Viðhaldsverk eru venjulega ekki hönnuð eða rýnd og ekki samdar prófanalýsingar. Annars get ég svarað öllum spurningunum játandi. Ég vinn hjá vel skipulögðu stóru fyrirtæki.

Mikið af fyrirtækjum hafa yfirmenn sem vita ekki að forritun er aðalega skipulagning. Flestir lýta á forritun bara sem kóða sem þarf að skrifa og búið.

Ég vil ekkert fullyrða en er OZ ekki dæmi um vinnustað þar sem hlutir gerast hægt þrátt fyrir mannskap og peninga? Og að ástæðan sé skipulagsleysi?

Bjarni nokkur er snillingur. Hann skrifaði fyrir skömmu þetta: http://bre.klaki.net/dagbok/faerslur/994861691.shtml

Þar stendur meðal annars: “I've banged together a few very simple scripts to integrate my web page, IRC client, incoming email and cell phone.” Mér sýnist þetta vera nákvæmlega það sem OZ er búið að vinna að í mörg misseri. “..banged togehter..” er skondin lýsing á þessu öllu.

Nei annars veit ég ekkert hvað ég er að tala um. Forritun? Hvað er það?

Ég get sko svarað öllum þessum spurningum játandi, í fyrirtækinu þar sem ég vinn eru verkefni unnin eftir ákveðnum leiðum og allt mjög skipulagt… enda er fyrirtækið einmitt með gæðavottun samkvæmt ISO9001 :)

hæ,
Í mínu tilfelli þá er ekki farið eftir þessum reglum nema þegar við á.

Ákveðnum forritunarvenjum er fylgt, þá aðallega þannig að allur kóði er documentaður (java-doc-style) og code-complete ritháttur er notaður. Fastayrðingar/for og eftirskilyrði eru sjaldan eða aldrei rituð þó maður hafi þau alltaf í huga þegar maður skrifar. Ég er reyndar þeirrar skoðunar að þegar maður hefur náð vissri færni í forritun þá sé það manni bara eðlislægt að hugsa í fastayrðingum (við forritun).
Við leggjum okkur fram við prófanir, og skrifum alltaf unit-test, kerfisprófum , við keyrum einnig benchmark test á okkar hugbúnað þar sem að við viljum optimiza alla virkni og ná eins miklum hraða og minnisnýtingu og hægt er. Prófanalýsingar eru þó ekki samdar sem slíkar, enda koma fáir (2) að verkefnum hér, og flest sem fram kemur í unit-prófunum er lagfært jafnóðum. Við förum alltaf reglulega yfir stöðu verkefnisins.

Ég hef unnið hjá fyrirtæki sem er með 9001 gæðavottun (EJS) og það var ágætt, þar var “allt á hreinu”. Svo vann ég hjá auglýsingastofu þar sem hlutirnir voru ekki hugsaðir eins, verkefnalýsingum var breytt þegar forritun var hálfnuð og mest af mínum tíma fór í að endurvinna e-ð sem ég var búinn að gera áður. Það var ótrúlega skemmtilegur vinnustaður, en því miður var þetta mikill galli á því. Svo fór ég að vinna á vefstofu, sem var einnig gríðarlega skemmtilegur vinnustaður, en sammt vantaði verulega upp á skipulögð vinnubrögð. Það orsakaðist auðvitað aðallega af því að þar vantaði tíma til að vinna hlutina betur. Hjá því fyrirtæki hefur verið lyft grettistaki í því að færa vinnulag til betri vegar.

Núna vinn ég í 2gja manna fyrirtæki og það þykir mér langbest, hérna er auðvelt að passa upp á að vinnubrögð séu góð og þau atriði sem þurfa að vera í lagi séu í lagi, og að ekki sé eytt tíma í e-ð sem á ekki við eða skiptir ekki máli, bara vegna þess að bókin segir að maður eigi að eyða tíma í það. Þetta gefur augaleið, maður afkastar ótrúlega miklu og þá er stuð!.

Í mínum huga eru smáar einingar með velskilgreind verkefni bestu þróunarteymin, það má svo vel vera að þetta séu sjálfstæðar einingar innan stórs hugbúnaðarhúss eða bara 5 gæjar í bílskúr einhverstaðar í rvk.

btw. það kemur engum til góða að skila af sér lélegu producti, þ.e.a.s. það borgar sig alltaf að vanda til verks og vanda þá rétt til verks, því það er ekki gott að eiga óánægða kúnna, og það er heldur ekki gaman að lenda í einhverju eilífðar-viðhaldi á vondu producti.

Ég held ég að ég fari ábyggilega með rétt mál þegar ég segi að EJS sé eina fyrirtækið sem er algjörlega gæðavottað af ISO9001 standardinum af hugbúnaðarhúsum hér á landi. Þ.e.a.s fyrirtækið í heild er gæðavottað.

Það eru aftur á móti nokkur hugbúnaðarhús (3-5) sem eru með ákveðnar deildir gæðavottaðar af ISO9001.

Nú spyr ég eins og kjáni :
Hvað eru fyrir- og eftirskilyrði og fastayrðing lykkju?

Er einhversstaðar hægt að nálgast viðurkennda verkferla á netinu?

I'll take the fifth on that one. ;)

ISO9001 hentar oft mjög illa í hugbúnaðarþróun. Þessi staðall í hugbúnaðarferlum getur oft tafið fyrir þróun.

ISO9001 hentar mun betur fyrir framleiðslufyrirtæki uppá gæðavottun að gera. Fullkomið dæmi um þetta er Marel, sem hefur ISO9001 vottun. Enda setja margir samstarfsaðilur kröfur á að fyrirtækin verði ISO9001 vottuð.

Í hugbúnaðargeiranum eru til mun þróaðri vottanir, eins og þær sem fyrirtækið Rational hefur þróað; Unified Modeling Language (UML).

Ég hef heyrt af nokkrum fyrirtækjum hérlendis sem notast við ferla Rational. Þessi fyrirtæki eru meðal annars Kögun og Oz hf.