Massi fyrir 23 árum, 3 mánuðum Fjöldi lestra: 1727

Verklag íslenskra hugbúnaðarhúsa

Íslensk hugbúanaðarfyrirtæki eru í flestum tilfellum frekar illa skipulögð og viðurkenndum verkferlum ekki fylgt nógu vel.

Örfá fyrirtæki (4 eða 5 minnir mig) eru gæðavottuð skv. ISO9001 staðlinum og vinnan snýst of oft um að skila vinnunni á réttum tíma og með sem minnstum tilkostnaði.

Þessi vinnubrögð virðast henta Íslendingum vel, enda flestir komnir af bændum og vertíðarfólki sem vann í skorpum og allt gert á síðustu stundu.

Gamlir frasar en því miður nokkuð til í þessu.

Það sem ég er að spá er hvernig unnið er í ykkar fyrirtæki.

Eru verkferli vel skilgreind og er farið eftir þeim?

Er búið að greina, hanna og rýna öll verk áður en sest er niður og byrjað að forrita?

Er frumgerðum hent þegar þeirra hlutverki er lokið?

Er farið reglulega yfir stöðu verkefnisins með öllum sem að verkinu koma?

Eru samdar prófanalýsingar, einingaprófað, kerfisprófað og viðtökuprófað?

Eru ákveðnum forritunarvenjum fylgt (rithætti, lýsing á falli, fyrir- og eftirskilyrði, fastayrðing lykkju) þar sem það á við.

Allt of mikið af spurningum en það væri gaman að fá að heyra hvernig hlutunum er háttað hjá ykkar fyrirtæki.

Ég hef komið að verkefnum hjá 3 fyrirtækjum, reyndar öllum undir sama eignarhaldsfélagi, og aðeins eitt þeirra er vottað. Öll eru fyrirtækin að reyna að fylgja verkskipulagi, en það er tekið léttar á hlutunum eftir því sem fyrirtækið er minna, og mér þykir lang best að vinna hjá fyrirtækinu sem er gæðavottað (og stærst) og allir hlutir eru á hreinu.

Hver er ykkar reynsla?

Massi

ADD fyrir 23 árum, 3 mánuðum

Viðhaldsverk eru venjulega ekki hönnuð eða rýnd og ekki samdar prófanalýsingar. Annars get ég svarað öllum spurningunum játandi. Ég vinn hjá vel skipulögðu stóru fyrirtæki.

Fyrra álit

Czar fyrir 23 árum, 3 mánuðum

Mikið af fyrirtækjum hafa yfirmenn sem vita ekki að forritun er aðalega skipulagning. Flestir lýta á forritun bara sem kóða sem þarf að skrifa og búið.

_______________________

Fyrra álit

geirag fyrir 23 árum, 3 mánuðum

Ég vil ekkert fullyrða en er OZ ekki dæmi um vinnustað þar sem hlutir gerast hægt þrátt fyrir mannskap og peninga? Og að ástæðan sé skipulagsleysi?

Bjarni nokkur er snillingur. Hann skrifaði fyrir skömmu þetta: http://bre.klaki.net/dagbok/faerslur/994861691.shtml

Þar stendur meðal annars: “I've banged together a few very simple scripts to integrate my web page, IRC client, incoming email and cell phone.” Mér sýnist þetta vera nákvæmlega það sem OZ er búið að vinna að í mörg misseri. “..banged togehter..” er skondin lýsing á þessu öllu.

Nei annars veit ég ekkert hvað ég er að tala um. Forritun? Hvað er það?

Fyrra álit

[Notanda eytt] fyrir 23 árum, 3 mánuðum

Hmmm…að OZ sé dæmi um vinnustað þar sem hlutirnir gerast hægt fyrir sig??

Ég veit ekki betur en þetta apparat sé í fremstu röð þeirra fyrirtækja sem hafa grætt mjög mikið af peningum en aldrei framleitt neitt … stórkostlegt concept :)

Fyrra álit

Titan fyrir 23 árum, 3 mánuðum

snilld :)

Fyrra álit

steam fyrir 23 árum, 2 mánuðum

Já, já en þetta voru allt saman verbréfapeningar, hækkun á verðbréfum sem sagt einskonar platpeningar (ég veit, mikil einföldun) og þegar einhver nánast huglægur hlutur (verðbréfin lækka) eiga þeir allt í einu engan pening. Enda er Oz þekkt fyrir á hlutabréfamarkaðnum að segja aðeins frá því góða en þegja yfir öllu slæmu, sama og decode genetics. þessi fyrirtæki eru í raun ekki að framleið mikið, heldur hafa hlutabréfin hækkað með árunum vegna vonar um að þau framleiði eitthvað söluvænlegt sem slær í gegn. Það hafa þau ekki gert enda hafa hlutabréf þeirra hríðfallið. Enda var Oz að segja upp fyrir nokkrum mánuðum síðan einhverjum x tugum afstarfsfólki. Þannig að the Oz way, er ekkert sniðug. Nema að þú eigir fyrirtækið og seljir allt drazlið þegar bréfin ná toppi og græðir nottulega böns:)

það virðast allir hafa eitthvað mottó, ekki ég.

Fyrra álit

buzted fyrir 23 árum, 3 mánuðum

Ég get sko svarað öllum þessum spurningum játandi, í fyrirtækinu þar sem ég vinn eru verkefni unnin eftir ákveðnum leiðum og allt mjög skipulagt… enda er fyrirtækið einmitt með gæðavottun samkvæmt ISO9001 :)

If you can't convince them, confuse them.

Fyrra álit

Carvel fyrir 23 árum, 3 mánuðum

hæ,
Í mínu tilfelli þá er ekki farið eftir þessum reglum nema þegar við á.

Ákveðnum forritunarvenjum er fylgt, þá aðallega þannig að allur kóði er documentaður (java-doc-style) og code-complete ritháttur er notaður. Fastayrðingar/for og eftirskilyrði eru sjaldan eða aldrei rituð þó maður hafi þau alltaf í huga þegar maður skrifar. Ég er reyndar þeirrar skoðunar að þegar maður hefur náð vissri færni í forritun þá sé það manni bara eðlislægt að hugsa í fastayrðingum (við forritun).
Við leggjum okkur fram við prófanir, og skrifum alltaf unit-test, kerfisprófum , við keyrum einnig benchmark test á okkar hugbúnað þar sem að við viljum optimiza alla virkni og ná eins miklum hraða og minnisnýtingu og hægt er. Prófanalýsingar eru þó ekki samdar sem slíkar, enda koma fáir (2) að verkefnum hér, og flest sem fram kemur í unit-prófunum er lagfært jafnóðum. Við förum alltaf reglulega yfir stöðu verkefnisins.

Ég hef unnið hjá fyrirtæki sem er með 9001 gæðavottun (EJS) og það var ágætt, þar var “allt á hreinu”. Svo vann ég hjá auglýsingastofu þar sem hlutirnir voru ekki hugsaðir eins, verkefnalýsingum var breytt þegar forritun var hálfnuð og mest af mínum tíma fór í að endurvinna e-ð sem ég var búinn að gera áður. Það var ótrúlega skemmtilegur vinnustaður, en því miður var þetta mikill galli á því. Svo fór ég að vinna á vefstofu, sem var einnig gríðarlega skemmtilegur vinnustaður, en sammt vantaði verulega upp á skipulögð vinnubrögð. Það orsakaðist auðvitað aðallega af því að þar vantaði tíma til að vinna hlutina betur. Hjá því fyrirtæki hefur verið lyft grettistaki í því að færa vinnulag til betri vegar.

Núna vinn ég í 2gja manna fyrirtæki og það þykir mér langbest, hérna er auðvelt að passa upp á að vinnubrögð séu góð og þau atriði sem þurfa að vera í lagi séu í lagi, og að ekki sé eytt tíma í e-ð sem á ekki við eða skiptir ekki máli, bara vegna þess að bókin segir að maður eigi að eyða tíma í það. Þetta gefur augaleið, maður afkastar ótrúlega miklu og þá er stuð!.

Í mínum huga eru smáar einingar með velskilgreind verkefni bestu þróunarteymin, það má svo vel vera að þetta séu sjálfstæðar einingar innan stórs hugbúnaðarhúss eða bara 5 gæjar í bílskúr einhverstaðar í rvk.

btw. það kemur engum til góða að skila af sér lélegu producti, þ.e.a.s. það borgar sig alltaf að vanda til verks og vanda þá rétt til verks, því það er ekki gott að eiga óánægða kúnna, og það er heldur ekki gaman að lenda í einhverju eilífðar-viðhaldi á vondu producti.

Fyrra álit

ask fyrir 23 árum, 2 mánuðum

Ég held ég að ég fari ábyggilega með rétt mál þegar ég segi að EJS sé eina fyrirtækið sem er algjörlega gæðavottað af ISO9001 standardinum af hugbúnaðarhúsum hér á landi. Þ.e.a.s fyrirtækið í heild er gæðavottað.

Það eru aftur á móti nokkur hugbúnaðarhús (3-5) sem eru með ákveðnar deildir gæðavottaðar af ISO9001.

Fyrra álit

ADD fyrir 23 árum, 2 mánuðum

Ég held þú farir með alveg hárrétt mál. Ég veit heldur ekki af öðru fyrirtæki en EJS sem er allt vottað. En VKS fékk nú Íslensku gæðaverðlaunin 1999 en allt þjónustuferli VKS er vottað.

Það kannski skiptir mann sem forritara ekki miklu máli hvort fjárhagsbókhald fyrirtækisins sem maður vinnur hjá er vottað - en öllu máli hvort forritun, greining, hönnun og afhending sé vottuð. En gæti skipt viðskiptamennina öllu máli.

Annars sagði mér sérfræðingur í gæðstjórnun að ISO sé að komast úr tísku. Mörgum fyrirtækjum þyki það kerfi of ósveigjanlegt og dýrt að koma á og vilji sjálf fá að skipuleggja sín gæðakerfi. En ég held að rekstur stórra hugbúnaðarfyrirtækja hljóti að kalla á formlegt gæðakerfi.

Fyrra álit

havh fyrir 22 árum, 11 mánuðum

'Vandamálið' við ISO-9001 er ekki staðallinn sem slíkur. Hann er ekkert nema verkfæri sem fólk þarf að læra að nota og hafa til viðmiðunar.

Hæfni fólksins til að takast á við verkefni lagast ekkert við ISO-9001 væðingu og hafa útkomur úr svona stöðlum þar sem þeir hafa verið misnotaðir leitt af sér skjalasafn dauðans sem enginn les við mörg verkefni. Allt endar þetta á að þeir sem vinna verkefnin þurfa að hafa reynslu bæði við tækni sem verið er að nota og einnig viðskiptaþekkingu á því sem verið er að gera.

Oft er talað um ISO-9001 og skjölun í sömu setningunni þegar málið er það að það er ekki pappírsmagnið sem skiptir máli heldur það sem stendur í því. Ég hef séð hugbúnaðarskýrslur þar sem pappírinn var minni virði en meðal klósettrúlla en kom samt frá fyrirtæki með ‘vottun’.

Lokaniðurstaðan er í raun sú að hæfni fólksins sem er að vinna verkefni er það sem skiptir höfuðmáli. Skjölun er verkfæri, rétt eins og forritunarumhverfi og það þarf að beita því verkfæri rétt en ekki láta stjórnast fullkomlega af verkfærinu.

Kveðja
havh

Fyrra álit

moon fyrir 23 árum, 2 mánuðum

Nú spyr ég eins og kjáni :
Hvað eru fyrir- og eftirskilyrði og fastayrðing lykkju?

Fyrra álit

Massi fyrir 23 árum, 2 mánuðum

Til þess að tryggja rétta virkni lykkju er best að skrifa fyrst niður hver staðan á þeim breytum sem þú ætlar að nota áður en þú ferð inn í lykkjuna, og hver staðan er þegar henni lýkur.

Fastayrðing er síðan setning sem þú semur og hún á að vera sönn í hverri umferð lykkjunnar.

Þetta er gert til að fá örugglega rétta niðurstöðu, hugsa fyrirfram hvað maður ætlar að fara að gera í stað þess að æða áfram í forritun og þurfa svo að eyða löngum tíma í debug til að finna einfalda villu.

Massi

Fyrra álit

Carvel fyrir 23 árum, 2 mánuðum

já en það er kanski rétt að ítreka það að jafnvel þó að háskóli íslands leggi ofuráherlsu á þetta á fyrsta ári í tölvunarfræðum, þá er þetta einungis spurning um að fólk tileinki sér rétt vinnubrögð. Það er ekkert fyrirtæki sem fer fram á að fólk skrifi þetta í kóðan alstaðar þar sem upp kemur lykkja, einungis að hugsunin sé til staðar.

Þ.e. að maður skipuleggi áður en maður forritar hvað maður ætlist fyrir með kóðanum og viti nákvæmlega hver hans mörk séu (ef allir forritarar hefðu hugsað svona fyrir aldamót, hefði aldrei verið til neitt 2000 vandamál í hugbúnaði).

sniðugt ekki satt ?

bæjó
-

Fyrra álit

loco fyrir 23 árum, 2 mánuðum

Ég er að vinna hjá Navision Software Headquarters í Danmörk í framtíðardeild Navisions. Ég hef einnig reynslu að heiman (hugbúnaðarhúsum á íslandi), og verð að segja að ég hef þurft að læra að vinna upp á nýtt nánast. Þeir taka þessu mjög alvarlega, enda er mikilvægt að gæðin séu góð.

Það virðist sem lítið hafa breyst með tímanum. Danin er góður í að vinna úr hlutum og koma þeim á framfæri, og er það eitthvað sem við íslendingar ættum að læra að gera. Það virðist sem það sé það sama með hugbúnað og síldina. Hver græddi mest á síldinni í gamla daga? Ekki voru það við íslendingarnir sem veiddum hana, nei, það voru daninn sem setti hana í umbúðir og seldu. Það sama virðist endurtaka sig með hugbúnaðinn. Við höfum þekkingu, áhuga og dugnað, en vantar skipulagningu, sölumennsku og frágang.

Við notum mikið extreme programming, UML model og keyrum flest verkefnin eftir MSF (Microsoft Framework).

EJ

Fyrra álit

Grunt fyrir 23 árum, 1 mánuði

Áhugavert. Ég er einmitt mikill talsmaður eXtreme Programming (ísl: Jaðarforritun, sbr. Extreme sports=Jaðaríþróttir). Mín persónulega skoðun að gæðavottun eins og ISO9001 sé hindrun frekar en hitt. Það sem gæðavottun miðar að er að það sem menn séu að gera sé rekjanlegt og endurtakanlegt. Það er ekkert sem segir að slíkt ferli sé best til þess fallið að hjálpa fólki að semja hugbúnað, þó vissulega sé það mun skárra en óreiðuaðferðin.
Það sem menn eiga að einbeita sér að er að setja upp reglur og vinnuvenjur sem miða að því að gera fólki kleift að semja hugbúnað á áhrifaríkan hátt, og það er einmitt það sem XP snýst um. Ef við tökum þessa hugmynd skrefi lengra, þá snýst þetta um að “búa til” félagslega uppbyggingu (e. social structure) með sterkri endursvörun og stuttum samskiptaleiðum, sem er verður til þess að sá hugbúnaður sem búinn er til er raunverulega að taka á þeim vandamálum sem þarf að taka á, frekar en einhverju sem menn ímynduðu sér í upphafi. Síðan eru reyndar nokkrar tæknilegar aðferðir sem þarf að nota til að þetta gangi upp, aðallega endurtakanlegar prófanir.

Eru einhverjir fleiri hér sem eru að spá í XP?

-Gulli

Fyrra álit

AleTek fyrir 22 árum, 11 mánuðum

Ég er að spá XP og reyndar aðra ferla líka. Er að taka áfanga um hugbúnaðarhönnun, þar sem farið er í gegnum UP (Universal Process) ferilinn, sem er “iterative agile process” (nú bregst íslenskan mín alveg). UP er mikið notað erlendis, þó að XP er að vinna sig til rúms, sem má sjá á nýjustu Microsoft skapningunum (XP).
Þekkir einhver eða kannast við UP? Notar einhver UP á Íslandi? Nú veit ég ekki en er þetta kennt í háskólanum?

Nú er oft talað um að tveir aðalpunktarnir í XP, séu “Write Tests first” og “Pair Programming”, eru einhver húgbúnaðarhús sem stunda þetta?

—

Fyrra álit

Grunt fyrir 22 árum, 11 mánuðum

Universal Process? Ertu ekki að tala um RUP - Rational Unified Process?

Í fyrsta lagi, ég fæ hláturskast þegar einhver talar um RUP sem “agile” aðferðafræði, RUP er einn af holdgervingum þess sem kallað hefur verið þung aðferðafræði. Reyndar þá er svo komið fyrir RUP í dag að það er meira svona alfræðiorðabók yfir “good practices” heldur aðferðafræði. Það að reyna að byggja á RUP við að byggja upp sína eigin aðferð er eins og að lesa alfræðiorðabók og ætlast til að út úr því komi skáldsaga.

Hver er annars að kenna hugbúnaðarhönnun í dag?

Kveðja
-G

-Gulli

Fyrra álit

AleTek fyrir 22 árum, 11 mánuðum

Eins og ég skil þetta er RUP afbrigði af UP. UP er að sjálfsögðu bara samansafn af “Best Practises”, heill haugur af skjölum, diagrömmumum og mynstrum. Svo er sagt að maður eigi bara að nota það sem þarf fyrir hvert verkefni. Mér sýnist að það komi nú bara með reynslu. Svo kemur XP sem kemur víst einnig eitthvað frá UP einnig.

Veit ekki hvernig það er á Íslandi, en ég er í tölvutæknifræði í Danmörku. Hér er ég í áfanga sem kallast Software Udvikling, sem tekur fyrir UP. Þar sem hann inniheldur “allt”, svona eins og þú segir alfræðiorðabók um “Best practices”.

Hefur þú unnið með einhver svona “process”? RUP, XP eða eitthvað svipað?

Med venlig hilsen
AleTek

—

Fyrra álit

Grunt fyrir 22 árum, 11 mánuðum

Ég vinn samkvæmt XP dags daglega, en ég hef einnig kynnt mér RUP aðeins. Ég held reyndar að það sem þú kallar UP sé RUP í dulargerfi, þeir eru farnir að reyna skilja processinn a.m.k. að hluta til frá fyrirtækinu til að það líti út fyrir að hann sé hlutlaus gagnvart tólum. Einhverntímann var RUP tiltölulega vel skilgreindur process, en félagarnir þrír hjá Rational hafa leiðst út í það að gera hann að “all-inclusive” safni að hugmyndum í hugbúnaðargerð, og þar með gert hann að mestu meiningarlausan. Það er reyndar svo að menn þurfa alltaf talsverða reynslu til að útfæra hvaða process sem er. Í XP er vel skilgreint hvernig standa skal að ákveðnum hlutum, og aðrir skildir eftir fyrir útfæranda. Í RUP er reynt að skilgreina bestu iðkanir (“best practices”) fyrir alla skapaða hluti sem viðkoma hugbúnaðargerð, og í mörgum tilfellum þarf að velja milli mismunandi bestu iðkana þegar þú ert að móta þína aðferð (sem er reyndar mótsögn í sjálfu sér) .

Aðal munurinn er samt sá að iðkanir í XP eru hannaðar til að mynda eina órjúfanlega heild þar sem summa iðkana er stærri en hver og ein í einangrun, á meðan iðkanir í RUP hafa enga slíka heildarmynd í huga, nema að selja sem mest af tólum fyrir Rational Software ef eitthvað er. Þegar ég tala um summu hér, þá er átt við þann ávinning sem fæst með því að iðka ákveðna hluti, t.d. fæst ákveðinn ávinningur með því að stunda einingapróf (unit testing), þú færð líka ákveðinn ávinning af því að stunda pair programming, refactoring og planning game, en ávinningurinn af því að stunda þetta allt í einu er stærri en summa hvers og eins. Ég get vottað um þetta, því ég er búinn að vera að spá í og stunda XP í þó nokkurn tíma.

Á hinn bóginn má telja það RUP til tekna að þar er hægt að finna ýmsa góða hluti, það er meira að segja næstum því hægt að túlka RUP þannig að þú fáir út XP. Það má líka túlka RUP þannig að þú fáir út hreint fossamódel (waterfall) sem er hinum megin á skalanum. Þar með er notagildið eiginlega orðið mest lítið annað en alfræðiorðabók um hugbúnaðargerð.

Kveðja

Grunt

-Gulli

Fyrra álit

AleTek fyrir 22 árum, 11 mánuðum

Þar sem þú vinnur við XP dags daglega, geri ég ráð fyrir að fyrirtækið sem þu vinnur fyrir (eða átt hvað veit ég :-) notast við þessa aðferð. Nú er ég forvitinn um að vita hvort þinn vinnustaður standi út vegna þessa á Íslandi. Þá meina ég bara, eru önnur hugbúnaðarhús sem stunda XP, pair programming og heila pakkann?

Mér heyrist á öllu, að ef maður ætlar að græða á process eins og XP, þá verði maður að fylgja honum strangt eftir. Kannski ekki nota allt sem býðst í honum en vera mjög fastur fyrir. Process eins og XP er væntanlega fljótur að missa gildi sitt ef menn byrja að hugsa, “ahh, hverju skiptir þó að ég sleppi einu test uniti”.

Annars hef ég mikinn áhuga á þessum málum. Ekki veit ég hvort ég fari endilega í beinharða forritun þegar ég kem heim, en það er gott að vita af því að einhver fyrirtæki fylgi tímanum í svona málum.

Kveðja
AleTek

—

Fyrra álit

Grunt fyrir 22 árum, 11 mánuðum

Ef þú ætlar ekki í beinharða forritun, þá geturðu alveg sleppt því að spá í þessa hluti. Ég hef unnið með aðilum sem telja sig process sérfræðinga án þess að vera forritarar, og það er slæm samsetning. Það er svona eins og að ætla sér að stýra hönnun á brú í dag án þess að kunna á CAD forrit.

Það eru örfá fyrirtæki sem eru að spá í XP alvarlega, Íslensk Erfðagreining, Theriak (TölvuMyndir) og EMr/TölvuMiðlun eru þau sem ég veit um. Það eru hins vegar heil margir sem eru farnir að spá í XP, og ég veit að unittesting á talverðs fylgis að fagna.

Kveðja-G

-Gulli

Fyrra álit

Grunt fyrir 23 árum, 1 mánuði

Nýleg úttekt á 2000 vandanum, sem ég man reyndar ekki hver gerði, benti til þess að þegar lagður er saman kostnaður við minni/diska sem hefði þurft aukalega ef menn hefðu geymt alla 4 stafina, sá kostnaður síðan framreiknaður til ársins 2000 og borið saman við kostnað við að laga þetta, þá borgaði sig í heildina að spara þessa stafi. Það má ekki gleyma því að þessir hlutir voru gífurlega dýrir á 7 og 8 áratugnum…
Þannig að þetta var kannski ekki svo heimskulegt hjá þeim eftir allt saman…

-Gulli

Fyrra álit

[Notanda eytt] fyrir 23 árum, 2 mánuðum

Er einhversstaðar hægt að nálgast viðurkennda verkferla á netinu?

Fyrra álit

[Notanda eytt] fyrir 23 árum, 2 mánuðum

I'll take the fifth on that one. ;)

Fyrra álit

[Notanda eytt] fyrir 23 árum, 2 mánuðum

ISO9001 hentar oft mjög illa í hugbúnaðarþróun. Þessi staðall í hugbúnaðarferlum getur oft tafið fyrir þróun.

ISO9001 hentar mun betur fyrir framleiðslufyrirtæki uppá gæðavottun að gera. Fullkomið dæmi um þetta er Marel, sem hefur ISO9001 vottun. Enda setja margir samstarfsaðilur kröfur á að fyrirtækin verði ISO9001 vottuð.

Í hugbúnaðargeiranum eru til mun þróaðri vottanir, eins og þær sem fyrirtækið Rational hefur þróað; Unified Modeling Language (UML).

Ég hef heyrt af nokkrum fyrirtækjum hérlendis sem notast við ferla Rational. Þessi fyrirtæki eru meðal annars Kögun og Oz hf.

Fyrra álit

Massi fyrir 23 árum, 2 mánuðum

Ég vissi reyndar ekki að það væri hægt að fá sérstaka UML (Unified Modeling Language) vottun.

Ég hélt að það væri bara eitt af nokkrum tólum sem notuð eru til að greina og hanna hugbúnað á sem árangursríkastan hátt, reyndar heitasta tólið í dag.

Þótt ég hafi ekki heyrt um þessa vottun get ég ekki samþykkt að hún sé þróaðari en ISO9001, best gæti ég trúað að það að nota UML sé lítill hluti af því að geta fengið ISO9001 vottun því að hún snýr að næstum því öllu sem fyrirtækið gerir í sambandi við hugbúnaðargerð.

Ég man ekki eftir því að UML taki á öllum hlutum eins og viðhaldi hugbúnaðarhluta, meira í gerð þeirra, en þar gæti ég líka haft rangt fyrir mér þar sem ég hef ekki reynslu af að nota UML nema í skóla :-)

Ég allavega vona að ef á markaðinn komi þróaðari staðall en ISO9001 þá heyri maður af því.

En maður lærir svo lengi sem maður lifir…

Massi

Fyrra álit

Forritun

Forritun

Ofurhugar

Stjórnendur

Hverjir eru inni

Greinar

Verklag íslenskra hugbúnaðarhúsa

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi