugsanlegra hluta í framtíðinni :P

Fyrra álit

Carvel fyrir 22 árum, 10 mánuðum

Tjah, er það ekki bara óþarfa skammsýni ?

Ekki taka þessu þannig að ég sé “á móti” .net, ég er mjög hrifin af því umhverfi og kem eflaust einhverntíman til með að þróa hugbúnað í .NET.

Ég er bara að reyna benda fólki á að það er til annar kostur sem er ódýrari ef eitthvað, og hefur ákveðna kosti fram yfir .NET. Að samabragði hefur .net ákveðna kosti líka. T.d. að vera frá microsoft, margir líta á það sem stóran kost, því það er auðvelt að nálgast þjónustu á microsoft productum. T.d. ef að ég ætti að setja upp vefþjón á vél sem keyrir Microsoft stýrikerfi, þá myndi ég mjög líklega setja upp IIS frekar en apache vitandi það að ég kem ekki til með að þurfa þjónusta IIS sjálfur en það væri mun líklegara með apache.
Þetta miðast náttúrulega við að mér þykji notendaþjónusta óskemmtilegt viðfangsefni.

Líklega með sömu rökum má styðja þá skoðun að nota microsoft hugbúnað.

S.s. áður en þið farið af stað, skoðið þá kosti sem í boði eru.

það þarf ekki endilega að borga sig að vera skammsýnn, það sýndi tvöþúsund-vandinn (y2k-bug) okkur.
-kveðja,
Carvel

Fyrra álit

Skarsnik fyrir 22 árum, 10 mánuðum

Mér finnst þetta ekki spurning um skammsýni :) Þú getur alveg keyrt Java application á ókeypis server á Linux, en ef þú ert að targetta Windows platformið, afhverju ekki að keyra á .NET? .NET frameworkið er ókeypis og þú getur hýst ASP.NET ef þú á annað borð ert með IIS :)

S.s. enn og aftur spurning um hvað þú fílar og á hvaða platform þú ert að targetta :)

Annars er það mín skoðun að þurfa “cross-platform” fyrir vefi séu algjör undantekningartilfelli, ekki normið :)

Fyrra álit

Carvel fyrir 22 árum, 10 mánuðum

til hvers að targeta “eitt platform” þegar þú getur targetað öll ?

.NET getur verið ókeypis en það er Windows ekki.

Það eru ekki bara skrifaðir “vefir” í .net heldur líka ýmis hugbúnaður /þjónusta sem keyrir á vefþjónum.
T.d. mætti hugsa sér að einhver vildi hafa uppskriftakerfi á vefinum sínum. Hversvegna ætti maður að skrifa uppskriftakerfi bara til að selja það einusinni ? Það er e-ð sem maður ætti að geta skrifað einusinni og selt mörgum sinnum, með einhvejrum minimalískum breytingum.

sérhæfing er af hinu góða en það má ekki missa sjónar á markmiðunum.

if you only have a hammer, everything looks like a nail.

Fyrra álit

Skarsnik fyrir 22 árum, 10 mánuðum

Alveg sammála því, en ég held samt að meirihlutinn af fólki þurfi ekki að spá í cross-platform :) í nýlegri könnun kom fram að 95% tölvunotenda í heiminum nota Windows, 3% Mac.. svo er linux/unix einhversstaðar þarna í aukaprósentunum ;) s.s. ef þú skrifar forrit þá eru hverfandi líkur á að þú þurfir að bjóða uppá það fyrir önnur platform líka :) Hinsvegar er unix/linux með stóra prósentu í vefhýsingarmálum, en það er, eins og þú bentir á, annað mál :)
Ef ég myndi t.d. skrifa uppskriftar kerfi og þyrfti svo að bjóða uppá það t.d. á vefnum eða undir Linux (sem ég myndi nú ekki gera), þá get ég endurnýtt hluti eins og gagnagrunnshönnun og virknimódelið. Ég geri töluvert af kerfum sem þurfa að vera bæði aðgengileg í gegnum vefinn og í gegnum Windows forrit og það kostar ekki að ég þurfi að endurskrifa allt frá grunni, heldur skrifa ég “business lógíkina” sem stefjur (stored procedure) sem keyra á gagnagrunnsþjóninum og er svo kallað í af annaðhvort vefnum eða Windows forritinu.. og er það eins mikið “cross platform” og ég þarf.

Anyways, ég skil alveg þín sjónarmið ef þú þarft að forrita fyrir cross-platform, ég er bara að segja að ég og MARGIR aðrir þurfa þess ekki :)

Fyrra álit

ZyrbinX fyrir 22 árum, 10 mánuðum

Ein stupid spurning hérna en…… á ekki þetta .NET að vera e-ð cross platform dæmi líka??

Fyrra álit

Skarsnik fyrir 22 árum, 10 mánuðum

Jú, “in theory”, t.d. go-mono Linux projectið.. en það á alveg eftir að koma í ljós hversu vel það tekst o.s.frv. :)

Fyrra álit

Carvel fyrir 22 árum, 10 mánuðum

nei, en það er svo sem búið að ECMA staðla C# þ.a. það ætti að vera hægt að skrifa c# forrit fljótlega á linux eða öðrum stýrikerfum (þ.e. þegar einhver hefur tekið að sér að skrifa það).

Það er þó ekki nema 1/10 af kerfinu þar sem .net snýst um að samnýta resourca með microsoft stýrikerfinu, þ.e. að nota sömu COM hluti til að gera allt og önnur forrit eru að nota.

Þess má þó geta að það eru nokkur project í gangi, opensource .GNU er eitt af þeim, þeir ætla að implementera .net fyrir unix /linux baseruð kerfi. Ég sé fyrir mér að það verði tilbúið eftir einhver ár…

en .net er ekki cross-platform.

Fyrra álit

[Notanda eytt] fyrir 22 árum, 9 mánuðum

“Ég efa að nokkur hafi sagt að C# keyri jafnhratt og C++, en munurinn á víst að vera frekar lítill :)”

Jájá… þetta segja nú einstaka menn um Java líka, og hvort sem Java forriturum líkar betur eða verr, þá er Java ennþá alveg gjörsamlega… fáránlega hægvirkt. Fáránlega. Jújú, það *virkar* alveg. Það keyrir alveg skikkanlega á 500MHz vél. En ég vil pása þegar mönnum þykir eðlilegt að vera með 500MHz vél bara til þess að geta keyrt forritið… skikkanlega.

Ekki að ég vilji dæma þig Skarsnik, þú notlega hefur bara eftir öðrum. :)

“Varðandi cross-platform.. well, mjög margir Windows forritarar þurfa ekki að skrifa fyrir önnur platform og hafa lítinn áhuga á því :)”

Mjög góður og gildur punktur. Cross-platform er ofmetið, og helst einmitt á meðal Windows-manna, vegna þess að þeir virðast ekki gera sér grein fyrir því að það ERU TIL FORRIT á önnur platform líka. ;) Eins og gömlu þjóðsögurnar um að það sé ekki hægt að fá nein forrit á Macintosh… sem hafa verið hlægilegar í einn og hálfan áratug. ;) Forriti menn fyrir það platform sem þeir vilja. :)

“Ég held að stundum sé fólk að velta sér of mikið uppúr óþarfa hlutum :)”

Alveg hjartanlega sammála þér. ;)

Fyrra álit

Skarsnik fyrir 22 árum, 9 mánuðum

:)

Einn punktur, sem er kanski misskilningur.

“Ekki að ég vilji dæma þig Skarsnik, þú notlega hefur bara eftir öðrum. :) ”

Well, ég viðurkenni að ég hef næstum null reynslu af Java (nota Javascript :P ) en hinsvegar hef ég töluverða reynslu af .NET og er ekki bara að “hafa eftir öðrum”. Ég er í endaslitrunum með mjög stóran verslunar vef í ASP.NET (verða í kringum 20þús vörur) og þar að auki er ég að forrita í .NET þar sem ég vinn (Búnaðarbankanum), þannig að ég tel mig hafa ágætis reynslu af .NET sem er öll jákvæð :)
Hinsvegar varðandi hraðamun á C++ og C# þá er það jú hlutur sem ég þekki ekki af eigin reynslu og er aðallega að hafa eftir öðrum, hef t.d. sé “rudimentary” benchmörk, og C# var að keyra sumt HRAÐAR en C++, en þá er verið að tala um kóða útur Visual C++ sem er ekki optimized fyrir hraða (eins og hægt er að gera í Enterprise útgáfunni af VS 6). Einnig voru þessi benchmörk ekki alveg marktæk þar sem aðeins var verið að prófa mjög takmarkaða hluti (í raun bara for loopur með fáum skipunum inní)

En hinsvegar er hraði ekki alltaf allt. Hvernig réttlætirðu t.d. einhvern hverfandi hraðamun á notendaforriti þegar vinnslutími verks er kanski 4 vikur í C# en 4 mánuðir með C++ ? Þá myndi ég nú segja að RAD (Rapid Application Development) væri meira virði en smá meiri hraði :)
EN þar er ekki öll sagan sögð, EF þú þarft meiri hraða þá geturu notað “unsafe” kóða, sem er nokkurskonar “inline C++”, svipað og það var “inline assembly” í C++. Í þessum unsafe kóða geturu unnið með bendla og allt það “pakk” ;)

Vegna þessara hluta er mjög stór hluti af Visual C++ forriturum að færa sig útí C# og stefnan hjá Microsoft virðist vera að færa allt yfir í manageraðan kóða, t.d. verður DirectX 9 með managed layer fyrir .NET, og uppi eru sögusagnir um að MS séu að vinna að stýrikerfi sem keyri allt í managed code, en það er væntanlega töluvert í það.

Fyrra álit

Carvel fyrir 22 árum, 9 mánuðum

Armon,
hvaða forritunarmál vilt þú nota ?
á hvaða forsemdum ?
vertu málefnalegur, ekki slengja fram einhverjum sleggjudómum um JAVA sem forritunarmál bara vegna þess að þú sást einhverntíman forrit sem keyrði hægt í því

bæ
carvel

Fyrra álit

Skarsnik fyrir 22 árum, 9 mánuðum

Já, það er nú mín reynsla að það er nú oftar forritaranum að kenna en málinu ef eitthvað keyrist hægt :)

Fyrra álit

[Notanda eytt] fyrir 22 árum, 9 mánuðum

Carvel minn… það vill nú svo til að ég hef notað aragrúa af Java forritum. :) Þar af ekki eitt einasta sem ég gæti sagt að væri á viðsættanlegum hraða. Eins og ég segi, ágætt á 500MHz vél, en er það þróunin sem menn vilja? Þetta eru engir sleggjudómar.

Einnig athugaðu, að ég var ekki að dæma .NET. Bara að svara með þeim rökum, að þetta hef ég heyrt margoft áður “nánast jafn hratt og C++”, sem er auðvelt að sýna fram á í benchmörkum, þegar prófaðir eru einhverjir hlutir sem eru mjög einfaldir. Svo er auðvitað ALLTAF (ekki yfirleitt eða næstum því alltaf, heldur undantekningalaust), munur á “in theory” hraða og “in practice” hraða, vegna þess að eins og þú bendir réttilega á, nota forritarar forritunarmál misvel, og misjafnvel má optimiza kóða “at compile-time” (hvernig sem maður myndi segja það á Íslensku).

Þetta voru ekki sleggjudómar. :) Ég hef aldrei séð Java forrit sem er ekki bókstaflega og beinlínis hægvirkt. Ég endurtek: Aldrei.

Fyrra álit

Carvel fyrir 22 árum, 9 mánuðum

já jæjja ég gæti svosem boðið þér í heimsókn og sýnt þér mjög hraðvirk forrit sem eru skrifuð í java. Þó að þú hafir séð mörg illa skrifuð java forrit, þá þýðir það ekki að þau séu það öll.

J2EE standardinn sem er til umræðu hérna t.d. er grunnur undir mjög vel arkítektúraðar lausnir, sem skilar sér í mjög hraðvirkum, sveigjanlegum og ódýrum hugbúnaði í flestum tilfellum, allavega samanborið við lausnir á sambærilegum vandamálum í c++, c eða perl.

.NET er reyndar enþá stórt spurningamerki í þessu öllu saman, þar sem það er engin reynsla komin á þau fræði öll saman.

Ég nenni ekki að fara út í það að ræða hérna um stillingar á hotspot, jikes, towerj eða annað slíkt…

Það sem mér finnst sammt vert að benda á, hvort sem þú forritar í vélarmáli, c++ eða c (sem hefur reyndar aldrei komið fram), þá er þróunartími á lausnum skrifuðum í þessum málum oftast mun lengri en á sambærilegum lausnum í t.d. java og áreiðanlega .net.
Þar að auki þarftu fólk með menntun og þjálfun í að skrifa þessi forritunarmál, rétt eins og ef þú værir að leysa verkefni í java þá þyrftiru að fá java forritara til þess. Tilfellið er að það er hærri (lesist dýrari) þjálfunarþröskuldur á góðum c++ forritara en góðum java forritara, og þar af leiðir er það kanski bara ekki góður kostur í stöðunni.

s.s. notaðu c++ ef þú vilt aukin performance í endaútkomunni, sem tekur miklu lengri tíma að ná og verður þar af leiðandi miklu dýrari, og jafnvel unnin af dýrara fólki líka.
Notaðu java/.net ef þú vilt fá umhverfi sem er sveigjanlegt, býr yfir vel strúktúruðum arkítekt.

það má gera ráð fyrir að það kostar minna að búa til hugbúnað með java (sem er örlítið hægvirkari en c++) og skjóta smá pening í betri vélbúnað ef það vantar meiri performance.

hvað segiru nú um að benda á eitt af þessum blessuðu java forritum, sem þú veist að hafa verið vel skrifuð en eru sammt hægvirk ?

bæj
-carvel

Fyrra álit

Skarsnik fyrir 22 árum, 9 mánuðum

Hmm.. þið Linux menn hefðuð kanski gaman af að lesa þetta :)

http://mail.gnome.org/archives/gnome-hackers/2002-Febr uary/msg00031.html

Fyrra álit

Grunt fyrir 22 árum, 10 mánuðum

Ég hef nú talsvert álit á C# jafnvel þó ég hafi ekki skoðað það neitt að ráði. Ástæðan er sú að Anders Hejlsberg er maðurinn á bak við C#, en eins og einhverjir muna þá var hann einnig aðal hugsuðurinn á bak við Delphi áður en M$ stal honum af Borland. En ég er víst fastur í Java heimum í bili, svo ég á víst tæplega eftir að vinna í .NET á næstunni. Hvað varðar .NET þá eru component “staðlar” alltaf af hinu góða, svo þetta er allt hið besta mál fyrir forritara.

Kveðja
-Grunt

-Gulli

Fyrra álit

Carvel fyrir 22 árum, 9 mánuðum

hefurðu e-ð skoðað hverjir eru bak við JAVA ?
…
bæj,
-carvel

Fyrra álit

Grunt fyrir 22 árum, 9 mánuðum

Tja, ég hef nú eitthvað heyrt um að Java hafi orðið til inni á skrifstofu hjá Sun sem lausn fyrir embedded devices. Ég man nú engin nöfn í því samhengi, en uppruninn er örugglega hjá Sun.

-Gulli

Fyrra álit

Carvel fyrir 22 árum, 9 mánuðum

fyrstu skrefin í átt að Java var OAK, forritunarmál sem notað var til að forrita micro devices, eins og vasatölvur, hljómborð og þessháttar.
Í dag er svo kallað Java Community Process (JCP), sem skilgreinir allar nýjugar í java. Í þessum hópi eru ótrúlegir snillingar sem eiga sér fáa líka í heiminum í dag. Hópurinn virkar í raun þannig að þú eða hver sem er getur sennt inn feature request, þ.e. lýsingu á einhverri virkni sem þú myndir vilja sjá í java, og rökstutt afhverju, og svo nánari útlistingar á umhverfinu og þessháttar. Þessi hugmynd er svo tekin til skoðunar hjá JCP, ef hún þykir tómt rugl er henni hennt af borðinu, ef hún er snilld er hún hönnuð lengra, þ.a. þar verði til lausn á einhverjum ákveðnum forritunar vandamálum sem virkar í praktík og theory. Þessi hópur hefur skilgreint allar nýrri útgáfur af öllum viðbótum við Java core forritunarmálið.

Ég veit ekki, kanski er þessi gæji sem hannaði c# svona ógurlega klár.. en það er engin launung að C# líkist (er) java ótrúlega mikið, þannig að kanski er ekki alveg jafn mikið af snilldinni komin frá honum og lítur út í fyrstu.

bara langaði að benda á þetta, fannst þetta ekki alveg vera að koma í gegn …
-carvel

Fyrra álit

thew fyrir 22 árum, 9 mánuðum

Þetta á kannski ekki beinlínis heima í þessum þræði en hvað um það.

Ég rakst á ansi áhugaverða grein um .NET eftir Bertrand Meyer, gaurinn á bak við Eiffel. Meyer þessi skrifaði líka bókina Object Oriented Software Construction sem allir alvöru forritarar hafa náttúrulega lesið spjaldanna á milli :)

http://eiffel.com/doc/manuals/technology/bmarticles/sd/dotnet.html

Hann bendir þarna á ýmsa áhugaverða hluti, sérstaklega hvað varðar muninn á java og .net

Matti Á.

Fyrra álit

Grunt fyrir 22 árum, 9 mánuðum

Það er náttúrulega alveg ljóst að það hannar enginn nýtt forritunarmál bara svona einn og sér í dag, a.m.k. ekki ef það á að vera eitthvað meira en tilraunaverkefni. Þarna koma að sjálfsögðu margir að, og áhrifin milli forritunarmála eru mikil. T.d. eru C++ forritarar fljótir að finna sig heima í Java. En, það hefur úrslitaáhrif að hafa snjalla einstaklinga innanborðs (a.m.k. einn :) til að útkoman sé góð.
-Grunt

-Gulli

Fyrra álit

KT1 fyrir 22 árum, 7 mánuðum

Skarnik “ECMA er búið að staðla C# og .NET og má hver sem er skrifa þýðanda fyrir C# án þess að borga Microsoft neitt, þannig að ég held að þetta muni verða töluvert útbreytt mál.”

Þetta er sama rugl og með IE og Netscape. M$ vill breiða út .NET til þess að geta eignað sér samskipta staðlana og þá fara þeir að rukka fyrir notkun þeirra. Ég er persónulega á móti .NET

Fyrra álit

Skarsnik fyrir 22 árum, 5 mánuðum

hehhe riigghht.. hvernig ætlarðu að rukka fyrir notkun á hlutum eins og TCP og XML? :P sheesh, go suck a penguin ;)

Fyrra álit

KT1 fyrir 22 árum, 3 mánuðum

.Net er svo miklu miklu miklu miklu miklu miklu miklu miklu miklu miklu miklu miklu miklu miklu miklu miklu miklu miklu miklu miklu miklu miklu miklu miklu meira en bara XML.

Fyrra álit

Skarsnik fyrir 22 árum, 3 mánuðum

Oh really? well, ég vinn hjá Búnaðarbankanum og forrita allt í .NET þannig að ég veit alveg hvað það er. Það sem ég var að svara þarna var það sem þú sagðir varðandi samskiptastaðla.

“M$ vill breiða út .NET til þess að geta eignað sér samskipta staðlana og þá fara þeir að rukka fyrir notkun þeirra. Ég er persónulega á móti .NET ”

Það er ekkert við samskiptastaðla .NET sem Microsoft getur rukkað fyrir. Trúlega ert þú að gera eins og allir aðrir, rugla saman .NET við .NET My Services og Web Services.. en það er *EKKI* sami hluturinn. .NET er hinsvegar notað til að búa til þessa hluti :)

Fyrra álit

KT1 fyrir 22 árum, 3 mánuðum

“Það er ekkert við samskiptastaðla .NET sem Microsoft getur rukkað fyrir.”

MS getur nú komið eftir nokkur ár þegar allir eru byrjaðir að nota .NET, XML og allt þetta rugl og sagt “Heyrðu góði það kostar 50.000 þúsund að nota þetta.”

Sama dæmi og þeir ætluðu að gera með IE. Losna við Netscape til þess að geta byrjað að rukka alla fyrir IE.

Fyrra álit

Forritun

Forritun

Ofurhugar

Stjórnendur

Hverjir eru inni

Greinar

Microsoft .NET og Visual Studio.NET FINAL

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi

Forritun

Ofurhugar

Stjórnendur

Microsoft .NET og Visual Studio.NET *FINAL*

Microsoft .NET og Visual Studio.NET FINAL