Massi fyrir 23 árum, 9 mánuðum Fjöldi lestra: 946

Tölvunafræðiskor á Akureyri

Næsta haust verður byrjað að kenna tölvunarfræði við Háskólann á Akureyri.
Námið verður 3 ár og til BSc gráða í boði, námið mun staðsetja sig á milli HÍ og HíR, en þó öllu nær HÍ, þar sem meiri áhersla verður lögð á stærðfræðilegan- og faglegan grunn en praktíska kennslu í forritun og forritunartólum.
Skorarformaður mun verða Mark O'Brien, breskur doktor í stærðfræði sem tekið hefur þátt í uppbyggingu deildar sem þessarrar í Nottingham og í dag eru þar um 1000 nemendur, sannkallaður hvalreki fyrir HA og vonandi fyrir íslenska “bransann” í heild.
Markaðurinn má vel við 20 fleiri háskólamenntuðum tölvunarfræðingum á ári, og það er markmið þessarrar deildar að ná þeirri tölu útskrifaðra fljótlega.
Ég vona að þessi tilraun takist vel hjá norðanmönnum og þar virðist vera að byggjast upp ákveðin “þekkingar-kommúna” enda nálægt 2.000 framhaldsskólanemar þar í 15.000 manna bæ auk nokkurra hundruða háskólanema.
Massi

Bake fyrir 23 árum, 9 mánuðum

Spurning að segja “bleble” við HR þá? :)

Ford Prefect: “How would you react if I told you I was not from Guildford but from a small planet somewhere in the vicinity of Betelgeuse”

Fyrra álit

havh fyrir 23 árum, 9 mánuðum

hmm, var ég sem sagt ekki að læra ‘faglegan’ grunn? Damn, hvað ég hef misskilið…

Halldó

Fyrra álit

Massi fyrir 23 árum, 9 mánuðum

Nú veit ég ekki hvað þú hefur lært, en það að meiri áhersla sé lögð á eitthvað þýðir ekki að minni áhersla sé það sama og að sleppa hlutnum alveg.
En það er alveg rétt hjá þér að þetta með “faglegan grunn” ekki rétt hjá mér heldur er réttara að tala um “fræðilegan grunn” í þessu samhengi, það leiðréttist hér með og ég vona að allir verði sáttir :)
Massi

Fyrra álit

havh fyrir 23 árum, 9 mánuðum

Munurinn á milli skólanna tveggja liggur aðalega í tvennu, stærðfræði og tækniþekkingu. Stærðfræðin sem kennd er í HR uppfyllir þá staðla sem BS gráða í tölvunarfræði gerir kröfu um. Aftur á móti eru einstaklingar !almennt! betur að sér í nýjustu tækni en úr HÍ. Farið er alveg jafn vel í fræðilega hluti í skólunum, þá er ég að tala um vélbúnað, þýðendur, uppbyggingu gagnagrunna, tölvugrafík og fleira, enda áfangar sem eru í kröfum til BS gráðu.

kv
Halldó

Fyrra álit

[Notanda eytt] fyrir 23 árum, 9 mánuðum

Til halldórs vegna samanburðar á Hí og Hír: Ég held þú vitir ekki alveg hvað þú ert að tala um. Mæli með því að þú skoðir námsskrár skólana og námsskeiðalýsingar.

Fyrra álit

havh fyrir 23 árum, 9 mánuðum

*Klór*

Ég skoðaði yfir námsskránna hjá HÍ og flest allir áfangarnir þarna eru sambærilegir. Einnig meðan ég var (er að vísu í einum áfanga núna) í námi þá átti ég vini í HÍ sem voru í sömu hlutum og ég þannig að ég tel mig vera að tala af einhverri reynslu. Þegar ég segi að einstaklingar í HÍR hafi meiri þekkingu á því sem er að ske í dag þá er það vegna verkefnavinnu sem er í lok hverrar annar hjá HÍR (nema á 3ja ári) en þar kynnast þeir ekki bara tækninni heldur berjast líka við hana.

kv
Halldó

Fyrra álit

[Notanda eytt] fyrir 23 árum, 9 mánuðum

Þar sem ég hef svona stundað báða skólana..

HÍ og HíR eru svo sem sambærilegir, upp að vissu marki. Það er alveg rétt að HíR er miklu duglegri og fljótari að byrja að kenna nýtt efni og stendur sig vel að því leiti. Og nemendur þurfa að gera mun meira af forritunar verkefnum, sem mér finnst frekar gott. En, það er bara ekkert takmark HÍ. Í HÍ er ekki verið að fjöldaframleiða tölvunarfræðinga sem geta sest niður og byrjað að vinna um leið og þeir útskrifast (þó þeir geti það að sjálfsögðu) heldur að búa til tölvunarfræðinga sem skilja og geti haldið áfram að læra, byggt á þeim skilningi.

Til dæmis, í HíR er kennt VC++ og Java (og Delphi), í HÍ er kennt að forrita óháð forritunar málinu (þó það sé notað bæði C/C++ og Java við þá kennslu).

Hver er munurinn? Nemendur úr HÍ ‘ættu’ að hafa dýpri skilning á aðferðafræði forritunar og eiga auðveldara með að aðlagast að nýjum forritunarmálum. Nemendur úr HíR kunna á VC++ og Java og jafnvel miklu betur en nemendur úr HÍ.

Auðvita er hægt að deila endalaust um þetta, enda geta tveir einstaklingar sem útskrifast úr sitt hvorum skólanum verið jafn færir. Það eru bara öðruvísi áherslur í náminu, HÍ er fræðilegur, HíR er praktískur.

Annars vona ég bara að Tölvunarfræðiskor Háskólans á Akureyri gangi vel. Þó það sé einhver rígur á milli skóla og hver þykist vera betri en hinn, þá er ekkert nema gott að fá ‘nýtt blóð’ í fræðina.

Fyrra álit

havh fyrir 23 árum, 9 mánuðum

Hmm… þetta verður langt bréf.

Fyrst af öllu þá er VC++ ekki forritunarmál heldur verkfæri til að forrita C++, en mig grunar að þú vitir það ;)

Ég skal játa að það var ekki lögð mikil áhersla á sönnur (fastyrðingar) forritunarkóða í námi hjá HÍR, hlutur sem farið er mjög vel í hjá HÍ (á fyrstu önn) en ekki get ég skilið hvað þú átt við með ‘dýpri’ skilning á aðferðarfræði forritunar þar sem til eru (ef ég man rétt) 4 tegundir: stefjuforritun, hlutbundin forritun, fallaforritun og rökforritun. Hvað varðar dýptina þá er farið vel í BNF skilgreiningar á málum sem falla undir hvern flokk og einnig er unnin þýðandi í faginu ‘Þýðendur’ og þar farið í uppbyggingu forritunarmála. Hvort hægt sé að fara mikið ‘dýpra’ í aðferðafræðina í almennri kennslu er ég ekki svo viss um. (Áframhald væri drög að master ritgerð)
Einnig er farið í uppbyggingu gagnagrunna (2 áfangar), netsamskipta, tölvugrafík og fleira.

Mikil áhersla er lögð á hlutbundna aðferðarfræði (að sjálfsögðu) og er mjög auðvelt að tileinka sér nýtt forritunarmál í sömu tegund forritunarmála ef maður kann eitt af því. C++ er mest ‘low-level’ hlutbunda forritunarmálið og er því mjög einfalt að yfirfæra hugsun og þekkingu af því forritunarmáli yfir á önnur forritunarmál í þeim flokki.

Vitandi að farið er vel yfir sömu hluti í HÍ þá myndi ég telja grunn tækniþekkingarinnar svipaðan. Hvað varðar aftur á móti kennslu með nýjustu tækni þá stendur HÍR framar.
Hvað varðar aftur á móti almennan stærðfræðilegan bakgrunn þá stendur HÍ framar. Einungis eru 2 áfangar af stærðfræði í náminu hjá HÍR, báðir Discrete Mathematic áfangar, en þeir dekka þá stærðfræði sem gerð er krafa um í BS gráðu Tölvunarfræði.

Sammála er ég að það sé ekkert nema gott að fá nýja Háskóla við kennslu með tölvufræðiskor (sem skila BS prófi) þar sem hinir 2 eru það þéttsettnir.

Hvað varðar ‘fjöldaframleiðslu’ tölvunarfræðinga þá er ég ekki viss hvað þú ert að meina. Ég get vitnað um það að tölvunarfræði námið í HÍR er svínslega erfitt og þegar ég byrjaði þá voru 120 sem komust inn en rétt 60 kláruðu 2 ár. Það að 50% detti út er ekki fjöldaframleiðsla.

kv
Halldó

Fyrra álit

Kahuz fyrir 23 árum, 9 mánuðum

…ekkert nema stærðfræði…boring..

…out

Fyrra álit

svg fyrir 23 árum, 9 mánuðum

Ekki finnst mér nú áhugi okkar Íslendinga mikill með þessa nýju braut á Akureyri.

Mér skildist að Mark hefði verið sá eini sem sókti um.

Kv. svg

Fyrra álit

Icequeen fyrir 23 árum, 9 mánuðum

Jibbí þetta voru góðaar fréttir vona bara að þetta takist vel og verði áfram e. 2 ár ;o)

Fyrra álit

Cruxton fyrir 23 árum, 9 mánuðum

Skóli sem leggur meira upp úr flottum tölvubúnaði en stærðfræðilegri forritun á nafnið góða skilið:
VERSLÓ TVÖ! :)

“True words are never spoken”

Fyrra álit

elm fyrir 23 árum, 8 mánuðum

Skemmtilegar umræður.

Mér líst mjög vel á að það sé að koma upp tölvunarfræðiskor á Akureyri. Ekki veitir af að fá fleira hæft fólk inn í hugbúnaðargeirann. Þegar ég segi hæft fólk þá er ég að tala um fólk sem veit eitthvað um hugbúnaðarferlið sjálft og hefur notað það í náminu sínu. Það er allt of mikið um að fólk telji það að FORRITA vera eitthvað aðalmál. Með auknum fjölda þeirra sem ljúka tölvunarfræðinámi ætti skilningurinn á ferlinu sjálfu að aukast almennt, og er það vel.

Mín skoðun er nú sú að aðalmálið sé ekki að kunna á einhver ákveðin forritunarmál eða ákveðin forritunar tól( java, VC++, JBuilder…) heldur að vita út á hvað hlutirnir ganga og kunna að tileinka sér ný tæki. Það er mun verðmætara að vera fljótur að læra á ný tæki heldur en að kunna 100% á eitthvað eitt ákveðið mál eða tól.
Ég ætla hins vegar ekki að gera upp á milli skólanna. Til þess hef ég ekki nógu mikla þekkingu á báðum stöðum. En ég hugsa að þeir séu báðir að gera góða hluti þó að þeir fari sitthvora leiðina.
kveðja, ELM

Fyrra álit

Apostle fyrir 23 árum, 7 mánuðum

En svona í sambandi við þetta, hver eru byrjunarlaun forritara á markaðnum í dag ? Fara þau ekki lækkandi ? Er einhver munur á launum kerfisfræðinga og tölvunarfræðinga ?

????
@postle

Fyrra álit

Forritun

Forritun

Ofurhugar

Stjórnendur

Hverjir eru inni

Greinar

Tölvunafræðiskor á Akureyri

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi